Johaug skal gå langløp
Noregs skidronning Therese Johaug kjem til å delta i Ski Classics kommande sesong, stadfestar lagleiar Magnar Dalen.
Løpa som er aktuelle for Johaug, er Birkebeinerrennet 19. mars og Reistadløpet 2. april.
– Det er planen, og ho kjem til å gå for oss, seier Magnar Dalen, lagleiar i Team Ragde Charge til nyheitsbyrået TT.
Johaug er ein av fleire profilar frå den tradisjonelle verdscupen som har interessert seg for langløp den siste tida. Ivo Niskanen, Martin Johnsrud Sundby og Hanna Falk er andre døme.