– Ja, det er tøft. Men sånn er toppidretten. Det er brutalt, seier Ingrid Moe Wold.
Det er nemleg slik at berre dei tre beste nasjonane frå Europa i dette VM får delta i OL i Tokyo i Japan neste år.
Dermed må Noreg truleg minst ta seg til kvartfinalen, og truleg enda lengre, dersom dei skal sikre seg ein OL-billett.
– Vi veit det ligg der, men nålauget er trongt. Vi har sett oss som mål å ta medalje i VM og då får vi jo OL. Det hadde vore ekstremt kult å spele OL, så det er jo ein motivasjon i seg sjølv, meiner Maria Thorisdottir.
VM er viktigare
For om det norske laget skulle nå målsetjinga si, som er medalje i dette VM, vil dei også sikre billett til neste års OL. Men det er ikkje noko Caroline Graham Hansen tenker mykje på.
– For oss handlar det om kva vi kan oppnå i VM, og då er målet medalje. Så vil OL kome som ein bonus. Men for oss som fotballspelarar er VM det desidert største. OL er mykje mindre i forhold.
VIKTIG: VM er mykje større enn OL, meiner Caroline Graham Hansen.
Foto: Fredrik Hagen / NTB scanpixOg sjølv om landslagssjefen Martin Sjögren no ønsker at både laget og han sjølv skal fokusere mest på det som skjer i Frankrike, vedgår han at OL også var i tankane, då laget i januar bestemte seg for at målet i VM skulle vere medalje.
– Når vi målsetjinga vår, så er vi klar for OL. Det er klart vi skal strekke oss dit.
Han meiner at man burde vurdert å utvide OL frå 12 til 16 lag. Noko som då også kunne gitt fleire i Europa plass i dei olympiske leikane.
– Men det får vi ikkje gjort noko med, avsluttar Sjögren.
Beintøft
Noreg sitt damelandslag har deltatt i seks tidlegare OL. I 2000 krona dei det med olympisk gull. Men sidan 2008 har ikkje laget kvalifisert seg. I år er derimot nålauget trongare enn på mange år.
VANSKELEG: NRK sin fotballekspert Carl Erik Torp tru Noreg vil få det beintøft med å kvalifisere seg til neste års OL.
Foto: Julia Marie Naglestad– Eg håpar. Trur, så gjere eg kanskje ikkje det. Det er så vanskeleg, seier NRK sin fotballekspert Carl Erik Torp.
Han peikar på at det er blitt så veldig mange gode nasjonar i Europa etter kvart at det vil bli beintøft og kvalifisere seg til OL for Noreg, slik systemet er no.
– Men det er ein mogelegheit og vi må gå for den. Med det målet det norske landslaget har sett seg, så blir det jo OL i tillegg til medalje, seier han med eit smil.
