NRK Meny
Normal

Kvitt knesmertene

Medan Hushovd og Boasson slit med skader, er Kurt Asle Arvesen på hjula igjen. Dermed kan han bli einaste norske Tour-deltakar.

 Kurt Asle Arvesen på seierspallen etter Oslo Grand Prix på sykkel i Oslo sentrum onsdag kveld

FRISKMELDT: Det kan bli nye jubelbilder av Kurt Asle Arvesen når han no er tilbake på sykkelsetet. Her på seierspallen etter at han sykla inn som nummer tre i Oslo Grand Prix (2009).

Foto: Sigurdsøn, Bjørn / SCANPIX

– Formen er tipp topp den. I tida framover blir det trening, trening og atter trening, seier ein letta Kurt Asle Arvesen på telefon frå Italia.

Sky-rytter Arvesen har hatt maks uflaks under vårens oppkjøring til det største sykkelrittet i verda - Tour de France. Eit fall under Quatar rundt i februar resulterte i nok eit stygt kragebeinsbrot. I slutten av april begynte han også å kjenne store smerter i kneet.

Skadesituasjonen førte til at romsdølingen måtte ta ein lengre pause frå pedalane. Men rehabilitering og spesialtrening heime i Eresfjorden i Møre og Romsdal, og eit opphold på Toppidrettssenteret i Oslo har gjort underverker.

No er Arvesen skadefri, og tilbake i hardtrening på italienske vegar.

Dystert for Boasson og Hushovd

Thor Hushovd

NYOPERERT: Thor Hushovd håpar uansett å stille til start i Tour de France

Foto: FRED TANNEAU / AFP

Det ser derimot langt mindre lyst ut for dei to andre norske Tour-ryttarane. Thor Hushovd brakk nyleg kragebeinet under ein treningstur i Italia, og Edvald Boasson Hagen har lenge slitt med smerter i akillesen.

Cervelo-rytter Hushovd blei operert i Sveits sist måndag, og har no teke fatt på rehabiliteringsprosessen heime i Monaco.

Edvald Boasson Hagen

SMERTER: Sky-rytter Edvald Boasson Hagen slit med akillesen.

Foto: Idås, Bård / SCANPIX

Hagen har sakte men sikkert komt seg tilbake på sykkelsetet igjen, men ifølgje trenar Fredrik Mohn kan hard trening rive opp skaden og føre til at den vonde hælen blir eit kronisk problem for det unge sykkel-talentet.

Sjølv om Hushovd og Hagen kan stille til start når Touren startar i Rotterdam om seks veker, vil det dermed vera med eit svært tynt treningsgrunnlag.

Rehabilitering gjorde susen

Den no friskmelde Arvesen kan skrive under på at ro og kvile er den beste medisin. Slitasjeskaden i kneet har forfulgt han i lang tid.

– Det hjelper ikkje å forhaste seg. Eg tok skadene på alvor og ga det litt tid denne gongen. No føler eg meg heilt fin, men det endelege svaret får eg under løpet i Bayern neste veke, seier han.

Bayern Rundfahrt vert skipa til frå 26-30mai. Arvesen skal også delta i Luxembourg rundt og Sveits rundt, som er rekna som viktige oppkjøringsritt før Touren i juli.

Blir Hushovd og Boasson klare til Tour de France? Sei di meining!

Siste nytt

  • Johansen-scoring i Fulham-tap

    Norges landslagskaptein, Stefan Johansen, scoret sitt fjerde seriemål for sesongen da Fulham tapte 1–2 mot Aston Villa i engelsk mesterskapsserie lørdag.

    Stefan Johansen
    Foto: Alan Walter / Reuters
  • AaFK reddet poeng på overtid

    Aalesund utlignet til 1-1 på overtid mot Kristiansund lørdag. Dermed sikret de seg et viktig poeng i nedrykksstriden. Like før slutt stormet Kristiansunds Torgil Gjertsen mot AaFK-målet som var åpent, men sentret i stedet for å skyte og det ble bom.

    Aalesund - Kristiansund.
    Foto: Svein Ove Ekornesvåg / NTB scanpix

Sendeplan

Kl. Program Kanal
4-4-2 Radiosporten
4-4-2 Radiosporten
4-4-2 Radiosporten
4-4-2 Radiosporten
4-4-2 Radiosporten
4-4-2 Radiosporten
Sportsrevyen
4-4-2 Eliteserien fotball: Brann - Rosenborg