Kan Jørn Andersen kopiere dette?

Dei kleiv opp på ryggane på kvarandre for å utlikne motstandarane si høgde. For 50 år sidan blei Nord-Korea heile verdas kjæledegge i nokre dagar.

Pak Doo Ik

SKRELL: Pak Doo Ik scorar mot Italia på Ayresome Park og utløyser ein av dei største sensasjonane i VM-historia

Foto: Central Press / Getty Images

Det er eit historisk lag Jørn Andersen er i ferd med å overta.

Året var 1966, det var VM i England.

Det heilt ukjende laget var ikkje løyvd mange sjansane på førehand, og dei opna då også som venta med 0–3 for Sovjetunionen. Med ei sein utlikning til 1–1 mot Chile i neste kamp helt dei liv i sjansen til å gå vidare.

Sende Italia heim i skam

I Middlesbrough small bomba: Nord-Korea slo sjølvaste Italia 1–0. Pak Doo Ik scora det som skulle bli sigersmålet rett før pause. Og med all den støtte som 17.000 på tribunane makta å gje, heldt Nord-Korea unna til fløyta gjekk.

Det gav avansament til koreanarane og tidleg heimreise for Italia – største skrellen i VM-historia fram til då.

Nord-Korea vart det aller første laget frå verda utanfor Europa og Sør-Amerika som gjekk vidare frå gruppespelet i VM.

Den italienske skamma var så stor at laget valde å lande på ein bortgøymd flyplass i dei norditalienske fjella midt på natta.

Men det hjelpte ikkje. Ei stor gruppe sinte fotballfans var frammøtte, og dei hadde med seg rikeleg med egg og rotne tomatar.

«Ladder Tactic»

Med ei snitthøgde på berre 162 cm måtte koreanarane kompensere mot sine mykje høgare motstandarar. Dei utvikla ein spesiell teknikk der dei nærmast kleiv opp på kvarandre. Publikum og presse tok raskt til å kalle dette for «ladder tactic».

Pak Doo Ik

OFFENSIV: Pak Doo Ik blei helt med sigersmålet mot Italia. Her er han i duell med Portugals keeper i kvartfinalen der Nord-Korea leia 3-0, men tapte 5–3

Foto: Ap

No hadde Nord-Korea fått sjølvtillit så det heldt. I kvartfinalen mot Portugal i Liverpool, og 40.000 på Goodison Park trudde ikkje det dei fekk sjå. For Nord-Korea scora allereie etter få sekund, og før det var gått 25 minutt stod det ufattelege 3–0.

Men Portugal hadde legenda Eusebio på laget, og han var på toppen av sin karriere. Han skulle bi toppscorar i meisterskapet med ni mål. Fire av dei kom i denne kampen. Med to mål før og to rett etter pausen snudde han kampen mot dei tapre koreanarane, som tapte 3–5 til slutt.

Dei kunne reise heim og ut av verdas rampelys med heva hovud.

Lettvint veg til VM

At Nord-Korea i det heile kom til VM det året, var ei historie i seg sjølv. FIFA hadde bestemt at Asia, Afrika og Oseania skulle kjempe om ein plass. Men Afrika meinte at dei burde ha ein plass for seg sjølv, og trekte seg frå kvaliken i protest.

Fire av dei fem påmelde laga frå Asia trekte seg også av ulike grunnar. Dermed stod Nord-Korea åleine att mot Oseania-vinnar Australia. Og koreanarane vann greitt.

Men deretter måtte dei slåst lenge for å få lov å reise til VM. For Storbritannia ville ikkje gje visum til nokon frå det lukka landet. Først like før VM, og etter press frå FIFA, let dei Nord-Korea sleppe inn.

Det angra dei neppe på.

Siste nytt

  • Viktig Barcelona-seier

    Philippe Coutinho satte inn det siste målet da Barcelona slo Valencia 3-1 i La Liga søndag kveld. José Gayà sendte gjestene i en tidlig ledelse på Nou Camp, men Ansu Fati brakte raskt balanse i regnskapet – før Memphis Depay sendte Barca i ledelsen fra straffemerket.

    Dermed tok Barcelona en viktig seier etter en uvanlig svak start på sesongen.

    y-a5aa9cieA
    Foto: LLUIS GENE / AFP
  • Håndballpresidenten fikk korona

    Håndballpresident Kåre Geir Lio har fått korona i etterkant av håndballjentenes landskamper, skriver VG. Bærum kommune opplyser søndag kveld til at det er minst 32 smittede etter at Norge og Slovenia møttes i Nadderud Arena 7. oktober med 1526 tilskuere til stede, opplyser avisen, ifølge NTB.

    jZArKDEu_ng
    Foto: Aleksandar Djorovic / NTB
  • Sikret viktig Brann-poeng

    I kampen ingen kunne tape i bunnstriden i Eliteserien så det lenge ut til at Stabæk skulle vinne 1-0. Så dukket Kasper Skaanes opp på overtid og sørget for 1-1, melder NTB.

    Ett poeng gjør at Brann fortsatt ligger på kvalikplass, nå med 19 poeng. Stabæk er poenget bak, men tre foran Mjøndalen, som tapte hele 0-7 for Haugesund. Alle de tre lagene har åtte kamper igjen å spille.

    cFE6RCViJQQ
    Foto: Marit Hommedal / NTB

Sendeplan

Kl. Program Kanal