NRK Meny
Normal

Russlands einaste friidrettsutøvar: – Vanskeleg å vere åleine

Lengdehopparen Darja Klisjina hadde ikkje tenkt seg at OL-debuten skulle gå heilt utan lagkameratar.

Darja Klisjina

DEBUTANT: – Det var ikkje slik eg hadde tenkt at mitt første OL skulle bli, seier Darja Klisjina

Foto: Matt Dunham / Ap

– Det er vanskeleg å vere her åleine, seier Klisjina til NRK.

Den russiske lengdehopparen hadde trudd at ho skulle ha 67 lagkameratar med seg til den olympiske friidretten.

Slik blei det ikkje. Alle dei 67 blei utestengde frå OL på grunn av den omfattande russiske dopingskandalen. Klisjina var den einaste som slapp gjennom nålauget, ettersom ho har budd i USA i fleire år, og vore dopingtesta rutinemessig der.

Ut-inn-ut-inn

– Dette er nokså spesielt for meg. Det er mitt første OL, og eg kunne ikkje tenkt meg at det skulle bli slik, seier Klijsina.

Darja Klisjina

TIL FINALE: Her svevar Darja Klisjina til 6,64 og finaleplass i lengdekonkurransen

Foto: Matt Slocum / Ap

Og oppladinga inn mot lengdekonkurransen var heller ikkje den beste. For før helga kom sjokkbeskjeden:

Det internasjonale friidrettsforbundet hadde fått nye opplysningar, og endra standpunkt. Klisjina skulle også kastast ut av OL.

Ho anka saka til den internasjonale domstolen CAS, og så seint som måndag fekk ho vite at ho likevel skulle få delta i lengdekonkurransen.

Som tok til med kvalifisering tysdag.

Klar for finale

Der hoppa ho 6,64 i sitt første hopp. Det var godt nok, og ho er klar for finalen som nummer åtte av dei 12 finalistane. Finalen går onsdag kveld.

– Korleis ser du på sjansane i finalen?

– Onsdag blir ein heilt annan dag. Då er det finale, og eg trur på eit betre resultat då, seier 25-åringen, som har 7,05 som personleg rekord. Allereie som junior i 2010 hoppa ho 7,03.

– Synest du det er rettferdig at dine kollegaer frå Russland er suspendert her?

– Eg har stor støtte frå Russland, seier ho kort før ho går.

Siste nytt

  • Bøkko går lagtempo

    Håvard Bøkko ersatter Sindre Henriksen på lagtempoen. Det bekrefter landslagssjef Sondre Skarli til NRK. Henriksen hadde store problemer på kvartfinalen. De to andre på laget er Sverre Lunde Pedersen og Simen Spieler Nilsen.

    Bøkko
    Foto: Erik Johansen / NTB scanpix
  • Kasai sikter mot to nye OL

    Noriaki Kasai deltok i sitt første OL i 1992, og ble tidenes eldste OL-medaljør i Sotsji-lekene for fire år siden. Selv om det ikke har blitt noen medaljer i Sør-Korea, så sikter han videre, skriver Eurosport. Hvis japaneren gjennomfører målet sitt vil han være 53 år når han hopper under OL i 2026.

    Kasai
    Foto: LEHTIKUVA / Reuters
  • Gull-Krüger: – Surrealistisk

    Simen Hegstad Krüger viste frem OL-medaljene da han landet på Gardermoen mandag.

    – Hele OL har vært en surrealistisk opplevelse. Jeg trenger noen dager for å lande litt. Jeg tror fortsatt ikke helt at medlajene er mine når jeg ser på dem, sier han.

    Simen Hegstad Krüger
    Foto: MARTIN JUTKVAM

Sendeplan

Kl. Program Kanal
OL-magasin
Henrik Kristoffersen - fra Marikollen til Pyeongchang