NRK Meny
Normal

Pedersen sjanselaus på medalje: – Trenar ikkje for å bli nummer to

HAMAR (NRK): Sverre Lunde Pedersen forklarer sin vanskelege sesong med at han blei for ivrig i treninga i sesongstarten. I VM var han sjanselaus på medalje.

Sverre Lunde Pedersen inn til foreløpig 2. plass

SJANSELAUS: Sverre Lunde Pedersen gjekk for bronse. I staden redda han berre så vidt fjerdeplassen

Sverre Lunde Pedersen måtte slå sin makker Jan Blokhuijsen med 5,65 sekund for å ta VM-bronse. I staden var det han som blei knust.

– Eg hadde ikkje det giret som måtte til for å halde følgje, seier Sverre Lunde Pedersen etter at han tapte med nesten ni sekund og var på nippet til å miste fjerdeplassen også.

Trippel nederlandsk

Dermed blei alt nederlandsk. Sven Kramer gjorde akkurat det han måtte for å vinne både 10.000 og VM-gullet. Unge Patrick Roest (20) tok sølvet og Jan Blokhuijsen bronse.

– Kroppen er etter omstenda bra. Det gjorde godt å få ein 10.000 meter utan kollaps, sa Pedersen, med tanke på 10.000 m i EM tidlegare i vinter.

– Det gjorde godt for sjølvtilliten, sa Pedersen. Tidlegare på dagen gjennomførte han ein oppløftande 1500 m på 1.46,23, etter at resultata laurdag var skuffande.

God 1500 meter

– Eg tenkte mange tunge og negative tankar i går kveld, men heldigvis greidde eg å snu det, sa han før 10.000-meteren.

Sverre Lunde Pedersen slår tilbake

IMPONERTE: Her går Pedersen ein sterk 1500 m

På milløpet opna han også bra, og i 15 rundar makta han nokolunde å følgje sin nederlandske makker.

– Men så auka han farten, og eg greidde ikkje å halde følgje lenger. Det var slutt på kreftene, og eg måtte berre prøve å justere for å halde farten inn til mål, seier Pedersen.

– Trenar ikkje for å bli nummer to

– Eg har hatt ein vanskeleg sesong. Litt av problemet var nok at eg ville for mykje før sesongstart, og blei for ivrig for å kome heilt til topps. Så bikka det litt over, seier sølvvinnaren frå VM i fjor.

– Eg trenar ikkje for å bli nummer to. Då må ein ta nokre sjansar i treninga.

NRKs ekspertkommentator Even Wetten meiner Pedersen har medaljenivået inne.

– Det har han vist fleire gonger. Han er eit tidspoeng bak der han var i fjor. Med det tidspoenget er han med på å kjempe om medaljar, seier Wetten.

Pedersen er heilt klar på at Sven Kramer er ein unik løpar. Kramer tok i dag sin niande VM-tittel i allround, og har vunne 23 av dei 24 samanlagtmeisterskapet han har stilt opp i.

– Sven er nok tidenes skøyteløpar, og eg har vanskar med å sjå nokon annan som kjem til å vere like god, iallfall i mi tid. Han er heilt ekstrem, seier Sverre Lunde Pedersen.

Siste nytt

  • Tapte på overtid

    Norge tapte ishockey-kampen mot Russland i kveld 3-4. Nordmennene kjempet godt, men tapte kampen på overtid etter Vladimir Tkachyov sin scoring. Russland stilte med et redusert lag, men spilte likevel med mange gode spillere i Hamar.

    thoresen
  • Klar for USA

    Jørgen Skjelvik er klar for fotballklubben LA Galaxy, Det melder klubben selv på twitter. Skjelvik forlater dermed Rosenborg, som må finne en erstatter før neste sesong.

    Jørgen Skjelvik
    Foto: Rune Kjær Valberg / NRK
  • Bjørnsen til EM-finale på 100 meter

    Susann Bjørnsen er klar for finalen på 100 meter medley under kortbane-EM i svømming i København. Hun satte personlig rekord med 59,65 i semifinalen torsdag. Bjørnsen var langt framme etter butterfly, men falt tilbake til sjetteplass etter ryggsvømmingen.

    SUSANN
    Foto: Jessica Gow/TT / NTB scanpix

Sendeplan

Kl. Program Kanal
V-cup fristil: Skicross
V-cup fristil: Skicross
V-cup alpint: Super-G, menn
Vinterstudio
Vinterstudio
V-cup alpint: Super-G menn
V-cup alpint: Super-G menn
Best i verden: Kupper'n
V-cup skiskyting: Sprint menn
V-cup skiskyting: Sprint menn
EM svømming