NRK Meny
Normal

Vålerenga har løyst keeper-krisa

Otto Fredrikson er klar som Vålerengas kortsiktige løysing på keeper-problemet. Men Rune Almenning Jarstein skal framleis vere interessant som ei meir langsiktig løysing.

Otto Fredrikson likte dårlig å bli satt på benken mot VIF

LØYSINGA: Tidlegare LSK-keeper Otto Fredrikson ser ut til å vere Vålerengas redningsmann i mål.

Foto: Solum, Stian Lysberg / SCANPIX

Med fyrstekeeper Michael Langer ute i opptil seks veker og reserven Lars Hirschfeld på landslagsoppdrag herska det i dag keeper-krise på Valle. Knappe to veker før overgangsvindauget opnar måtte det kome i land ei kortsiktig løysing før bortemøtet mot Odd søndag.

Og i ettermiddag bekreftar klubben på sine eigne heimesider at den løysinga er i Kongsvinger og ber namnet Otto Fredrikson. Den tidlegare Lillestrøm-spelaren kom til 2.divisjonsklubben i vinter og kjem no på lån til Vålerenga.

Utelukkar ikkje Vålerenga

Men som ei langsiktig løysing kan framleis den tidlegare landslagkeeparen Rune Almenning Jarstein som har slitt benken i Hertha Berlin, vere ein moglegheit.

– Eg har eigentleg ingen kommentar til akkurat det. Men eg legg ikkje skjul på at eg ynskjer meg meir spilletid og ein ny klubb, seier Jarstein til NRK.

Han er no på veg tilbake til Berlin etter å ha vore heime i Noreg i ei drøy veke. Keeperen er tydeleg på at han ynskjer å fortsette karrieren i ein utanlandsk klubb, men svarar fylgjande på kva han tenkjer om ein eventuell låneavtale med Vålerenga.

– Eg har ikkje høyrt noko frå Vålerenga. Me får berre sjå kva som skjer framover, men det er klart eg har lyst til å spele, seier keeperen.

Det skal då vere snakk om finske Fredrikson som spelte i Lillestrøm frå 2006 til 2010.

Kan få dispensasjon

Kjetil Rekdal bekreftar også tidlegare i dag ovanfor NRK at Lars Hirschfeld er på landslagsoppdrag. Dermed er det høgst usikkert kven som står i mål i bortekampen mot Odd søndag.

– Me må vente på å få avklart situasjonen rundt Langer. Me jobbar akkurat no med å få ein tilbakemelding på korleis skadesituasjonen er.

Den tyske avisa BZ Berlin skriver at Rune Almenning Jarstein no er aktuell for ein overgang til Oslo-klubben. Slik NRK forstår det kan jakta på den tidlegare landslagskeeparen blir intensivert i løpet av kort tid.

Ser de på moglegheiten for å hente Jarstein no?

– Han er ein god keeper. Eg veit at Hertha har lyst til å sleppe han ut, det er alt eg kan seie om den saka.

Etter det NRK erfarer skal ikkje Jarstein vere aktuell no. Fredrikson vil kome på lån og vere ei kortsiktig løysing.

Det norske overgangsvindauget opnar i utgangspunktet 15.juli, men Vålerenga kan få dispensasjon for dette viss keepersituasjonen er så vanskeleg som den ser ut som no.

Siste nytt

  • Rælingen mot eliteseriespill

    Rælingen, som ble nummer tre i 1. divisjon, slo eliteserielaget Sola hele 30–20 i første kvalifiseringskamp og tok et langt steg mot opprykk. Returkampen i Sola spilles søndag.

    Tonje Nøstvold, Sola
    Foto: Sander Heggheim/NRK
  • Uavgjort i bunnoppgjøret

    Stabæk og Start spilte 1-1 i onsdagens bunnoppgjør i eliteserien. Dermed står begge lagene med fire poeng etter seks serierunder. Ohi Omoijuanfo ga Stabæk ledelsen etter 70 minutter, mens Aron Sigurdarson utlignet for Start.

    Eliteserien 2018. Stabæk-Start. Nadderud Stadion.
    Foto: Vidar Ruud / NTB scanpix
  • Powell ferdig i Sandefjord

    Sandefjord Fotball bekrefter i en pressemelding onsdag kveld at Magnus Powell er ferdig som trener i klubben. Powell begynte i jobben så sent som 16. januar.

    Powell
    Foto: Trond Reidar Teigen / NTB scanpix

Sendeplan

Kl. Program Kanal
Mesterligaen: Semifinale Bayern München - Real Madrid