NRK Meny
Normal

Må gå med munnbind før verdscupopninga: – Eit lite sjokk for løparane

Då skøyteløparane kom til kinesiske Harbin før opninga av verdscupen på skøyter, sprengde luftforureininga svevestøv-skalaen.

Pustemaske

MASKERT: Bak denne maska er Sverre Lunde Pedersen. Her skal verdscupen på skøyter opne denne helga, og slik må skøyteløparane utstyre seg for å kome fram til skøytehallen

Foto: NRK

– Ja, vi har verkeleg får kjenne på forureininga i lufta her, seier landslagssjef Sondre Skarli til NRK.

Han og laget var blant dei første som kom til den kinesiske millionbyen der verdscupen på skøyter skal opne fredag morgon.

Ida Njåtun i bussen

Munnbindet må på kvar gang utøvarane går ut av hotellet. Ida Njåtun og dei andre har det på også når dei reiser rundt med buss.

Foto: Privat

Dei skjønte raskt at her var det litt andre tilstandar enn heime. Luftforureininga i Harbin er så dårleg at den når ekstreme verdiar.

– På forureiningsskalaen ligg Oslo på mellom 35 og 40 mikrogram svevestøv per kubikkmeter på svært trafikkerte dagar. Her har det vore oppe i 999. Det er så høgt skalaen går, seier Skarli.

– Samstundes låg ein så forurensa by som Beijing på rundt 200, så det er klart at lufta her er ekstrem, legg han til.

– Eit sjokk

Han og løparane er trygt plasserte inne i skøytehallen, og der er lufta litt betre - men dei merkar den der også.

Løparane brukar munnbind når dei er ute av hotellet og hallen.

– Vi held oss for det meste inne. Det blir elles stort sett hotellet og buss og bane vi ser her i byen, seier landslagsløpar Espen Aarnes Hvammen.

Sprinttrenar Jeremy Wotherspoon seier lufta var eit stort sjokk for løparane då dei kom. Han har vore i Harbin før, men det er nokre år sidan.

– Det var heilt klart usunt å puste dei første dagane, spesielt ein av dagane var det forferdeleg. Då blei vi åtvara mot fysiske aktivitetar utandørs, og det er ikkje slike forhold ein vil ha når ein skal førebu seg til konkurransar. Det var eit lite sjokk for nokre av løparane.

– Men det blei betre etter kvart. Eg håpar det bli endå betre fram til løpa tek til, seier Wotherspoon.

Slit med astma

Forurensing i Harbin Kina

HASARDIØST: Første dagen skøyteløparane var i Harbin, vart svevestøv-skalaen sprengd

Foto: NRK

To dagar før løpsstart var forureininga nede i 59. Det er katalogisert som moderat. Prognosane for helga er opptil 137, definert som «helsefarleg for sensitive grupper».

– Nokre av løparane som er med her, slit med litt astmaproblem. Dei kan få litt større problem enn andre.

Byane nordaust i Kina er ofte utsette for sterk forureining. I klimaet der temperaturen midtvinters kan gå ned til minus 40 grader, blir det i stor utstrekning brukt kol til fyring og oppvarming.

Ei vindstille veke i oktober/november for tre år sidan var det spesielt ille. Konsentrasjonar på over 1000 mikrogram gav sikt på berre 50 meter. Flyplassane måtte stengje, det same måtte 2000 skular i området.

Video: Sjå korleis skøyteløparane førebur seg i Harbin

Då skøyteløparane kom til kinesiske Harbin før opninga av verdscupen på skøyter, sprengde luftforureininga svevestøv-skalaen.

Siste nytt

  • Mørk krever 150 000 kr

    Nora Mørk fortsetter kampen mot dem som spredte hennes hackede mobilbilder. Nå har 15 personer fått brev om krav om å betale 150.000 kroner hver. Det skriver Dagbladet.

    Nora Mørk
    Foto: Anders Skjerdingstad / NRK
  • Sannsynligvis Serie B for Zekhnini

    Rafik Zekhnini sliter tungt i Fiorentina. – Det er 90 prosent sikkert at han havner i Serie B etter jul, sier Fiorentina-ekspert Brandi de Leonardis. Telemarkingen har så godt som ikke vært å se i laget etter et innhopp i seriestarten, skriver NTB.

    Rafik Zekhnini
    Foto: Paul White / AP
  • Bonus på 105 000 kr lokker jentene

    Det er mye på spill for Norges håndballjenter i VM. En ny tittel er verdt 105 000 kroner for hver av spillerne, ifølge NTB. De får da 75 000 kroner for gullet og som ekstrabonus får de ytterlige 30 000 hver, siden laget da allerede er sikret plass i neste VM (Japan 2019).

    Nora Mørk
    Foto: Anders Skjerdingstad / NRK

Sendeplan

Kl. Program Kanal
VM håndball kvinner: 1/8-finale Spania - Norge
VM håndball kvinner: 1/8-finale Spania - Norge
VM håndball kvinner: 1/8-finale Spania - Norge
VM håndball kvinner: 1/8-finale Spania - Norge