Meiner brattare bakkar er det einaste som kan redde klassisk langrenn

Vegard Ulvang og FIS er redd for at klassisk langrenn skal forsvinne. Didrik Tønseth og Martin Johnsrud Sundby trur den einaste løysinga er brattare bakkar.

Tønseth og Sundby på løpetur

TVIHELD PÅ KLASSISK STIL: Martin Johnsrud Sundby og Didrik Tønseth har ikkje trua på at langrenn ender opp med ein stilart.

Foto: Grøtt, Vegard Wivestad / NTB scanpix

– Kva hadde Falun vore utan Mördarbacken?

Landslagsløpar og gullvinnar på stafetten frå nettopp Falun, Didrik Tønseth, spør retorisk. Han er ikkje i tvil på kva løysinga på problemet dei høge herrar i FIS slit mest med om dagen. Stakerevolusjonen som nådde nye høgder i fjor, har kome langt og no må det internasjonale skiforbundet ta grep.

– Det er jo berre å grave

– Bakkane må bli brattare. Det er det som er løysinga. Det er jo berre å grave i jorda så har du ein bakke, det kan du gjere på alle skistadionar, meiner Tønseth, som alt no synest han ser utviklinga går akkurat i den retninga.

– Eg trur dei lange bakkane er på veg tilbake. Det er jo dei som gjer skistadionar kjent. Sjå på Mördarbacken i Falun, det er der folk samlar seg og det er det skjer. Eg trur motbakkar er framtida, både for å bli kvitt stakinga og for å gjere skisporten meir ekstrem.

I Davos før jul i fjor gjekk både Dario Cologna og Petter Northug 15 kilometer klassisk på skøyteski utan eit einaste fråspark. Klassiske sprintar og langløp har dei siste åra berre blitt meir og meir prega av staking. Mange har uttrykt uro for at diagonalgangen vil forsvinne, men Martin Johnsrud Sundby har ikkje trua på dei dystre spådommane.

Stakande Northug i Davos

REVOLUSJON: I desember i fjor staka for fyrste gong løparar ein heil 15 kilometer i intervallstart. Petter Northug var ein av desse, men blei ikkje betre enn nummer 10.

Foto: Roald, Berit / NTB scanpix

– Kanskje er eg naiv, men eg trur absolutt ikkje diagonalgangen vil forsvinne i verdscupen. Spådommen min er at ein legg klassiske renn til destinasjonar som tilbyr bratte og lange nok bakkar, så kan ein heller gå skøyterenn i flatare løyper, meiner Sundby.

Blir strengare til vinteren

Vegard Ulvang er leiar av langrennskomiteen i FIS. Han innrømmer at den enorme stakeutviklinga er noko han og det internasjonale skiforbundet har brukt mykje tid på.

– Me er uroa og veit at me har betydelege utfordringar i vente om me skal behalde to stilartar, seier Ulvang.

Han fortel at tiltaka dei to landslagsløparane skisserer også er noko FIS diskuterte på det førre møte deira i juni.

– Dei kortsiktige tiltaka som allereie er vedteke er at det skal bli lettare å slå ned på tjuvskøyting. Som Sundby nemner vil me også tilpasse terminlista der det er mogleg, for å få klassiske renn i løyper der løparane ikkje vil stake.

Vegard Ulvang

UROA: Vegard Ulvang trur ikkje forbod mot skøyteski eller kontroll av smurning før start er vegen å gå for å stoppe stakeutviklinga. Det er løypene og strengare dommarar FIS håpar skal hjelpe til vinteren.

Foto: Åserud, Lise / NTB scanpix

Ulvang nemner italienske Toblach der Aleksej Poltoranin i januar blei den fyrste til å vinne eit distanserenn i klassisk utan festesmurning, som ein arena der dei prøvar å gjere endringar. Men han trur ikkje det er like lett å snu utviklinga som Tønseth meiner.

– Det er ikkje alltid det er like lett å finne bratte nok stigningar eller lov til å grave i områda rundt arenaene i Mellom-Europa. Men det må heilt klart drastiske tiltak om me skal berge den klassiske stilen i konkurranselangrenn.

LES SAKA: Ulvang: – Vi er inne i ei revolusjon

Siste nytt

  • God start for Storhamar

    Storhamar valset over Stavanger Oilers, og vant den første NM-semifinalen 5–2. Hamar-laget vant både serie og NM-sluttspillet forrige sesong. Neste kamp mellom de to lagene spilles søndag i Stavanger.

    Storhamar
    Foto: Vidar Ruud / NTB scanpix
  • Norge tapte mot Finland

    Det norske U21 landslaget i fotball er i Spania for å spille privatlandskamper mot Finland. I møte med Finland fikk de nordmennene det tøft. Til tross for tre mål, tapte laget 8–3. Mandag venter Russland på stadion Dama de Noche i Málaga.

    U21 fotball
    Foto: Geir Olsen / NTB scanpix
  • Klæbo vant prologen

    Johannes Høsflot Klæbo vant prologen i Quebec. Aleksandr Bolsjunov, som er hans nærmeste utfordrer i verdenscupen sammenlagt, ble nummer tre. Åtte nordmenn gikk til kvartfinalen. Det gjorde ikke Hans Christer Holund.

    Verdenscup langrenn sprint klassisk menn
    Foto: Terje Bendiksby / NTB scanpix

Sendeplan

Kl. Program Kanal