NRK Meny
Normal

Må gå med skinne i tre til fire veker

SOGNSVANN (NRK): Therese Johaug må trene alternativt i tre nye veker. Etter eit nytt brot i handa må Johaug nøye seg med ein stav når ho går på rulleski.

Johaug etter brot

POSITIV: Therese Johaug håpar å snu brotet i handa om til noko positivt og meiner dette skal gjere ho enda sterkare.

Foto: Morten Stenberg

På fredag reiste Therese Johaug rett heim til Oslo etter eit fall på løpetur i italienske Livigno. For andre gong denne sommaren var skistjerna uheldig og pådro seg eit brot i handa. I juli var det venstrehanda, denne gongen var det høgre.

Johaug innrømmer at det ikkje berre har vore lett dei siste dagane sidan ho kom heim i helga.

Slepp operasjon

– Det er veldig irriterande. Sist gong klarte eg å snu det veldig fort og tenkje positivt. Denne gongen måtte eg ha nokre ekstra dagar. Men det skal gjere meg enda sterkare til vinteren, seier Johaug bestemt.

Operasjon slepp 27-åringen, men ho må gjere store endringar på treninga dei neste vekene.

– Det går jo bra, men det er så klart ikkje ein situasjon eg ynskjer å vere i. No må eg bruke skinne i tre-fire veker og får ikkje gå med to stavar på rulleski på tre veker, fortel Johaug som akkurat har gjennomført ei økt på rulleskimølla på Olympiatoppen – med ein stav.

Det verste med skaden er likevel ikkje mindre rulleskitrening.

– Det eg synest er mest kjipt er at det blir vanskeleg å trene overkroppsstyrke. Den jobben eg har gjort der har eg prioritert veldig i det siste, og vil ikkje gå tilbake på, seier Johaug.

Felt av eit hol i bakken

Fallet i Livigno kom på løpetur med resten av landslaget i dei italienske Dolomitter. Johaug hadde følge av Niklas Dyrhaug då uhellet skjedde ein halvtime ut på den tre timar lange turen.

– Eg og Niklas tok ein feil veg og kom inn på ein anna sti. Det var mykje gras og plutseleg var det eit hol i bakken, som eg ikkje såg. Eg datt og tok meg for på strak arm. Sidan eg hadde brot i den andre i sommar, fekk eg alt trykket på den andre handa.

Sjølv om ho kjente at noko var feil valde Johaug å fortsette løpeturen.

– Det var same kjensla som tidlegare i sommar, så eg tenkte at det her er meir enn berre ei forstuing. Men eg hadde ikkje vondt og ein vil jo så klart tru det beste. Det var berre å køyre rett ned, lure pressa litt og så kome seg på røntgen, seier Johaug med eit lurt smil.

Ikkje bekymra for vinteren

Sjølv om ho no må trene alternativt eit par veker, trur ho ikkje skaden vil hemme sesongoppkøyringa noko særleg.

– Eg har aldri hatt noko avbrekk med langvarig sjukdom og skader tidlegare i karrieren. Det kunne jo ha vore kyssesjuke eller andre meir alvorlege skader. Det her kjem jo til å gro, smiler ho og er tydeleg ikkje bekymra.

Men likevel:

– Eg skulle jo ynskje eg kunne setje dei joggeskoa bort litt, men dei blir nok min beste ven framover, ler Johaug.

Pressekonferanse med Therese Johaug der hun snakker om bruddet i hånden.

Sjå heile pressekonferansen med Therese Johaug her:

Siste nytt

  • Sandnes Ulfs første poengtap

    Med 0-0 mot HamKam på Hamar tapte Sandnes Ulf sine første poeng i årets 1. divisjon, etter tre sigrar i sesongopninga.

    Sandnes-laget er dermed på tredjeplass, på målskilnaden bak Aalesund og Notodden. HanKam er framleis utan siger, men har tre uavgjorte.

  • Anklaget for å ha solgt laguttak

    Belgias tidligere landslagssjef Marc Wilmots anklager Chelsea-keeper Thibaut Courtois' far for å ha solgt lagoppstillinger til mediene under fotball-EM 2016.

    Overfor TV-kanalen BeIN Sports påstår Wilmots at Courtois lekket uttakene så snart de var gitt til spillerne.

    Marc Wilmots og Thibaut Courtois
    Foto: Geert Vanden Wijngaert / Ap
  • Fotballtreneren Henri Michel er død

    Den tidligere franske landslagssjefen i fotball, Henrik Michel, døde tirsdag 70 år gammel. Han ledet Frankrike til OL-gull i Los Angeles i 1984 og var også trener for VM-laget som tok bronse i 1986-VM.

    Henri Michel
    Foto: Issouf Sanogo / AFP

Sendeplan

Kl. Program Kanal
Mesterligaen: Semifinale Liverpool - Roma