Langt for fansen: Hit tek det opptil fire døgn å reise til «lokaloppgjeret»

Når Arsenal og Chelsea møtest i europaliga-finalen i Baku 29. mai, betyr det ei reise på opptil åtte dagar for fansen.

Olympiastadion i Baku

HIT: Baku olympiske stadion er arenaen for årets europaliga-finale (Arkivbilete frå ein gruppekamp i europaligaen tidlegare denne sesongen)

Foto: Aziz Karimov / Reuters

Torsdag blei det klart at det er dei to London-naboane som skal møtest i årets finale. Dei har baner som ligg 12 kilometer frå kvarandre, og som brukar berre nokre minutt når dei møtest til lokaloppgjer.

Frå London til Baku er det 3971 kilometer – nesten 400 mil. Og reisa er i tillegg krøkkete både med fly og tog.

Eitt direktefly i veka

BBC har sjekka, og funne ut at det går direktefly mellom London og Baku berre ein gong i veka. Det betyr at dei som skal ta fly til kampen, må reise til Baku laurdag for å få med seg kampen onsdag, og så vente til laurdag igjen for å kome seg heim.

Det kan bli mykje Baku-sightseeing av slikt.

LANGT: Laga som vanlegvis tar undergrunnen nokre minutt kvar gong dei møtest, må denne gongen til Baku, 4000 vanskelege kilometer unna

Flyturen kan gjerast vesentleg kortare enn det. Men det inneber lang venting enten i Istanbul eller Kiev. Med maksimal flaks kan flyturen gjerast unna på sju timar, men dei fleste alternativa gir reisetid på godt over 10 timar kvar veg.

I tillegg tek kampen til klokka 23, lokal tid. Sjølv med avgjerd etter ordinær speletid, blir kampen derfor ikkje ferdig før nærmare klokka eitt om natta. Det krev overnatting uansett.

Fire døgn med tog

Men fly er så dyrt at dei fleste som har billett, nok må finne andre alternativ. For eksempel tog.

Det tek over fire døgn frå London til Baku. Toget skal gjennom sju land. Berre strekninga frå Kharkiv i Ukraina til Baku åleine tek to døgn og 11 togskifte.

Den som er dristig nok til å ta bilen, må rekne med ei minimums effektiv køyretid på 58 timar – nesten to og eit halvt døgn. Plussar ein på tida som trengst for å ete og sove, i tillegg til å bli hefta ved ei rekke grensekryssingar, bør nok turen helst starte laurdag for å rekke onsdagskampen.

Og då gjenstår heimreisa. Den kan bli tung, iallfall for supporterane av det tapande laget.

Så spørst det kor mange som kjem til å ta den lange turen. Finalelaga Arsenal og Chelsea har 6000 billettar kvar til finalen.

Arsenal-supportere

TUNGVINT: Arsenal, og Chelsea-fansen må finne seg i ei tidkrevjande reise til finalekampen 29. mai

Foto: Kirsty Wigglesworth / AP

47 år sidan sist

Det er berre andre gongen i historia at to engelske lag møtest i finalen i denne turneringa, og det er lenge sidan.

Tottenham slo Wolverhampton i finalen i 1972, over to kampar den gongen. Tottenham vann 2–1 og spela 1–1 borte. Med vesentleg kortare reisetid.

I meisterligaen er det også heilengelsk for andre gong. Manchester United slo Chelsea på straffer i 2008, og kampen gjekk i Moskva.

I august blir det for første gong heilengelsk finale i supercupen, der meisterliga-vinnaren skal møte europaliga-vinnaren. Den kampen går i Istanbul 14. august.

Siste nytt

  • Sancho blir i Dortmund

    Dortmunds Jadon Sancho har blitt sterkt koblet til Manchester United denne sommeren, men blir nå værende lagkamerat med Erling Braut Haaland minst en sesong til.

    Sportsdirektør Michael Zorc bekreftet avgjørelsen på en pressekonferanse under klubbens treningssamling i Sveits mandag.

    – Vi planlegger med Jadon Sancho. Han spiller for oss neste sesong. Jeg tror det svarer på alle spørsmål, sa Zorc.

    Sancho og Haaland
    Foto: Bernd Thissen / AP
  • Correa og Vrsaljko er koronasmittet

    Atlético Madrid opplyser at Angel Correa og Sime Vrsaljko er spillerne som i helgen fikk påvist koronavirus. Resten av troppen har levert negative tester.

    Etter de to smittetilfellene måtte hele laget og støtteapparatet testes på nytt for viruset før Atlético kan sette kurs mot Lisboa for kvartfinale mot RB Leipzig i mesterligaen.

    Atletico Madrid
    Foto: Hassan Ammar / AP
  • Islandsk motstand for RBK

    Rosenborg tar imot islandske Breidablik, mens Bodø/Glimt får Kauno Zalgiris fra Litauen på besøk i 1. kvalifiseringsrunde til europaligaen. Viking starter kvalifiseringen først i 2. runde. 1. runde spilles torsdag 27. august. De neste rundene spilles 17. september, 24. september og 1. oktober. På grunn av koronasituasjonen spilles det kun enkeltkamper i kvalifiseringen.

    Zach
    Foto: Ole Martin Wold / NTB s

Sendeplan

Kl. Program Kanal