- Han var framleis litt stiv i dag tidleg, men kjende seg betre enn venta, og skal starte, seier Noregs v-cup-sjef Marius Arnesen til NRK.
Lund Svindal står likevel over utfortreninga i dag.
Det skal køyrast super-G fredag og utfor laurdag. Søndag går storslalåm i Alta Badia, og Lund Svindal deltar på alt.
Arnesen har også håp om at Lasse Kjus og Bjarne Solbakken blir friske nok til å delta i storslalåmrennet søndag.
Austerrikaren Benjamin Raich har meldt forfall til utforrennet laurdag, men stiller både i super-G og storslalåm.
Renna blir sende på NRK1.
"Burre" tilbake
Hans Petter Buraas fekk konstatert rift i ytre leddbåndsfeste i eit kne, men legane meiner han raskt blir frisk. Derfor er han truleg på plass til slalåmrennet i Kranjska Gora i neste veke.