NRK Meny
Normal

Landslagslege: – Ikkje vanleg praksis å medisinere slik i kombinert

Landslagslege i både langrenn og kombinert, Petter Olberg, meiner det er ein stor forskjell i måten dei to ulike landslaga behandlar utøvarar med luftvegsproblem på.

Kombinert

FORSKJELL: Det er ein stor forskjell i måten dei to ulike landslaga behandlar utøvarar med luftvegsproblem, seier landslagslege i både langrenn og kombinert, Petter Olberg.

Foto: Olsen, Geir / NTB scanpix

– Atrovent kan bli gitt for å behandle irriterte lunger sjølv om utøvaren ikkje har astma. Det er ein avansert form for hostesaft, seier Petter Olberg, landslagslege i både langrenn og kombinert.

Men ein slik medisinbruk er ikkje vanleg i kombinertleiren, ifølge Olberg.

– Det er ikkje noko vanleg praksis å medisinere slik i kombinert.

Ulik praksis

Heller ikkje skiskyttarlandslaget har brukt praksisen som Olberg forklarar, og som landslagssjef i langrenn, Vidar Løfshus, bekrefta på pressekonferansen i går.

– Skiskyting har aldri brukt astmamedisin for å førebyggje, seier mangeårig landslagslege Lars Kolsrud hjå skiskyttarane til NRK.

Løfshus forklarte i går at medisinar som Pulmicort og Atrovent er gitt til utøvarar som obstruktive lunger, som eit viktig ledd i forebyggingen av astmasjukdommar. Kolsrud avkreftar at det same har skjedd i skiskyttarleiren.

– Det har ikkje vore nokon tradisjon for det i skiskyting, seier Kolsrud som var landslagslege for både herre- og damelaget frå 2001 til og med Sotsji-OL i 2014.

– Få brukar astmamedisin hjå oss

Også medisinsk koordinator på skøytelandslaget, Aleksander Killingmo, seier at alle som får astmamedisin har fått diagnostisert det på førehand.

– Det er få som brukar astmamedisin hjå oss, dei som brukar det er dei som er diagnostisert gjennom spirometri-testing, seier Killingmo, og utdjupar:

– Me brukar astmamedisin for dei som me får diagnostisert astma ved spirometri, altså pustetest. Dei pustetestane gjer me stort sett fleire gonger i året for å sjå om me skal justere medisinbruken opp eller ned.

Vidar Løfshus

VIL FOREBYGGE: Landslagssjef i langrenn, Vidar Løfshus sa i går at førebyging er ein viktig del av medisingeringen til langrennsløparar.

Foto: Roald, Berit / NTB scanpix

Killingmo trur derimot at Løfshus og langrennslandslaget ikkje gjer noko dei ikkje burde.

– Det er klart det er ønskeleg at utøvarar er minst mogleg sjuke. Eg trur det er vanskeleg, å presentere det heile og fulle biletet i media. Eg trur ikkje dei gjer noko dei ikkje burde.

Uforståande til utøvarpåstandar

Olberg, som har ein fot i begge leirar, er også heilt sikker på at langrennslandslaget har følgt boka.

– Eg stiller meg uforståande til at utøvarar påstår at dei blir tilbydd astmamedisin når dei er friske.

Han har sjølv vore med som lege på verdscuprenn. Olberg seier at det alltid er legen på staden som gjer vurdering av om løparen i det heile skal få starte, og eventuell kva behandling som blir gitt.

– Den legen som er der lyttar på utøvaren. Først må ein finne ut om han er frisk nok til å gå rennet. Er det irritasjon i lungene, brukar me i hovudsak saltvatn. Eventuelt brukar me Atrovent, som er ein slimløysande medisin. Den står ikkje på dopinglista, og det er lågare terskel for bruk.

Siste nytt

  • Frigitt RBK-spiller til Ranheim

    Magnus Stamnestrø, som nylig ble frigitt av Rosenborg skal forsette karrieren i Ranheim. 26-åringen har vært i RBK siden 2015, men har ikke spilt en seriekamp for klubben siden 2016.

    Magnus Stamnestrø
    Foto: Ned Alley / NTB scanpix
  • Fram Larvik slipper straff

    Norges Fotballforbund har ingen hjemmel til å straffe Fram Larvik etter at lagets 2. divisjonskamp mot Nybergsund ble avbrutt på grunn av for få spillere. Ifølge NFF er det ikke ulovlig å stille med kun åtte spillere på kamp – slik Fram Larvik gjorde.

    Petter-belsvik
    Foto: Stian Lysberg Solum / NTB scanpix
  • Risikerer bøter etter banestorming

    Fire medlemmer av aktivistgruppa Pussy Riot risikerer bøter på inntil 1400 kr eller 160 t samfunnstjeneste etter at de stormet banen under VM-finalen. De kan også bli nektet tilgang til sportsarrangementer i tre neste årene, ifølge Interfax.

    Pussy Riot
    Foto: Martin Meissner / AP

Sendeplan

Kl. Program Kanal
Sport i dag
Sport i dag