Hopp til innhold

Kaos i kulissane rundt norsk VM-søknad: – Dei får berre skylde seg sjølv

Ordkrig, misforståingar og rot. Det gjer at Johannes Thingnes Bø spør seg om eige forbund prøver å sende han inn i rekkjene til pensjonistane.

Mange mener mye om VM-et som ikke blir noe av. Her er idrettsbyråd Omar Gamal (til venstre), Johannes Thingnes Bø og Kong Harald under VM i Oslo i 2016 (i midten), og generalsekretær Morten Aa Djupvik.

VM-RØYR: Mange meiner mykje om VM-et som ikkje blir noko av. Her er idrettsbyråd Omar Gamal (til venstre), Johannes Thingnes Bø og Kong Harald under VM i Oslo i 2016 (i midten), og generalsekretær Morten Aa Djupvik.

Foto: Terje Pedersen7Vidar Ruud/Berit Roald / NTB

– Kanskje Noregs Skiskytterforbund vil pensjonere meg allereie?

Slik responderer Johannes Thingnes Bø på at skiskyttarforbundet endå ein gong har feila med å søkje om eit VM på heimebane.

Thingnes Bø under VM på hjemmebane i 2016

INGEN REPRISE: Thingnes Bø storkoste seg under VM på heimebane i 2016. Det blir ingen reprise.

Foto: Vegard Wivestad Grøtt / NTB

Denne veka vart det nemleg offentleggjort at Oslo ikkje er blant byane som har søkt om å få arrangere VM i skiskyting i 2027, sjølv om skiskyttarpresident Arne Horten tidlegare har gått ut og lova at Noreg skulle kjempe om å få nettopp denne meisterskapen.

Allereie for to år sidan erkjende nemnde Horten at Noreg bomma på søknadsfristen då dei ønskte seg VM til Oslo i 2025, og at dei derfor heller skulle søkje om å få verdsmeisterskapen i 2027.

Men slik vart det altså ikkje.

Les også: Norge bommet på fristen – søkte om VM for sent

FdoePdLPHNE
FdoePdLPHNE

– Veldig useriøst

Thingnes Bø har allereie signalisert karriereslutt etter OL i 2026, men han har halde døra på gløtt for å få oppleve ein folkefest på heimebane året etter.

Den døra lukkar han no.

– Det vart på mange måtar eit endeleg punktum for meg, seier han til NRK.

Kva som har gått føre seg i kulissane, er det ikkje heilt lett å bli klok på.

Skiskyttarpresident Horten, Morten Aa Djupvik, generalsekretær i skiskyttarforbundet og Oslo kommunes idrettsbyråd, Omar Gamal, har nemleg veldig ulike versjonar av kva som eigentleg er grunnen til at Oslo ikkje enda med å søkje.

Partane er samde om at dei møttest i fjor haust, men der stoppar også semja.

– Det er veldig useriøst, seier idrettsbyråd Gamal og ler når han får høyre versjonen til forbundet.

Hevdar dei fekk dårleg respons

Skiskyttarpresident Hortens forklaring er nemleg at dei aldri fekk nokre forpliktingar frå kommunen, og at det er delar av grunnen til at det aldri vart levert nokon søknad.

Arne Horten, president i Norges skiskytterforbund

SKISKYTTARPRESIDENT: Arne Horten.

Foto: Sondre Hensema Eriksen / Norges Skiskytterforbund

– Det var liten respons i kommunen på å arrangere eit VM. Vi er skuffa over det. Vi hadde forventa mykje meir positivitet rundt det.

Horten seier at Holmenkollen må oppgraderast med tribunekapasitet og flaumlys, og at forbundet og Oslo kommune ikkje kom i mål med dette, noko som var ein føresetnad for å kunne søkje om eit VM.

– Du kan godt seie at vi skulle kjempa meir, men vi meiner det burde vere unødvendig. Eit VM er eit såpass stort arrangement at det burde vere jubel i Oslo for eit skiskyttar-VM.

Og det er dette som får idrettsbyråden til å bruke orda «useriøst». Han har ein heilt anna oppfatning av kva som har skjedd.

– Dei får skylde seg sjølv

– Dei får berre skylde seg sjølv. Det er eine og åleine deira eigen feil. Vi har hatt ei open haldning til dei, kontrar Gamal.

Idrettsbyråden seier at skiskyttarforbundet heldt ein presentasjon for kommunen, og at kommunen i kjølvatnet av det bad forbundet sende inn ein skriftleg førespurnad. Dei ønskte oversikt over budsjett, kva dei ønskjer av Oslo kommune, og kva dei såg for seg at arrangementet kunne gi av meirverdi for innbyggjarane i byen.

Byråd for kultur, idrett og frivillighet i Oslo Omar Samy Gamal

IDRETTSBYRÅD: Omar Gamal.

Foto: Sturlason

– Vi kan ikkje basere våre vurderingar på ein presentasjon som dei har éin gong for oss. Dei må ta litt meir initiativ enn det. Her har dei rett og slett rota det til ein gong til, seier Gamal.

– Dei må gjerne sende det dei har vorte bedne om å sende, så skal dette bli vurdert på lik linje som andre store meisterskapar, seier han.

Tajei Bø stussar også på innsatsen til Skiskyttarforbundet i samband med ein VM-søknad.

– Eg hadde venta meir offensivitet og pågangsmot frå Skiskyttarforbundet. Ein får aldri ein jobb ein ikkje søkjer på, så enkelt er det. Hadde eg fått den beskjeden, hadde eg i alle fall blitt motivert til å lage ein søknad som vart umogeleg å seie nei til.

Johannes Thingnes Bø og Tarjei Bø (t.v.) med gullmedaljen etter medaljeseremoni for 4 x 7,5 km stafett for menn på universitetsplassen i Oslo lørdag kveld.

STEMNING: VM i Holmenkollen i 2016

Folkehav i Kollen

FOLKEFEST: VM i Holmenkollen i 2016.

Kong Harald hilser på Marte Olsbu og Tiril Eckhoff (med ryggen til).

HELT KONGE: VM i Holmenkollen i 2016.

Emil Hegle Svendsen, Johannes Thingnes Bø, Tarjei Bø og Ole Einar Bjørndalen mottar gullmedaljer etter 4 x 7,5 km stafett menn på Medal Plaza på Universitetsplassen i Oslo lørdag kveld.

FOLKEFEST: VM i Holmenkollen i 2016.

Feiring

FEIRING: VM i Holmenkollen i 2016.

Johannes Thingnes Bø viser fra gullmedaljen til kong Harald.

HELT KONGE: VM i Holmenkollen i 2016.

Folkefest

FOLKEFEST: VM i Holmenkollen i 2016.

Ole Einar Bjørndalen med VM-medaljene i 2016

FEIRING: VM i Holmenkollen i 2016.

Skulder på munnleg råd

NRK har sett den skriftlege dialogen mellom forbundet og kommunen.

Der kjem det fram at Oslo kommune 29. november i fjor bad generalsekretær Morten Aa Djupvik om å komme tilbake til dei med fleire detaljar:

«Ta gjerne med kor mykje de ser for dykk å søkje i tilskot hos kommunen og staten, nemn gjerne også andre ting de ønskjer kommunen skal bidra med t.d. gratis leie av anlegget, bistand i anlegget under meisterskap og beredskapsgruppe (for å nemne nokre døme). Også kva de ser for dykk av utbetringar i anlegget (det er anlegget til kommunen så det treng ikkje de søkje om tilskot til, men greitt å vite litt om omfanget).»

Spesialrådgivaren til kommunen la også ved VM-søknaden til bryteforbundet, slik at skiskyttarforbundet skulle sjå korleis det kunne løysast, men forbundet sende aldri det dei vart oppmoda til.

Djupvik seier til NRK at han munnleg vart rådd til ikkje å søkje kommunen om støtte til VM.

Morten Aa Djupvik

GENERALSEKRETÆR: Morten Aa Djupvik.

Foto: Berit Roald / NTB

– Vi presenterte VM. Men vi vart heilt klart rådd om ikkje å søkje no fordi det er for kort tid. Og det må vi sjølvsagt ta på kappa vår, at vi burde vere tidlegare ute. Men det er jo slik at vi er heilt avhengig av å ha med oss Oslo kommune som vertskapskommune om vi skal sende inn ein søknad. Og det var det absolutt ikkje stemning for det under møtet, meiner generalsekretæren.

Han hugsar ikkje kven som rådde forbundet til ikkje å søkje.

Resultatet er i alle fall at VM i 2027 anten skal arrangerast i estiske Otepää eller i Kontiolahti i Finland.

No kryssar Ingrid Landmark Tandrevold for at Noregs Skiskytterforbund får ein søknad på plass innan fristen til meisterskapen i 2028.

– Det er min aller største draum å oppleve eit VM på heimebane.

Siste nytt

  • Bodø/Glimt møter Dinamo Zagreb i playoff til mesterligaen

    Dinamo Zagreb blir Bodø/Glimts motstander i kampen om en plass i Champions League. Kroatene vant 6-3 sammenlagt over Ludogorets.

    Kroatene hadde med seg 2-1-ledelse fra den første kampen, og på hjemmebane ble det 4-2-seier. (NTB)

    Tredje kvalifiseringsrunde til Champions League 2022/2023: Bodø/Glimt - Zalgiris Vilnius (5-0)
    Foto: Mats Torbergsen / NTB
  • Medier: Børven på vei til Vålerenga

    Angrepsspiller Torgeir Børven (30) er på vei tilbake til sin gamle klubb Vålerenga, melder flere norske medier.

    Varden erfarte først at Børven hadde bestemt seg for sin nye klubb. Nettavisen har i likhet med skiensavisen kilder på at Børvens tyrkiske klubb har gått med på å slippe ham.

    Ifølge VG er det snakk om en 2,5 års avtale i Oslo-klubben hvor han spilte i to år.

    Vålerenga er i medvind om dagen og sikret seg sist uke landslagsstopper Stefan Strandberg. VIF har vunnet fem strake kamper i Eliteserien.

    Børven har siden i fjor vært under kontrakt med Gaziantep. (NTB)

    Eliteserien fotball 2020: Strømsgodset - Rosenborg (3-3)
    Foto: Trond Reidar Teigen / NTB
  • Vos til topps i åpningen av Tour of Scandinavia

    Syklist Marianne Vos vant den første etappen av Tour of Scandinavia etter en jevn spurt i Helsingør.

    Nederlandske Vos (Jumbo-Visma) vant foran Megan Jastrab (DSM) og Shari Bossuyt (Canyon) i den 145 kilometer lange etappen fra København til Helsingør.

    – Det gikk veldig veldig fort. Jeg var veldig nervøs. Alle ønsker å være langt framme, men jeg er veldig glad for å kunne ta det, sa Vos til TV 2 etter seieren.

    Det norske håpet Susanne Andersen kom seg aldri i en god posisjon i massespurten og havnet utenfor topp ti. (NTB)

    First stage of the women's Tour of Scandinavia
    Foto: RITZAU SCANPIX / Reuters

Sendeplan

Kl. Program Kanal
Spilleliste med 52 klipp
Sport
Spiller nå
Her stagediver Vetle Sjåstad Christiansen etter den fjerde Blink-seieren 00:55
Neste