NRK Meny
Normal

Kyle (18) har hjartefeil - vann sensasjonelt OL-gull i svømming

Lite tala for at Kyle Chalmers (18) skulle bli god i svømming. Men i natt tok han eit sensasjonelt OL-gull på 100 meter fri.

Rio Olympics Swimming

JUBLA BERRE LITT: I respekt for lagkamerat Cameron McEvoy som skuffa i finalen, heldt 18-åringen Kyle Chalmers litt igjen på feiringa av OL-gullet.

Foto: David J. Phillip / Ap

– Å sjå opp på tribunen der familien min stod, og min far og bror hadde tårer i auga, det var eit spesielt augneblink, seier den 18 år gamle gullvinnaren til Adelaide Now, etter at han hadde slått heile verdseliten med ein superspurt.

For ved vending 50 meter låg han på nest siste plass, og hadde rundt halvsekundet opp til medalje. Då han slo handa i bassengkanten 50 meter seinare var han olympisk meister. Faktisk den yngste sidan 1980.

Inga sjølvfølge

Rio Olympics Swimming

BEVISET: Her har Chalmers fått beviset på at han var den sterkaste i bassenget, på 100m fri.

Foto: Michael Sohn / Ap

Og både i forsøket, semifinalen og i finalen sette han nye verdsrekordar for junior. Finaletida var 47,58 og han vart den først frå Australia til å ta OL-gull på distansen sidan Mike Wenden i 1968.

Trass i dette jubla han ikkje hemningslaust då gullet var eit faktum, i respekt for lagkameraten Cameron McEvoy. McEvoy var det store håpet til Australia, men vart berre nummer sju.

– Eg ville ikkje feira for mykje, fordi eg veit det hadde vore tungt for han å sjå. Men eg får ta det att seinare i veka, sa han til ABC.

Det var inga sjølvfølgje at han i det heile tatt skulle vera i bassenget.

200 slag i minuttet

Heile idrettskarrieren kunne nemleg vore over nesten før den starta. Chalmers slit med ujamn hjarterytme.

– Medan eg er på trening så kan hjartet plutseleg slå 200 slag i minuttet og det kan vara i ein halvtime. Eg kjenner det godt og vert svimmel, seier han.

I fjor vart han operert for problemet, men det fungerte ikkje. Skal han fortsette idrettskarrieren må han gjennom ein operasjon til.

Det var dessutan eigentleg ein heilt annan idrett han hadde tenkt å satse på. 18-åringen vaks opp i ein familie der det er australsk fotball (AFL) har vore det store. Far hans har fleire hundre kampar på øvste nivå, og det var det Kyle Chalmers ville gjere med idretten også.

– Eg ville bli fotballspelar og følgje i pappas fotspor, sa han i eit intervju med Adelaide Now tidlegare i år.

Men prestasjonen hans i natt har imponert ei heil idrettsverd, blant anna den femdoble olympiske meisteren frå Australia, Ian Thorpe.

Laster Twitter-innhold

Siste nytt

  • Berget scoret to – ble matchvinner

    Jo Inge Berget scoret begge målene for New York City FC da de snudde 0–1 til 2–1 mot Toronto FC søndag.

    Først scoret han med hælen etter 51 minutter, og gjorde 1–1. Etter 68 minutter satte han sitt andre. Nordmannen ble kåret til banens beste.

    MLS: Toronto FC at New York City FC
    Foto: Vincent Carchietta / Reuters
  • Danmark straffes etter tilskuerbråk

    Det danske fotballforbundet har fått en bot på 20.000 dollar etter at FIFA mener danske tilskuere har oppført seg dårlig under fotball-VM i Russland. Tilskuerne skal blant annet ha kastet gjenstander og ha hatt med seg et banner med upassende tekst.

    FBL-WC-2018-MATCH22-DEN-AUS-FANS
    Foto: FABRICE COFFRINI / AFP
  • Uavgjort på Aspmyra

    Sandefjord scoret sitt første mål på 705 minutter på bortebane mot Bodø/Glimt. Men Kastratis mål holdt ikke til seier. Jose Angel utliknet for Glimt før pause. Kampen endte 1–1

    Eliteserien fotball 2018. Bodø/Glimt-Sandefjord
    Foto: Mats Torbergsen / NTB scanpix

Sendeplan

Kl. Program Kanal
Morgensport og musikk
Morgensport og musikk
Morgensport og musikk
Morgensport og musikk
NRK Sport Live
NRK Sport Live
NRK Sport Live
FIFA Fotball-VM 2018: Uruguay - Russland og Saudi-Arabia - Egypt
4-4-2 Eliteserien: Odd - Brann
Fotball-VM: Iran - Portugal
FIFA Fotball-VM 2018: VM-studio