NRK Meny
Normal

Uavgjort i Madrid: Målvaktene tok glansen frå stjernespissane

Det skulle bli den store spissduellen mellom Cristiano Ronaldo og Harry Kane. I staden var det to målvakter som stal showet i 1-1-kampen i Madrid.

Cristiano Ronaldo, Hugo Lloris

KEEPERSPEL: Her reddar Tottenhams Hugo Lloris ein stor sjanse frå Cristiano Ronaldo, og reddar poeng for gjestene

Foto: Francisco Seco / AP

Laster innhold, vennligst vent..

For Tottenhams Hugo Lloris og Reals Keylor Navas tok alt som kom frå stjernespissane. Berre eit sjølvmål og eit straffespark gav teljande resultat.

Sjansar var det rikeleg av, men Navas og Lloris let seg ikkje overliste. Spesielt hadde Lloris fleire redningar frå øvste hylle.

Det toppa seg i andre omgang då Karim Benzema heada hardt frå kort hald. Lloris var på veg til feil side. Men han «la att» ein fot og redda. Det skulle også berge eit sterkt poeng for Tottenham.

Reals Navas var ikkje stort dårlegare. Han toppa kvelden med å få fingertuppane på eit hardt og lågt skot frå Harry Kane. Ballen hadde kurs for lengste hjørne, men gjekk via Navas' fingrar og millimeter utanfor.

– Eg greidde å plassere ballen der eg ville, men han redda gidt, sa Kane.

– Vi gjorde ein god kamp og er godt nøgd med uavgjort, sa Hary Kane til BT Sport. Vi spela godt og gjorde det vanskeleg for dei.

Tottenham scorer

SJØLVMÅL: Tottenham tar leiinga, men det er Reals Raphael Varane som er sist på ballen

Foto: PIERRE-PHILIPPE MARCOU / AFP

Sjølvmål og straffe

Tottenham tok leiinga mot spelets gang, og det var Harry Kane som skapte målet. Kane hælsparka innlegget frå Serge Aurier mot mål. Det gjekk ikkje, men ballen trefte Raphaël Varane og utmanøvrerte keeper.

Real styrte spelet, og fekk løn tre minutt før pause. Auriers takling av Toni Kroos var langt utanfor regelverket, og Real fekk straffe. Den sette Cristiano Ronaldo knallhardt og velplassert i mål. 1–1 etter Ronaldos meisterligascoring nummer 110.

Real Madrid dominerte første del av andre omgang, og Ronaldo fekk vise seg fram. Men utan Real-resultat fekk gjestene kontre.

Det gav seg utslag i eit par svære Tottenham-sjansar. Både Kane, Eriksen og Sanchez kunne gitt gjestene føringa.

Men trass stort Real-press i dei siste minutta blei det poengdeling. Tottenham jubla absolutt høgast etter resultatet.

Ettersom Apoel og Dortmund i same gruppe spela 1-1, er både Real og Tottenham på god veg mot avansement.

Laster innhold, vennligst vent..

Siste nytt

  • Uavgjort på Aspmyra

    Sandefjord scoret sitt første på 705 minutter på bortebane mot Bodø/Glimt. Men Kastratis mål holdt ikke til seier. Jose Angel utliknet for Glimt før pause. Kampen endte 1–1

    Eliteserien fotball 2018. Bodø/Glimt-Sandefjord
    Foto: Mats Torbergsen / NTB scanpix
  • Første seier til Rekdal

    Kjetil Rekdal ble ansatt i Start for å redde sørlendingene fra nedrykk. Mot Kristiansund fikk Start sin første seier under sin nye trener. Rekdals gutter vant 2–0 på Sør Arena.

    Eliteserien fotball 2018 Start - Kristiansund.
    Foto: Tor Erik Schrøder / NTB scanpix
  • Tromsø kjempet seg tilbake

    Sarpsborg 08 var det beste laget i første omgang, men gikk til pause med kun 1–0. Da det var ti minutter igjen av kampen ledet østfoldingene 2–1. Men TIL ga ikke opp, med to mål av Jostein Gundersen og Robert Taylor vant Tromsø 2–3.

    Eliteserien fotball 2018: Sarpsborg - Tromsø (2-3).
    Foto: Audun Braastad / NTB scanpix

Sendeplan

Kl. Program Kanal
VM fotball: Polen - Colombia
FIFA Fotball-VM 2018: Polen - Colombia
FIFA Fotball-VM 2018 Polen - Colombia og eliteserien Rosenborg - Vålerenga