NRK Meny
Normal

Kristoffersen vann slalåmcupen: – Har aldri følt større press

KRANJSKA GORA/OSLO (NRK): For første gang på 16 år kunne ein nordmann juble for samanlagttriumf i slalåmcupen.

Henrik Kristoffersen

JUBEL: Endeleg kunne Henrik Kristoffersen juble for samanlagtsiger i slalåmcupen.

Foto: ANTONIO BRONIC / Reuters

– Det er første gangen eg verkeleg har følt press. Då eg skjønte at eg kunne ende opp med å stå i målområdet og snakke om samanlagtsiger måtte eg jobbe skikkeleg med meg sjølv, seier Kristoffersen til NRK.

Kristoffersen leia med 131 poeng på Hirscher før sesongens nest siste renn i slalåmcupen.

21-åringen kunne sikre samanlagtsiger ved å halde Marcel Hirscher bak seg på resultatlista eller bli nummer to i rennet.

Det klarte han etter ein meget sterk prestasjon i andre omgang, der han køyrte seg opp frå sjetteplass til andreplass.

Hirscher: – Han har vist oss

Sist ein nordmann vann slalåmcupen sammenlagt, var då Kjetil André Aamodt vann kula tilbake i år 2000. Det er også einaste gangen ein nordmann har klart det før i dag.

– Dette er fullt fortent. Eg har vunne seks renn denne sesongen. Kjetil André vann vel kun eitt slalåmrenn då han tok kula, seier Kristoffersen.

Austerrikske Marcel Hirscher vann rennet. Han har til tider hatt ein frustrerande slalåmsesong med Kristoffersen i kanonform.

– Kristoffersen har vist meg og Felix Neureuther (Tyskland) korleis ein skal køyre. Han er den verdige vinnaren, seier Hirscher.

Hirscher legg til at Kristoffersen har hatt ein fordel sidan han nesten utelukkande har fokusert på slalåm, medan Hirscher har gått for totalcupen.

– Men Henrik har vore enormt sterk. Han taklar presset på ein veldig bra måte, seier Hirscher.

Austria Alpine Skiing World Cup

SLO SLALÅMGIGANTEN: Marcel Hirscher (tv) vann det nest siste rennet i slalåmcupen, men må sjå seg slått av Henrik Kristoffersen totalt.

Foto: Giovanni Auletta / Ap

Trur på historisk Kristoffersen

Om to veker Kristoffersen verkeleg gjøre seg betydeleg i historiebøkene. Då kan vidunderbarnet frå Rælingen ta sin sjuande slalåmtriumf på ein sesong.

Ingen alpinist har nokon gang vunne meir enn sju slalåmrenn i løpet av ein sesong.

Alberto Tomba vann sju gangar i 1994/1995-sesongen, medan Ingemar Stenmark klarte det i 1976/77-sesongen og Marc Girardelli i 1984/85-sesongen.

Kjetil André Aamodt trur Kristoffersen kan klare det samme sidan han no slepp å tenke meir på slalåmcupen.

– Det kan bli ein veldig kul duell mellom Kristoffersen og Hirscher i St. Moritz. No kan Kristoffersen senke skuldrane og bare sleppe seg laus, seier Aamodt.

Kristoffersen fortel at han er ekstremt gira på å få det til.

– Den sjuande sigeren manglar for at sesongen skal vere komplett. Eg føler ikkje noko press, seier nordmannen til NRK. Det er ikkje noe press.

Kjetil Andre Aamodt med suksess i VM 1993

16 ÅR SIDAN SIST: Kjetil André Aamodt vann slalåmcupen samanlagt i år 2000.

Foto: Richardsen, Tor / Scanpix

Hekt blei avgjørande

Etter Kristoffersens sterke andreomgang var det kun Julien Lizeroux som kunne spolere samanlagtfesten for 21-åringen.

Franskmannen var nummer to etter første omgang, men i hekta i andre omgang. Det ga Henrik Kristoffersen andreplassen han trengte for å vinne slalåmcupen samanlagt.

Her blir slalåmcupen avgjort:

V-cup alpint

HER BLIR SLALÅMCUPEN AVGJORT: Julien Lizeroux var nummer to etter første omgang, men i hekta i andre omgang. Det ga Henrik Kristoffersen andreplassen han trengte for å vinne slalåmcupen samanlagt.

Sjå Kristoffersen knuse til under tunge forhold i andre omgang:

V-cup alpint
Laster innhold, vennligst vent..

Siste nytt

  • VG: Northug-avgjørelse på onsdag

    Ifølge VG er det ikke tatt noen avgjørelse på om Petter Northug reiser til Planica for å gå sprinten som kan sikre OL-plass. Northug har vært syk den siste uka.

    – Det avgjøres i løpet av onsdagen, skriver landslagssjef Vidar Løfshus i en SMS til VG.

    Petter Northug
    Foto: Geir Olsen / NTB scanpix
  • Rask remis for Carlsen

    Magnus Carlsen spilte remis med svart mot nederlenderen Anish Giri i Wijk aan Zee-turneringen i Nederland. Carlsen hadde spilt to remis og vunnet ett parti før møtet med Giri. Etter partiet står han med 2,5 poeng.

    VM lynsjakk Magnus Carlsen
    Foto: Christian Kråkenes
  • Lillebror Pedersen til Godset

    Sebastian Pedersen (18) gjør som storebror Marcus (27) og blir Strømsgodset-spiller.

    18 år gamle Sebastian er spiss i likhet med broren, og han har skrevet under en kontrakt som binder ham til Strømsgodset ut 2019-sesongen.

    Sebastian Pedersen
    Foto: Vegard Wivestad Grøtt / NTB scanpix

Sendeplan

Kl. Program Kanal
EM håndball menn: Frankrike-Hviterussland
EM håndball menn: Før kampen Norge - Østerrike
EM håndball menn: Norge - Østerrike
EM håndball menn: Norge - Østerrike
EM håndball menn: Norge - Østerrike
EM håndball menn: Norge - Østerrike
EM håndball menn: Etter kampen Norge - Østerrike