Han slo sin hardaste rival Sverre Lunde Pedersen med over sekundet. Pedersen fekk 1.47,65 og tok sølvet i enkeltdistanse-NM.
Håvard Holmefjord Lorentzen tok bronsen med 1.49,42.
På 5000 m tok derimot Sverre Lunde Pedersen revansje. Han gjekk distansen på 6.28,44 og tok sin aller første NM-tittel på distansen. Håvard Bøkko på sølvplass fekk tida 6.34,61, slått med over seks sekund.
Bronsen gjekk til Fredrik van der Horst.
Ida Njåtun dominerer i kvinneklassen. Ho vann 1000-meteren på 1.18,18, framfor Hege Bøkko på 1.19,70. Her vart Hanne Haugland bronsevinnar.
Nokre timar seinare sikra Ida Njåtun seg også NM-gullet på 3000 m med 4.12,90. Mari Hemmer i same par tok sølvet med 4.15,93.
Etter dei to første NM-dagane i Vikingskipet er det sett 9 meisterskaprekordar og 17 personlege rekordar. Meisterskapet blir avslutta med 1000 og 10.000 m for menn og 1500 og 5000 m for kvinner.
Verdscupen tek til i Calgary i Canada om tre veker.