Kristoffs VM-hjelpar fryktar å bli etterlatt i ørkenen

DOHA (NRK): Værmeldinga har snudd: Dei norske VM-ryttarane får likevel sterk varme i Qatar. Og vinden vil «blåse feltet i fillebitar».

VM Qatar

INGENMANNSLAND: Her, midt i ørkenen, fryktar Alexander Kristoffs hjelperyttar Vegard Breen å stå igjen.

Foto: KHALED DESOUKI / Afp

– Det er klart ein hadde håpa det hadde blitt meir levelege forhold, seier Vegard Breen, som skal hjelpe Alexander Kristoff til VM-triumf søndag.

Tidleg i veka var det meldt temperaturar ned mot 30 grader i ørkenløypa. Plutseleg endra det seg, og landevegsrittet må syklast under glovarme forhold.

I tillegg er det meldt vind frå nordvest med styrke på rundt sju meter i sekundet, ifølgje yr.no.

– Sidevind på fire meter i sekundet er nok til å blåse eit felt i fillebitar, seier landslagssjef Stig Kristiansen.

Det verst tenkelege scenarioet

Forholda får Alexander Kristoffs hjelperyttar, Vegard Breen, til å grøsse.

– Det verste som kan skje er at det oppstår uhell. Du kan få ein velt eller ei punktering og hamne bak, og er så dum at du prøver å fortsette i ørkenen aleine.

– Då står du igjen med tom flaske, og alle bilar er foran deg i rittet og du skal komme deg fem mil tilbake. Då er det ikkje sikkert du kjem tilbake til Doha nokon gang, legg Breen til.

– Har du hatt mareritt om dette?

– Eg har ikkje hatt det, men dette er liksom det verst tenkelege scenarioet. At du blir sittande i ørkenen aleine, seier han med eit smil.

Blir verre å få i seg næring

Heller ikkje Edvald Boasson Hagen likar at det blir varmare og sterkare vind.

– Eg hadde sett fram til at det skulle krype nærare 30 enn 40, men no ser det ut til å bli godt og varmt likevel. Eg har ikkje takla varmen alt for godt før, men håpar at eg klarer meg.

– Og kva med vinden?

– Det blir endå vanskelegare å drikke og få i seg næring. Då er det mange grupper som er delt opp, og vanskelegare å få drikke frå bilane, seier Boasson Hagen.

Norge

ØRKENGJENGEN: Norges sykkellandslag.

Foto: Bendiksby, Terje / NTB scanpix

Jublar for tøffe forhold

Alexander Kristoff nærast jublar for at det blir varmt, vindfullt og vondt. Han vil ha verst tenkelege forhold i ørkenen for å riste av seg spurtsterke konkurrentar.

– Eg føler meg bra i varmen på trening. Eg køyrte i seks timar på torsdag, og det gjekk bra for meg. Eit hardt og varmt løp for meg er ingen ulempe, seier Kristoff.

– Er det forsvarleg?

– Om halve feltet ligg strake som Iver Knotten gjorde i juniorrittet er det vel kanskje ikkje det. Eg har følt meg fin, men har sett andre som har fått problem, seier Kristoff.

Vegard Breen

ØRKEN-FRYKT: Vegard Breens verste mareritt er å bli etterlatt i ørkenen.

Foto: Braastad, Audun / NTB scanpix

Siste nytt

  • RB: Ohi på vei til Molde

    Stabæks Ohi Omoijuanfo skal være på vei til Molde, skriver Romsdals Budstikke. Klubbene skal være enige om en overgangssum, og etter det avisen erfarer kommer spissen til Molde torsdag for å forhandle ferdig sin personlige kontrakt.

    Eliteserien fotball 2018: Odd - Stabæk (0-3).
    Foto: Trond Reidar Teigen / NTB scanpix
  • Hegerberg og Lyon tok første stikk

    Ada Hegerbergs Lyon slo Wolfsburg og Caroline Graham Hansen 2–1 hjemme i det første oppgjøret i kvartfinalen i mesterligaen for kvinner onsdag. Eugénie Le Sommer og Wendie Renard skåret målene for Lyon, mens Nilla Fischer stod for Wolfsburgs’ mål.

    Hegerberg.
    Foto: Jeff Pachoud / AFP
  • Pedersen vant verdenscupen

    Jesper Saltvik Pedersen ble nummer tre i slalåmrennet i franske Morzine. Det betyr seier i verdenscupen sammenlagt.

    Karmøy-gutten har vært i fyr og flamme den siste tiden. 19-åringen har også vunnet slalåmcupen og super-G-cupen denne sesongen.

    Saltvik Pedersen.
    Foto: Jessica Gow/tt / NTB scanpix

Sendeplan

Kl. Program Kanal