Klæbo i ny femmil i helga
Johannes Høsflot Klæbo skal gå langrenna i Sveits komande helg. Det stafestar landslagstrenar Arild Monsen overfor NRK.
Etter alt ståket omkring diskinga frå førsteplassen på femmila i VM søndag, har det vore usikkert om han ville delta. Men Monsen slår fast at Klæbo reiser til Sveits.
Skiforbundet har nettopp teke ut troppen til Engadin i Sveits, og der er Klæbo med.
Det er 15 km laurdag og 50 km jaktstart søndag, renna som blei flytta frå Holmenkollen.
– Det har vore klart heile tida, og ingenting er endra på det, seier Monsen.
Derimot reiser Emil Iversen heim etter VM. Han skal ikkje gå renna i Sveits.