Skullerud: – Vi er vanskelege å slå også på bortebane i Europa

Etter 4–1 på heimebane måtte Gorica herje med Molde heime i Slovenia. Det klarte dei aldri – og blåtrøyene er vidare på vegen mot europaligaen.

Molde fierer

Her feirar Molde 4-1-målet i sigeren i første kamp over Gorica. Agnaldo (t.v.) scora Molde sitt einaste mål i 1-1-kampen på bortebane.

Foto: Ekornesvåg, Svein Ove / NTB scanpix

Laster innhold, vennligst vent..

– Dette er vi veldig fornøgde med. 1–1 er eit fint resultat, og vi viser at vi er vanskelege å slå også på bortebane i Europa, seier Molde-trenar Tor Ole Skullerud til NRK etter kampen.

Tor Ole Skullerud

Tor Ole Skullerud vil veldig gjerne ta Molde til europaligaen.

Foto: Ekornesvåg, Svein Ove / NTB scanpix

Han fekk sjå eit kontrollert Molde til slutt avansere med 5–2 over to kampar mot slovenske Gorica.

I Slovenia i returmøtet torsdag kveld sende Agnaldo Molde i leiinga etter 49 minutt. Gorica vakna når dei låg under 1–5 samanlagt, og etter 63 minutt utlikna Alen Jogan for heimelaget.

Det blei derimot ikkje fleire scoringar. Ein god Ørjan Håskjold Nyland stod godt – som i første møtet mot Gorica.

– Ørjan har vore god heile tida. Han er god kvar gong han står i mål. I dag var det ikkje så mykje sjansar, men vi er stort sett gode defensivt, meiner Skullerud.

Usikker på neste motstandar

Når Molde no er vidare til tredje kvalikrunde skal dei møte ukrainske Zorya Luhansk i tredje kvalifiseringsrunde. Dei veit Skullerud lite om.

– Vi veit veldig lite om motstandaren, men vi har folk i Kiev som ser dei i kveld. Vi skal vere godt førebudde når vi møter dei om éi veke, slår Molde-trenaren fast.

Laget blåtrøyene no møter får derimot ikkje spele på si eiga heimebane på grunn av bråket mellom Ukraina og Russland. Molde skal truleg spele borte mot Zorya Luhansk i Dnipropetrovsk, Odesa, Kiev eller Lviv neste veke.

– Vi veit ikkje 100 prosent, men slik eg har forstått så blir det Kiev, opplyser Skullerud.

– Korleis gjekk det med Rosenborg?

Same kvar kampen blir spelt er Molde-trenaren klar på at laget vil vidare.

ingebrigtsen

Kåre Ingebrigtsen fekk ein perfekt start som RBK-trenar. No skal han møte Molde til toppoppgjer i eliteserien til helga.

Foto: INPHO/James Crombie / NTB scanpix

– Vi veit at det er ei tøff nøtt med eit ukrainsk lag frå ein liga som held høgt nivå. Kor godt laget vi møter er veit eg ikkje enno, men vi har veldig lyst vidare, seier Skullerud.

I tillegg til Molde er Rosenborg einaste norske laget som framleis er med i Europa. Dei slo Sligo Rovers 3–1 borte og sikra 5–4 samanlagt. Til helga møtest MFK og RBK til toppoppgjer i eliteserien.

– No møter de Rosenborg, det einaste andre norske laget som er vidare i Europa, til helga. Kva tenkjer du om den kampen?

– Korleis gjekk det med Rosenborg då?

Resultatet fekk Skullerud vite.

– Okay, hm. Nei, kva eg tenkjer om kampen til helga. Det blir ein fantastisk kamp, toppoppgjer med dei to beste laga i Tippeligaen. Ramma er fantastisk, så dette gler vi oss til, slår Molde-trenaren fast.

Rosenborg har nettopp bytta trenar frå Per Joar Hansen til Kåre Ingebrigtsen. I tillegg har dei med seg ein positiv kamp i Europa i bagasjen til Molde – utan at det uroar Skullerud.

– Det er ein god inngang for dei, men vi gler oss til at dei kjem til Molde. Vi skal gi dei tøff match, avsluttar han.

Vegard Forren

Vegard Forren scora to då Molde slo Gorica 4–1 i den første av dei to kampane i andre kvalifiseringsrunde til europaligaen.

Foto: Ekornesvåg, Svein Ove / NTB scanpix

Siste nytt

  • Arsenal slo tilbake

    Arsenal såg lenge ut til å gå på ein kjempesmell i første kamp i europaligaen mot Rapid Wien. Fountas gav gjestane ein kalddusj tidleg i 2. omgang.

    20 minutt seinare utlikna David Luiz for gruppefavoritten, og fire minutt seinare sørga Aubameyang for full pott for Arsenal.

    Arsenal og Molde toppar dermed gruppa etter første runde med like mange poeng.

    Football: Europa League - 1st round day 1: Group B Rapid Wien (AUT) v Arsenal (ENG)
    Foto: Joe Klamar / AFP
  • Etterlengta siger til Oilers

    Stavanger Oilers kunne juble etter å ha vunne 5–4 over Sparta i eliteserien i ishockey torsdag. Sigeren er den andre på fem kampar for rogalendingane.

    Det var likevel gjestane som kom best i gang og tok leiinga og utlikna to gonger i kampen. Men det heldt til slutt for Oilers.

    Stavanger Oilers - Sparta
    Foto: Carina Johansen / NTB
  • Wales knuste Færøyane

    Wales banka Færøyane 4-0, det betyr at Norge framleis ikkje er heilt klare for fotball-EM i 2022.

    Helen Ward scora før pause, og Natasha Harding (2) og Lily Woodham i 2. omgang. Wales var knusande overlegne, og hadde 17 skot mot mål. Færøyane hadde ingen.

    Wales er på andreplass i gruppa, fire poeng bak Norge. Laga møtest i Wales tysdag, og med minst uavgjort der er Norge EM-klar.

    Wales-supporter
    Foto: Andrew Boyers / Reuters

Sendeplan

Kl. Program Kanal