Gir seg etter sesongen: – Ei vanskeleg avgjerd

Larviks og landslagets veteran Karoline Dyhre Breivang (36) gir seg som aktiv handballspelar etter sesongslutt.

Karoline Dyhre Breivang

GIR SEG: Karoline Dyhre Breivang meiner nok er nok og avsluttar handball-karrieren

Foto: Jon Olav Nesvold / NTB scanpix

No er det slutt. Når sluttspelet er over seinare i vår, er også ein eventyrleg karriere slutt.

– Det er ei totalvurdering ut frå kropp, familiesituasjon og andre ting. Det er ikkje alle som har fått lov å spele handball så lenge som eg har gjort, og å oppleve så mykje, seier Breivang til NRK.

Breivang blei mamma i fjor haust, men var tilbake på handballbana i februar.

– Det var ei vanskeleg avgjerd. Dette har i lang tid vore livet mitt og noko eg elskar å gjere. Men det er noko som har nærma seg sakte, men sikkert dei siste åra. Derfor kjendest det rett å avslutte no, seier Larvik-veteranen som fyller 37 år om snaue tre veker.

12 seriesigrar og åtte meisterskapsgull

Karoline Dyhre Breivang

GULLGROSSISTEN: Breivang har vunne alt som er å vinne på handballbana

Foto: Vidar Ruud / NTB scanpix

Breivang har 12 sesongar bak seg for Larvik, alle med seriemeisterskap som resultat. 504 klubbkampar har det blitt, og ein siger i meisterligaen.

På landslaget har ho åtte meisterskapsgull – fem i EM, to i OL og eitt i VM. 305 landskampar er fleire enn noko annan. Ho gav seg på landslaget for to år sidan.

– Det er alle menneska eg har møtt og fått lov å vere saman med som sit igjen som det største inntrykket.

– Det blir nok litt rart når hausten nærmar seg å ikkje lenger vere handballspelar. Det har vore livet mitt i veldig lang tid.

Stjernefall

Breivang er den tredje Larvik-profilen som no blir borte. Også Gro og Anja Hammerseng-Edin avsluttar sine handballkarrierer etter denne sesongen. Og Marit Malm Frafjord reiser til Romania, samstundes som ho gir seg på landslaget.

– Men eg trur likevel framtida for klubben ser lys ut. Dei har fått spennande signeringar, og vinnarkulturen sit i veggane. Eg er sikker på at Larvik kjem til å vere med i toppen i framtida også, seier Breivang.

Siste nytt

  • De Bruyne mister United-kampen

    Manchester Citys Kevin de Bruyne blir ikke klar til onsdagens derby mot Manchester United. Det bekreftet City-manager Josep Guardiola på en pressekonferanse tirsdag. De Bruyne pådro seg en muskelskade i låret i toppmøtet med Tottenham lørdag.

    Britain Soccer Premier League
    Foto: Rui Vieira / AP
  • Kristoffersen-dom trolig neste uke

    Dommen i søksmålet Henrik Kristoffersen har rettet mot Norges Skiforbund er ventet i løpet neste uke, melder Oslo tingrett overfor NRK. – Siste nytt er at dommen kan forventes å bli avsagt i løpet av neste uke, opplyser kommunikasjonsrådgiver Markus Iestra i Oslo tingrett.

    Rettssaken mellom Henrik Kristoffersen og Norges Skiforbund
    Foto: Gorm Kallestad / NTB scanpix
  • Legendarisk Celtic-kaptein død

    Billy McNeill, kaptein på Celtic-laget som vann europacupen i 1967, er død, 79 år gammal. Han spela 790 kampar for klubben i løpet av 18 år.

    Med 2-1 over Inter i finalen i Lisboa blei Celtic det første britiske laget som vann europacupen – forløparen til dagens meisterliga.

    Alle spelarane var «local lads», oppvaksne innanfor fem mil frå Celtics heimebane i Glasgow.

    Billy McNeill
    Foto: AP

Sendeplan

Kl. Program Kanal