Hopp til innhold

Johaug stiller i NM i terrengløp – håper på Grøvdal-duell

Therese Johaug stadfestar ovanfor NRK at ho vil delta i NM i terrengløp i Oslo i oktober.

Therese Johaug

IMPONERTE: Therese Johaug vant 10.000-meteren i NM i starten av august.

Foto: Berit Roald / NTB scanpix

– Eg fekk høyre at NM var i Frognerparken, og då er det ganske kort veg ned frå der eg bur. Eg skal uansett ha ei hardøkt. Å få ein springekonkurranse er jo då optimalt for meg, seier Johaug.

Og ho legg ikkje skjul på at ho stiller opp for å vinne, og mest av alt ønskjer ho seg ein duell med Karoline Bjerkeli Grøvdal.

Det vakte stor oppsikt då skistjerna i starten av august sprang inn og tok NM-gull på 10.000 meter.

Den gongen stilte ikkje Grøvdal til start.

– Det hadde vore kjempeartig om ho hadde gjort det. Om Karoline skal springe, så har eg ikkje sjanse. Det seier seg sjølv, men det hadde vore moro og målt seg opp mot dei beste i Norge.

Opnar for EM i Paris

Å prioritere EM i terrengløp i desember, slik Didrik Tønseth har hatt lyst til, er derimot uaktuelt.

Ho har derimot tidlegare opna for å delta i EM i friidrett i Paris neste år, og VM-dronninga på ski frå i vinter vedgår at det er ein tanke som har modna enda meir.

– Terrengløpet tar eg som ei god trening til sesongen startar, og så får vi ta ei evaluering om man kjenner seg i form til neste år, og om ein har lyst springe friidrett i Paris i staden for.

– Om eg skal springe der, så har eg berre eit mål, og det er å få best mogeleg tid og springe så raskt som mogeleg. Eg veit eg ikkje har sjanse internasjonalt, men det hadde vore moro å prøve seg.

Nærmar seg OL-kravet

Då Johaug vann 10.000- meteren under NM på Hamar sprang ho inn på tida 32.20,19, noko som er den femte beste tida på distansen i Norge nokosinne. Det var også den 15. beste tida i Europa på det tidspunktet.

Det er ei tid 31-åringen frå Dalsbygda meiner det er håp om å forbetre.

NM i friidrett, Hamar 2019

BETRE TID: Johaug meiner det er håp om å forbetre tida frå NM med 30 til 40 sekund.

Foto: Berit Roald / NTB scanpix

– Om eg klarar å få nokon fleire økter på bana, enn ingen som eg hadde til NM, og eg kan springe i eit felt og ha eit litt betre løpsopplegg enn dei første rundane i NM, så kanskje eg klarer å perse med ein 30 til 40 sekund.

Sjølv om ho då nærmar seg OL-kravet på distansen, er det derimot heilt uaktuelt for Johaug å sikte seg inn mot eit sommar-OL i Tokyo neste år.

– Nei, det skal eg ikkje. Eg trur først og fremst eg skal ha fokus på OL i Beijing for min del. Sidan eg ikkje deltok i OL for to år sidan, så vil eg nok gjere alt for å vere best mogeleg førebudd til det OL.

Siste nytt

  • Tennisstjerna skjelte ut dommeren: – Er du dum?

    Nick Kyrgios kunne juble etter å ha vunnet en jevn kamp mot Stefanos Tsitsipas, men underveis fyrte australieren på alle plugger.

    For da Tsitsipas slo en ball mot nedre delen av tribunen, stormet Kyrgios mot dommeren. Han mente at motstanderen burde blitt disket, men ble ikke hørt.

    – Kan du slå en ball inn blant publikum og treffe noen og ikke tape kampen? Er du dum? tordnet han.

    Dommeren valgte å gi en advarsel til Tsitsipas og spurte Kyrgios om ballen traff noen.

    – Ja, den gjorde det. Så nå må du bli skadet? Du er en skam. Du endrer reglene akkurat som du vil, sa den frittalende tennisprofilen.

    Wimbledon
    Foto: HANNAH MCKAY / Reuters
  • Nadal enkelt videre i Wimbledon

    Tennisikonet Rafael Nadal (36) fikk en lett reise til fjerde runde i Wimbledon-turneringen. Han lekte med Lorenzo Sonego i tre strake sett.

    Spanjolen vant kveldskampen på centercourten med sifrene 6-1, 6-2, 6-4. For tiende gang er han klar for Wimbledons åttedelsfinaler.

    Gress er ikke Nadals favorittunderlag. Kun to av hans 22 Grand Slam-titler har kommet i Wimbledon (2008 og 2010). Går han til topps i London, vil veteranen vært ett steg nærmere å vinne samtlige fire GS-turneringer i ett og samme kalenderår. (NTB)

    Britain Wimbledon Tennis
    Foto: Alastair Grant / AP
  • Kofstad med superspill i Irland – kjemper i teten

    Golfspiller Espen Kofstad gikk tredje runde av europatourturneringen Irish Open sju slag under par. Han er på delt 5.-plass og for fullt med i seierskampen.

    Nordmannen er tolv slag under par etter en serie på 67-72-65. En stund toppet han resultatlistene lørdag, men ble senere jekket noen hakk ned.

    Før siste dag er han kun to slag bak den polske lederen Adrian Meronk. (NTB)

    Sommer-OL i Rio 2016.
    Foto: Erik Johansen / NTB

Sendeplan

Kl. Program Kanal
Spilleliste med 43 klipp
Sport
Spiller nå
Ski-VM er endelig tilbake på NRK! 01:00
Neste