Her blir Norges kvartfinalehåp knust

Norges håp om kvartfinale i ishockey-VM vart knust av eit russisk lag som var akkurat kyniske nok til å vinne 3-0.

Russland ledet 2-0 etter 2 perioder i hockey-kampen mot Norge. Her er de to målene.

1-0 OG 2-0: Med to mål i midtperioden la Russland grunnlaget fir siger over eit norsk lag som til tider kjempa godt mot storfavoritten

Laster innhold, vennligst vent..

Ein plass i kvartfinalen var avhengig av siger mot Russland. Men manglande effektivitet øydela.

– Vi får veldig mykje mot oss i første periode, med mykje spel i undertal. Men vi reiser oss fint, synest eg. Vi var med, men dei var hakket kvassare, seier Ole-Kristian Tollefsen til NRK.

– Vi krigar på, og det blir ikkje stygge siffer, seier han, og legg til at kampen mot Russland i Moskva var ei god oppleving, trass tapet.

– Vi gjer ein bra match. Vi har sjansar, vi skaper mykje. Men dei er litt meir effektive, dei treng ikkje mange sjansar for å score, seier Andreas Martinsen.

Stort målvaktspel

Som gir målvakt Steffen Søberg skryt.

– Han står på hovudet og held oss inne i kampen når vi får mykje undertal tidleg. Han leverte nokre «sinnssjuke» redningar, seier Martinsen om målvakta som redda 12 russiske skot og heldt nullen i første periode då Russland verkeleg trykte på.

Søberg sjølv er nøgd med dagen for sin eigen del, men ikkje resultatet.

– Gutta tetta bra igjen og gjorde jobben lettare for meg. Vi leverte ein god laginnsats i dag, det er berre synd vi ikkje fekk meir ut av det.

– Har du ingen nervar?

– Det har eg. Men eg viser dei berre ikkje.

To gode norske periodar

Norge var godt med i kampen i dei to siste periodane, men avslutningane var ikkje gode nok. Russland var mykje kvassare i angrep, og det avgjorde kampen.

Steffen Søberg

STORSPEL: Steffen Søberg storspela og heldt Norge inne i kampen i første periode.

Foto: YURI KADOBNOV / Afp

Russland dominerte stort i første periode. Det var tett trafikk framfor det norske målet så å seie heile tida, og berre Steffen Søbergs storspel hindra scoring. Det trass i tre nokrske utvisningar mot null rusisske i den perioden.

Spelemessig kom Norge mykje betre frå andre periode, då dei faktisk vann skotstatistikken 11-9.

Men det var Russland som scora. Ivan Telegin styrte inn leiarmålet etter berre drygt to minutt, og Artemi Panarin sobla to minutt før perioden var slutt.

2.31 ut i siste periode var sjansen til norske poeng i praksis ute. Ut av ingenting vippa Roman Ljubimov inn 3-0 med eit «tennis-slag».

Norge avsluttar gruppespelet med kamp mot Latvia i morgon, og vil med siger der vere garantert VM-spel også neste år.

– Vi har alt i våre eigne hender om vi vinn i morgon, og det har vi tenkt å gjere også, seier Martinsen.

Laster innhold, vennligst vent..

Siste nytt

  • Lewandowski redda Bayern

    Bayern München sleit lenge mot botnlaget Paderborn og såg ut til å miste viktige poeng i tittelkampen i Bundesliga. Paderborn kjempa seg heroisk til 2-2 på bortebane med eit kvarter igjen å spele. Men da det var to minutt igjen på klokka dukka Robert Lewandowski opp og scora sitt 25 mål for sesongen. Dermed vann Bayern 3-2 og har fire poeng ned til Leipzig med ein kamp meir spelt.

    Robert Lewandowski
    Foto: Matthias Schrader / Matthias Schrader
  • Ny verdsrekord i tresteg

    Yulimar Rojas (24) frå Venezuela sette fredag kveld ny innandørs verdsrekord i tresteg. Den gamle rekorden til russiske Tatjana Lebedeva på 15,36 har stått sidan 2004. I kveld hoppa Rojas heile 15,43 på eit stemne i Madrid. Ute har ukrainske Inessa Kravets hatt verdsrekorden heilt sidan VM i Göteborg i 1995.

    Yulimar Rojas
    Foto: ANDREJ ISAKOVIC / AFP
  • Kristoff skuffa i spurten

    Cees Bol tok sigeren på den tredje etappen av Algarve rundt fredag. Alexander Kristoff var med i spurten om sigeren, men klarte ikkje å henge med på farta til nederlendaren i spurten og blei nummer fire. Daniel Hoelgaard var også med i spurten og kom inn på plassen bak.

    AFP_1IW3E2
    Foto: MARCO BERTORELLO / AFP

Sendeplan

Kl. Program Kanal