Gjeldande avtale går ut 14.september. Utan ny avtale blir det ikkje seriestart som planlagt 13.oktober.
- Vårt tilbod var siste sjanse til å unngå konflikt, seier Trevor Linden, president i spelar-foreininga. Tilbodet gjekk mellom anna ut på fem prosent reduksjon i lønningane, og ei skattedeling mellom klubbar og spelarar.
- Det var uakseptabelt, og det er svært skuffande at spelarane ikkje kan gje meir, seier NHLs nestleiar Bill Daly. NHL har kome med fleire utspel tidlegare i år, men alle er avviste av spelarforeininga.
NHL vil ha tak på spelarlønningane, men det vil ikkje spelarane godta. Det er ikkje planlagt nye forhandlingsmøte. Klubbeigarane har tidlegare indikert at dersom det ikkje blir avtale før den gamle går ut, vil klubbane gå til lockout inntil spelarane godtar krava frå klubbane. Det kan i verste fall øydeleggje heile sesongen.