Wirkola i sorg etter ny sjokkbeskjed

Nok ein tidlegare lagkamerat av Bjørn Wirkola har gått bort. – Det har skjedd litt for mykje slikt no, seier hopplegenda.

Wirkola

Ingolf Mork var Bjørn Wirkolas lagkamerat på 60- og 70-talet.

Hoppveke-vinnaren frå 1972, Ingolf Mork, døydde onsdag kveld etter kort tids sjukdom.

– Dette kom som lyn frå klar himmel, seier Bjørn Wirkola, som var landslagshoppar saman med Mork på slutten av 60-talet og i byrjinga av 70-talet.

Mista lagkamerat i januar

For vel tre veker sidan gjekk ein annan tidlegare lagkamerat av Wirkola bort. Eks-hoppar Christoffer Selbekk blei 72 år gamal.

Hans beste enkeltresultat var ein 4. plass i Innsbruck 6. januar 1967.

– Det har skjedd litt for mykje slikt no, seier Wirkola til NRK.no.

Nyleg avdøde Mork vann hoppveka i 1972, og fall frå sigeren i same turnering året før.

Då vann Jiri Raska. Han gjekk bort i slutten av januar i år, 70 år gamal.

– I tillegg kom beskjeden om at Joe Inge Bjørnebye var råka av kreft, seier Wirkola.

Bjørnebye deltok mellom anna i OL i 1968 og 1972.

VIDEO: Sjå høgdepunkta frå Morks karriere

Video Ingolf Mork har gått bort

Ingolf Mork har gått bort

– Klart beste hoppar med dårlig fart

Per Bergerud

Tidlegare hoppar Per Bergerud.

Foto: Åserud, Lise / Scanpix

Ingolf Mork var eit stort idol for mange hoppinteresserte. Tidlegare skihoppar Per Bergerud vil hugse Mork som ei eldsjel for sporten.

Bergerud debuterte i hoppveka i 1974, og representerte generasjonen som kom etter Mork.

– Mork hadde ein utruleg treningsdisiplin, og utforska ulike treningsmetodar medan han var aktiv.

– Vi som kom i generasjonen etter følgde ting han gjorde. Han har bidratt mykje til å finne ut korleis ein skal trene riktig. Det er der han har påverka hoppsporten på ein positiv måte, legg Bergerud til.

Også Wirkola hyllar eks-lagkameraten som ein enorm tilvekst for norsk hopping.

– Ingolf tok hoppsporten eit lite steg vidare. Han studerte jo hopptrening, og var den «karen» som var klart best i hoppet med dårleg fart. Han skapte mykje med ut over kulen og kunne fly på den vesle farta han hadde, seier Wirkola.

– Eg synst det er litt for tidleg å gå bort når ein er 64 år. Men ein må ta slike beskjedar som dei kjem. Det er ikkje noko å gjøre med, avsluttar han til NRK.no.

VIDEO: NRKs Arne Scheie om Ingolf Mork

Video Scheie fikk råd av Mork

Scheie fikk råd av Mork

Siste nytt

  • Ulset akkurat utenfor pallen

    Nils Erik Ulset endte på 4. plass på torsdagens normaldistanse i para-VM i skiskyting i Canada. Ulset, som alt har tatt et sølv, bommet to ganger. Han var et snaut minutt fra bronsen og tre minutter bak gullvinner Benjamin Daviet fra Frankrike.

    Nils Erik Ulset
    Foto: Berit Roald / NTB scanpix
  • Chelsea videre i Europaligaen

    Andreas Vindheim og Malmö tapte 3-0 mot Chelsea på Stamford Bridge torsdag kveld. Engelskmennene vant dermed 5-1 sammenlagt, og er videre i Europaligaen. Olivier Giroud, Ross Barkley og Callum Hudson-Odoi stod for hjemmelagets nettkjenninger.

    Europa League - Round of 32 Second Leg - Chelsea v Malmo
    Foto: Tony O'brien / Reuters
  • Storhamar slo Vålerenga

    Storhamar vant torsdag 4-3 over Vålerenga etter spilleforlengelse, og holder dermed liv i håpet om å bli seriemester i ishockey. Fire poeng skiller de to lagene før serieinnspurten. Storhamar har tre kamper igjen å spille, mens Vålerenga har fire.

    ISHOCKEY: Eliteserien menn 50 runde. Vålerenga Storhamar.
    Foto: Vidar Ruud / NTB scanpix

Sendeplan

Kl. Program Kanal