Hopp til innhold

Naboane håper på England-fiasko: – Heilt uaktuelt å heie på dei

I Storbritannia benkar fotballsupporterane seg framfor TV-skjermane i håp om ein ny engelsk VM-fiasko.

SOCCER-WORLDCUP-TUN-ENG/

Mange britar nytta hashtagen #anyonebutengland før og under England sin kamp mot Tunisia måndag – i håp om Harry Kane og co. skulle gå på eit bananskal. Men Kane scora to mål og sikra England ein god start på meisterskapen.

Foto: SERGIO PEREZ / Reuters

Under VM har kampanjen «Anyone but England» blussa opp. Skottar, walisarar og irar frydar seg når storebror slit på fotballbana.

Mange har tatt til sosiale media for å støtte alle andre lag enn England under meisterskapen, i tillegg til at det blir hengt opp plakatar med «Anyone but England» i Glasgow og andre stader.

Også større profilar, som den skotske førsteministeren Nicola Sturgeon, har hengt seg på kampanjen.

Laster Twitter-innhold

Men kvar kjem denne motstanden mot England i resten av Storbritannia frå?

– Dette handlar om gamle motsetningar og rivaliseringar internt på dei britiske øyane, seier Atle Libæk Wold, førsteamanuensis ved det humanistiske fakultetet ved Universitet i Oslo.

Han utdjupar:

– Det har mykje å gjere med at England dominerer så totalt over dei mindre naboane i den britiske statsdanninga. Dei andre landa føler seg ofte fullstendige overkøyrde. Derfor er det uaktuelt å heie på England, fortel Wold.

Laster Twitter-innhold

– Ikkje konsekvente

Tidlegare har dei ulike nasjonane på dei britiske øyane vore i krigar og andre konfliktar med kvarandre. Men no får desse motsetningane utløp i sportsarrangement i staden, meiner Wold.

Atle Wold

Atle Libæk Wold meiner den britiske identiteten er svekka over tid, til fordel for sterkare walisisk, skotsk og engelsk identitet.

Foto: UIO

Likevel er det slik at Storbritannia stiller felles lag i OL. Og dei fleste i Storbritannia jublar når Andy Murray vinn Wimbledon-turneringa i tennis.

– I god britisk ånd er dei ikkje så konsekvente. I nokre idrettar representerer dei Storbritannia, i andre enkeltlanda. Men nokre tommelfingerreglar gjeld. I idrettar som hadde sitt opphav på dei britiske øyar, som fotball, rugby og cricket, er det typisk at dei enkelte landa stiller med kvar sine lag, forklarer Atle Libæk Wold.

I OL har ein ikkje noko val. Der må Storbritannia stille felles lag.

– Dessutan handlar jo dette om kor prestisjefull turneringane er. Fotball i OL har låg status. Det ville ha blitt ramaskrik om Storbritannia måtte stille lag i til dømes fotball-VM, meiner Wold.

Laster Twitter-innhold

– Skarpare motsetningsforhold

Korrespondent Espen Aas utenfor Buckingham Palace

Espen Aas, NRK-korrespondent i Storbritannia og Irland, mellom 2013 og 2017.

Foto: skjermdump / NRK

Espen Aas, NRK-korrespondent i Storbritannia og Irland mellom 2013 og 2017, trur skottane er leie av at engelskmennene er så sjølvgode. Og dette gjeld kanskje i endå større grad walisarane, som gjorde det langt betre enn England i EM for to år sidan.

– Men dette handlar også om politikk. Etter Brexit for to år sidan følte mange skottar, walisarar og også nordirar at England trumfa gjennom noko dei andre eigentleg var imot, fortel Aas.

Han meiner motsetningsforholda internt blant dei fire landa i Storbritannia har blitt mykje, mykje skarpare.

– Skottar og walisarar er blitt mykje meir opptekne av å vere skottar og walisarar enn å vere britar, seier Espen Aas.

Britain Russia Soccer WCup Tunisia England

Engelske fotballsupporterar kunne juble etter 2-1-sigeren mot Tunisia måndag.

Foto: Martin Rickett / AP

Siste nytt

  • Curling-VM: Norsk storseier over Tyrkia

    De norske curlingkvinnene slo knallhardt tilbake etter to strake tap og knuste Tyrkia 11-5 i curling-VM i Canada.

    Skip Marianne Rørvik fronter det norske VM-laget sammen med Kristin Skaslien, Mille Haslev Nordbye og Martine Rønning.

    Etter fem VM-kamper står de med to seiere og tre tap. Det gjør at Norge ligger på en delt 6.-plass. Sveits topper tabellen med fem av fem seire.

    Senere tirsdag venter det nok en kamp mot storfavoritt Sveits.

    Curling VM Norge
    Foto: Darren Calabrese / AP
  • Fire argentinske fotballspillere arrestert for voldtekt

    Fire profesjonelle fotballspillere i Argentina ble mandag pågrepet for å ha voldtatt en kvinnelig sportsjournalist på et hotellrom tidligere denne måneden. Den 24-år gamle kvinnen sier hun ble med på et hotellrom med en av dem, sovnet, og ble voldtatt, melder AFP.

    Toppklubben Velez Sarsfield har suspendert de fire og satt i gang en intern etterforskning.

  • Tidligere Brann-profil dropper skjebnekamper – nå beklager han til lagkameratene

    Tidligere Brann-spiller Robert Taylor skapte irritasjon da han takket nei til å spille for Finland i torsdagens EM-skjebnekamp mot Wales. Nå forklarer han seg.

    Taylor, som også har en fortid i Tromsø, spiller til daglig sammen med superstjernen Lionel Messi i Inter Miami.

    Kampen mot Wales er semifinale i omspillet i nasjonsligaen.

    – Jeg har stor tro på at Finland i disse svært viktige kampene trenger spillere som er hundre prosent i form, slik at vi forhåpentligvis kan sikre oss en plass i EM. Det hadde vært egoistisk av meg å ta denne muligheten fra en annen spiller, skriver Taylor på Instagram.

    – Fordi dette var en svært vanskelig avgjørelse å ta, tok det lengre tid enn forventet å komme fram til denne løsningen. Jeg vet at det har satt laget i en utfordrende situasjon, så jeg vil be om unnskyldning til lagkameratene og trenerne mine, legger han til. (NTB)

    Taylor
    Foto: AP

Sendeplan

Kl. Program Kanal