Hopp til innhold

Kreml feirar russisk siger i sjakkval: – Han er forma av dei

Den tidlegare russiske visestatsministeren Arkadij Dvorkovitsj' attval som president i Det internasjonale sjakkforbundet (Fide) skaper begeistring blant den politiske eliten i Russland. Atle Grønn kallar det moralsk fallitt.

Dvorkovitsj

TIDLEGARE TOPPOLITIKAR: Arkadij Dvorkovitsj var visestatsminister i Russland fram til 2018. Her er han avbilda med president Vladimir Putin.

Foto: Alexei Nikolsky / AP

– Sjølvsagt er dette veldig gode nyheiter og ein veldig viktig siger. Dette er konkurransedyktige val og den sitjande Fide-leiaren har stadfesta effektiviteten sin og at arbeidet hans blir rekna som utmerkte, seier Dmitrij Peskov til det russiske mediebyrået Tass.

Som pressetalsmann for president Vladimir Putin sit Peskov tett på makta i Kreml.

– Det er strålande og dette er ein viktig organisasjon. Det er mykje arbeid som må gjerast, og vi håpar at Dvorkovitsj vil takle den jobben, seier Peskov.

Pskov

PUTIN-TALSMANN: Dmitrij Peskov.

Foto: KIRILL KUDRYAVTSEV / AFP

Den russiske sjakkpresidenten, sovjetukrainskfødte Andrej Filatov, jubla også over attvalet til landsmannen på forbundet sine eigne sider:

– Gratulerer til Arkadij Dvorkovitsj og teamet hans med ein så overbevisande siger! Eit så betydeleg fleirtal – 157 stemmer mot 16 til rivalen – viser at Russland ikkje er isolert. Eg takkar heile teamet, spesielt Mark Glukhovskij og Mikhail Kobalia, for den vellykka innsatsen før valet og støtta til kandidaten vår.

Dvorkovitsj' motkandidat var den ukrainske stormeisteren Andrij Barysjpolets.

Han ønskte å fjerne Dvorkovitsj frå leiarposisjonen i Fide på grunn av Russlands krigføring i Ukraina, men berre 16 nasjonar stemde altså på Barysjpolets.

– Han er skapt av Kreml

Atle Grønn er kjend både som norsk sjakkspelar, sjakkekspert og professor i russisk ved Universitetet i Oslo.

No går han hardt ut mot attvalet av russiske Dvorkovitsj, som også får med seg tidlegare president i Noregs Sjakkforbund, Jøran Aulin-Jansson, som ein av to visepresidentar i Fide.

Dvorkovitsj var fram til 2018 visestatsminister i Russland under regjeringa til Putin-vennlege Dmitrij Medvedev. Han har tidlegare stilt seg kritisk til krigen i Ukraina. «Krig drep håp og ambisjonar, og stansar eller øydelegg forhold og samhald», har han mellom anna uttalt.

Atle Grønn

SJAKKEKSPERT: Atle Grønn har lang erfaring med både russisk og sjakk.

Foto: Jørund Wessel Carlsen / NRK

Likevel er Grønn kritisk.

Han er skapt av Kreml, han har fått karrieren sin gjennom desse folka og han er forma av dei, kommenterer Grønn.

På Facebook skriv han mellom anna at «skamma senkar seg over sjakkverda» etter at russaren vart vald for ein ny periode.

Det er ein moralsk fallitt ved at vi ofrar Ukraina for vår eigen komfort, utdjupar han overfor NRK.

  • NRK har prøvd å komme i kontakt med Fide, men har ikkje fått svar på førespurnaden.

Les også Hardt pressa sjakkpresident blir kritisert i heimlandet: – Ikkje behageleg

Sjakk-VM

Trur han vil sjå mot Asia

Russland er utestengde frå Fide som følgje av Ukraina-krigen, og det er forbode å halde turneringar i Russland og Belarus.

Sjakkeksperten trur derfor at den russiske Fide-presidenten vil rette blikket mot Asia for å omgå Ukraina-problematikken.

– I Asia kan russisk sjakk, Kreml og Dvorkovitsj-teamet få det sånn som dei vil i større grad, trur han.

Eit døme er sjakk-OL, som i utgangspunktet skulle spelast i Moskva. Det vart i staden spelt i India - og vart avslutta tysdag.

I Asia er Ukraina eit problem langt borte. Dei har sine eigne problem. Dvorkovitsj og teamet hans vil ha ei interesse av at sjakken blir eit utstillingsvindauge for normalisering av krigen. At sjakken vil la russarar delta internasjonalt. Men det betyr at fleire og fleire meisterskapar og viktige turneringar må leggjast til Asia, påpeikar Grønn.

Han kritiserer først og fremst dei europeiske landa for ikkje å ha stemt for eit skifte av sjakkpresident.

Sjakk-pampane frå Asia og Afrika gir vel stort sett blaffen i Ukraina, dei har nok andre problem i nærområda sine. Derfor var det aldri noko håp om at vi skulle få eit skifte, men i den grad stemmegivinga er pinleg for nokon, så er det dei europeiske landa som ikkje stemde for eit skifte.

Agdestein

TIDLEGARE SJAKKPRESIDENT: Jøran Aulin-Jansson (til høyre) saman med Magnus Carlsens tidlegare manager, Espen Agdestein, i Sotsji i 2014. Carlsen spelte på dåverande tidspunkt mot Vishy Anand i kampen om VM-tittelen.

Foto: Berit Roald / NTB

Stilte med nordmann på laget

Magnus Carlsens trenar, Peter Heine Nilsen, og også Barysjpolets' visepresidentkandidat, har tidlegare kritisert norske Aulin-Jansson for å stille til val saman med Dvorkovitsj​​.

Og Grønn trur det kan ha skapt forvirring internasjonalt om Noregs syn at ein nordmann stilte som visepresidentkandidat for Dvorkovitsj.

Dei fleste reknar vel med at Noreg sannsynlegvis står bak Dvorkovitsj sidan han hadde ein nordmann på teamet, seier Grønn.

Det har skapt ein forvirrande situasjon at dei har ein norsk visepresidentkandidat, medan vi har eit sjakkforbund som har landet på det som eg vil kalle anstendigheitas side.

President i Noregs Sjakkforbund, Joachim Birger Nilsen, stadfestar at Noreg stemde på ukrainske Andrij Barysjpolets.

– Dette annonserte vi også i ei eiga sak på valdagen, seier han.

Han innrømmer likevel at forbundet kunne ha vore tidlegare ute og tydelegare med å informere om standpunktet til forbundet.

– Men det var uaktuelt for oss å stemme på Dvorkovitsj​​, sjølv om vi meiner han har gjort ein god jobb på mange område dei siste åra. Med russisk pass og tilknytinga hans til Kreml vart det umogleg, påpeikar han.

– Jørans (Aulin-Jansson) visepresidentkandidatur er av privat karakter, og har ikkje noko med Noregs Sjakkforbund å gjere, understrekar han.

Aulin-Jansson har tidlegare kommentert avgjerda om å stille som ein av to visepresidentkandidatar til NRK. Han sa då følgjande:

– Eg brukte litt tid på å tenkje på det. Det er ikkje heilt utan kontroversar å stille saman ein russar i desse tider. Etter å ha sjekka med utanriksdepartementet og andre personar som kjende til Russland, bestemde eg meg for å stille, sa han då.

Les også Refser norsk støtte av russisk sjakkpresident: – Jeg er skuffet

Norway Chess

Siste nytt

  • Sabalenkas kjæreste bekreftet død: – Må han hvile i fred

    Den tidligere NHL-spilleren Konstantin Koltsov har gått bort. Det bekreftes av det belarusiske ishockeyforbundet.

    Koltsov var også kjæresten til verdenstoer i tennis, Aryna Sabalenka.

    I en kort uttalelse skrev forbundet at Koltsov «døde plutselig», uten å si hvordan eller hvor han gikk bort.

    «Vi er i sorg. Det belarusiske hockeyforbundet uttrykker sin dypeste medfølelse til familien, venner og alle som kjente og jobbet med Konstantin», heter det i uttalelsen.

    Koltsov spilte tre sesonger i NHL med klubben Pittsburgh Penguins, samt i to OL med det belarusiske landslaget.

    I tillegg til sin spillerkarriere, var Koltsov også trener for KHL-klubben Salavat Yulayev Ufa og det belarusiske landslaget.

    «Han var en sterk og positiv person, han var elsket og respektert av spillere, kolleger og supportere. Må han hvile i fred,» skriver Salavat Julajev Ufa i en uttalelse.

    Konstantin Koltsov ble 42 år gammel.

    Aryna Sabalenka
    Foto: AP
  • Messi-fans får 50 prosent refusjon etter Hongkong-fiaskoen

    Fans som kjøpte billetter for å se Lionel Messi i Hongkong får tilbakebetalt 50 prosent av billettprisen etter at argentineren mistet treningskampen.

    Det er riktignok kun så lenge de ikke iverksetter rettslige skritt mot arrangøren.

    Et utsolgt stadion betalte fra 880 Hongkong-dollar (1200 norske kroner) for å se den åttedobbelte gullballvinneren i aksjon 4. februar. Da ble det spilt en treningskampen mellom Inter Miami mot en utvalgt Hongkong XI.

    Reaksjonene var sterke da Messi ble sittende på benken gjennom hele kampen på grunn av en skade.

    Det ble ikke bedre da han tre dager senere spilte en halvtime da laget hans møtte japanske Vissel Kobe i Tokyo. Da kom anklagene om at Messis «no show» i Hongkong var rettet mot Kina.

    Arrangør Tatler Asia tilbød mandag 50 prosent refusjon for «de som kjøpte billetter gjennom offisielle kanaler til kampen».

    De som vil ha noen av pengene tilbake, må godta vilkår og betingelser som inkluderer at de ikke kan ta rettslige skritt mot arrangøren.

    Messi på benken under kampen i Hongkong
    Foto: AFP
  • Curling-VM: Norsk storseier over Tyrkia

    De norske curlingkvinnene slo knallhardt tilbake etter to strake tap og knuste Tyrkia 11-5 i curling-VM i Canada.

    Skip Marianne Rørvik fronter det norske VM-laget sammen med Kristin Skaslien, Mille Haslev Nordbye og Martine Rønning.

    Etter fem VM-kamper står de med to seiere og tre tap. Det gjør at Norge ligger på en delt 6.-plass. Sveits topper tabellen med fem av fem seire.

    Senere tirsdag venter det nok en kamp mot storfavoritt Sveits.

    Curling VM Norge
    Foto: Darren Calabrese / AP

Sendeplan

Kl. Program Kanal