Maren Mjeldes første triumf: – Har venta sjukt lenge

Lysta til å vinne noko har berre blitt større og større for Maren Mjelde. Og det kan bli meir om nokre få veker.

Emma Hayes og Maren Mjelde

TRIUMF: Cupsigeren var Maren Mjeldes aller første trofé. Her saman med Chelsea-manager Emma Hayes

Foto: PAUL CHILDS / Reuters

Triumfen på Wembley laurdag, med 3–1 over Arsenal i FA-cupfinalen, var den norske landslagskapteinens aller første trofé.

– Dette har eg venta sjukt lenge på. Lysta til å vinne noko har blitt større og større. No er eg i ein stor klubb og kan få oppleve det. Og det gav meirsmak, seier ho.

Maren Mjelde spela heile kampen. Maria Thorisdottir kom inn etter 69 minutt og fekk også vere med på moroa ute på bana.

Fran Kirby og Maria Thorirsdottir

JUBEL: Maria Thorisdottir var den andre norske spelaren som fekk nyte cuptriumfen

Foto: PAUL CHILDS / Reuters

Mjelde er godt nøgd også med sin eigen innsats på Wembley.

– Eg hadde eigentleg god kontroll heile vegen. Målet imot var kjedeleg, det kom litt for lett. Men samstundes kjende eg det som om vi hadde kontroll. Alle var på topp, og då gjekk det godt for min del også, seier Mjelde frå spelarbussen på veg heim til Stamford Bridge og sigersfest.

– Vi skal feire utover kvelden, det må vi ha lov til.

– Ei vond kjensle

Under kampen var ho likevel prega av ei uvanleg spenning i kroppen.

– Eg var mykje meir spent enn vanleg under heile kampen, og hadde ei slags vond kjensle i kroppen. Ikkje fordi det gjekk dårleg, for det gjorde det ikkje. Men det var veldig rart, derfor var det ekstra godt då dommaren bles av kampen og vi hadde vunne, seier Maren Mjelde.

Meir enn 45.000 tilskodarar var på finalen. Det er rekord for cupfinalar for kvinner i England.

– Det var heilt enormt, noko eg kjem til å hugse i resten av livet. Det er slike stunder ein drøymer om som liten.

– Det som er kult, er at det før var berre alle gutars draum å få spele cupfinale på Wembley. No er det alle jenters draum. Dette er det største eg har opplevd.

– Kan bli tre FA-cup-titlar

Tidlegare denne sesongen har Chelseas juniorar vunne FA-cupen. No vann kvinnene, og om eit par veker kan mennene også gjere det.

– Det kan bli tre FA-cup-titlar på ein sesong for klubben, seier Mjelde.

Og det kan bli meir gull. Det står att fire kampar i ligaen, og Chelsea og Manchester City ligg så å seie likt i teten av tabellen.

– Det hadde vore godt å få løfte trofeet ein gong til.

Laster innhold, vennligst vent..

Siste nytt

  • Remis for Carlsen

    Magnus Carlsen spilte mandag remis med hvite brikker mot Vishy Anand i Grenke Classic.

    Carlsen står dermed med to seiere og en remis og leder turneringen i Tyskland.

    Verdenseneren har storspilt så langt i år, og har nå 53 partier på rad uten tap.

    Carlsen
    Foto: Anton Vaganov / Reuters
  • Knudtzon-scoring mot gamleklubben

    En grusom gressmatte på Åråsen sørget for et sjansefattig oppgjør mellom Molde og Lillestrøm. Magnus Wolff Eikrem og Erling Knudtzon scoret i MFKs 2-0-seier. Seieren gjør at Molde nå leder Eliteserien med ti poeng, før Viking møter Odd tirsdag.

    molde
    Foto: Berit Roald / NTB scanpix
  • Poengdeling i Mjøndalen

    Mjøndalen og Tromsø spilte 1-1 på Isachsen stadion i Eliteserien i fotball for menn. Allerede etter ti minutters spill fikk MIF straffespark. Tonny Brochmann scoret fra krittmerket. Ni minutter etter pause utlignet Onni Valakari for Tromsø.

    r
    Foto: Audun Braastad / NTB scanpix

Sendeplan

Kl. Program Kanal