Mona Løseth legg opp: – Livet er meir enn skikøyring

– Eg har bestemt meg for å pensjonere meg frå alpint, skriv 23-åringen frå Ålesund på Facebook-sida si.

Mona Løseth

Mona Løseth har delteke i to OL for Noreg, men no legg 23-åringen frå Ålesund opp.

Foto: Åserud, Lise / NTB scanpix

Alpinisten har delteke i to OL, både i Vancouver i 2010 og i Sotsji i år. No seier ho seg ferdig som profesjonell alpinutøvar.

Mona og Nina Løseth

Mona Løseth (t.v.) har gjort det skarpt i alpint - som søstrene Nina og Lene Løseth. Her saman med Nina under OL i Sotsji.

Foto: Åserud, Lise / NTB scanpix

– Det har vore ein sommar med mykje tenking, men eg er fornøgd med avgjersla og ser fram til å gjere nye ting. Livet er meir enn skikøyring, skriv ho på sin private Facebook-profil.

Ho skriv at alpint alltid har handla om lidenskap og kjærleik.

– Og eg har alltid sagt til meg sjølv at når den dagen der eg ikkje har lidenskap og kjærleik for alpint lenger kjem, då vil eg slutte.

Løseth takkar trenarar, støtteapparat, sponsorar, venner og spesielt familien for tida i alpinsirkuset.

– Eg er svært takksam. Så takk til alle for å ha trua på meg og for å ha hjelpt meg dit eg har vore, skriv Løseth.

Claus J. Ryste

Sportssjef i alpinforbundet, Claus J. Ryste, synest det er trist at Mona Løseth gir seg.

Foto: Poppe, Cornelius / NTB scanpix

Sportssjefen: – Ut av det blå

Når NRK ringer til sportssjef i alpinforbundet, Claus J. Ryste, fortel han at han ikkje prata inngåande med Løseth sjølv.

– Dette er ganske ferskt. Men ho har hatt ein tøff veg, med to stygge beinbrot på rappen, før ho har jobba seg tilbake. Det er nok eit svært samansett bilde som gjer at ho no gir seg, seier Ryste til NRK.

– Det er nok ikkje éin enkelt grunn, legg han til.

Ryste synest det er svært langt frå kjekt at eitt av dei største alpintalenta på kvinnesida i Noreg legg opp i ein alder av 23 år.

– Ho var god i e-cupen i år og gjorde det også bra i fleire World Cup-run i fjor. Vi hadde på langt nær eit ønskje om at Mona skulle gi seg.

Han fortel at avgjersla frå Løseth kom heller uventa.

– Ja, det gjorde det – det må eg seie. Det har ikkje vore diskutert gjennom sesongen og våren. Eg veit at ho har vore plaga med smerter i leggen som ho har brote to gonger, og har synest det har vore tøft. Men dette kom ut av det blå, ja, seier Ryste.

Siste nytt

Sendeplan

Kl. Program Kanal
EM håndball kvinner Russland-Kroatia
Håndball-EM: Russland - Kroatia
Radiosporten: EM håndball kvinner Norge - Romania
Radiosporten: EM håndball kvinner Norge - Romania
Håndball-EM: Norge - Romania
Radiosporten: EM håndball kvinner Norge - Romania
Radiosporten: EM håndball kvinner Norge - Romania
Radiosporten: EM håndball kvinner Norge - Romania
Radiosporten: EM håndball kvinner Norge - Romania