NRK Meny
Normal

Hoppsjefen: – Ein stor siger for sporten vår

SOTSJI/OSLO (NRK.no): Det første OL-gullet for kvinner i hopp blei tysk, medan Maren Lundby blei best av dei norske på åttandeplass. Etter det historiske rennet var stemninga svært god.

Maren Lundby

Maren Lundby blei best av dei norske hopparane i tidenes første OL-hopprenn for kvinner. Ho blei nummer åtte.

Foto: PETER PARKS / Afp

– Dagen blei ein stor siger for sporten vår. Jentene våre viste ein del bra, og kan enkeltvis vere både stolte og fornøgde, meiner hoppsjef Clas Brede Bråthen i prat med NRK.

Line Jahr

Line Jahr kunne juble for ein niandeplass i Sotsji.

Foto: Matthias Schrader / Ap

Det var tidenens første hopprenn for kvinner i OL, etter at IOC i 2011 endeleg gav klarsignal.

Det første OL-gullet gjekk til tyske Carina Vogt. Ho vann framfor Daniela Iraschko-Stolz, medan franske Coline Mattel fekk med seg bronsemedaljen.

For herrane gjekk det første gullet til polske Kamil Sotch, medan slovenske Peter Prevc tok sølvet. Anders Bardal sikra norsk bronse i konkurransen søndag.

– Etter to renn er det seks forskjellige hoppnasjonar med medalje, seier ein glad Bråthen til NRK.

Maren Lundby

Maren Lundby hoppa seg opp fem plassar frå første til andre omgang.

Foto: ALBERTO PIZZOLI / Afp

Lundby hoppa seg opp

Etter første omgang låg Line Jahr best plassert av dei norske, men etter andre omgang var Maren Lundby best plassert.

Lundby hoppa seg opp frå 13.-plass til ein solid åttandeplass i andre omgang. Line Jahr heldt på niandeplassen frå første omgang.

Helena Smeby Olsson blei nummer 14, medan Gyda Enger enda på 24.-plass.

– Eg skjelv! Dette er heilt sjukt, sa Line Jahr til TV 2 etter første omgang.

Sara Takanashi

Japanske Sara Takanashi enda på fjerdeplass. Ho har vore på pallen i alle verdscuprenn så langt i sesongen.

Foto: Gregorio Borgia / Ap

Storfavoritten svikta

Før rennet fortalde Anette Sagen mellom anna kven ho trudde kom til å vinne. Ho tippa Iraschko-Stolz på andreplass, og fekk rett der, men vinnaren tippa ho feil.

– Eg tippar Sara Takanashi vinn, sa ho til NRK.

For japanske Takanashi var storfavoritt før tidenes første OL-hopprenn for kvinner. Ho har vore på pallen i alle verdscuprenna så langt i år og leiar verdscupen med 1220 poeng – 459 poeng føre Vogt.

Takanashi låg på tredjeplass etter første omgang med 124,1 poeng. I andre omgang hoppa ho derimot berre 98,5 meter.

Då Iraschko-Stolz slo til med 104,5 meter, det lengste hoppet i konkurransen, blei Takanashi dytta ned til fjerdeplass. Både Mattel og Vogt enda nemleg framfor japanaren.

Beklager, vi kunne ikke vise innholdet.
Se «Resultat hopp kvinner, normalbakke» i nytt vindu

Siste nytt

  • Nedturen fortsetter for Everton

    Everton sliter både i mesterligaen og i europaligaen. Torsdag gikk laget på et stygt 1-5-tap hjemme for italienske Atalanta. Det var Evertons fjerde tap. Laget har sanket bare ett poeng i turneringen. Det kom i 2-2-kampen mot Apollon Limassol.

    Britain Soccer Europa League
    Foto: Peter Byrne / AP
  • Finaleplassen røk for Ulsrud

    Torsdagens semifinale endte med norsk 3-8-tap for Sverige for Thomas Ulsrud og hans curlingmannskap i EM. Tidligere på dagen hadde Ulsrud & co. sikret seg en plass i OL ved å bli blant de fire beste. Nå blir det spill om bronsen mot Sveits fredag.

    Thomas Ulsrud
    Foto: Jon Eeg / NTB scanpix
  • Torsdagens utfortrening også avlyst

    Torsdagens planlagte gjennomkjøring av utforløypa i Lake Louise måtte avlyses. Arrangøren vil spare på traseen til helgens øvelser. Også onsdag ble utfortreningen avlyst fordi snøen som falt tidligere i uken hadde gjort traseen for bløt.

    jansrud
    Foto: Cornelius Poppe / NTB scanpix

Sendeplan

Kl. Program Kanal