Jansrud sikra super-G-kula med heimetriumf

Alpintstjerna har vunne fire av dei åtte siste Kvitfjell-renna han har deltatt i. – Heilt vanvittig, seier ekspert Kjetil André Aamodt.

Komm.: Andreas Toft og Marius Arnesen.

TRIUMFERTE: For tredje gang vann Kjetil Jansrud eit super-G-renn på heimebane i Kvitfjell.

29 år etter at Kjetil Jansrud såg dagslys for aller første gang sikra han si første krystallkule i alpintsirkuset.

Best av alt: Samanlagtsigeren super-G-cupen blei sikra med triumf på heimebane i Kvitfjell søndag.

Laurdag ramla han på resultatlista under utforrennet i samme bakke. Med godt resultat kunne han sikre totalsiger i utforcupen, men feila.

– Det var ekstra tungt i går. Eg køyrer framfor heimefansen her. Dei forventar ikkje at eg skal vinne, men dei ønskar å sjå at det skjer. Derfor var det ekstra moro å levere i dag, seier Jansrud.

– Eg har jo eit ønske om at Kvitfjell skal vere min bakke. I dag var den det, legg nordmannen til.

Kopierte Lund Svindal - tangerte Aamodt

For fjerde gang på rad gjekk samanlagtsigeren i super-G-cupen til ein nordmann. Dei tre siste sesongane har Aksel Lund Svindal kjempa til seg kula.

Søndag kopierte Jansrud lagkameraten med sin tredje super-G-siger denne sesongen.

Alpintstjerna vann også sitt tredje super-G-renn på heimebane i Kvitfjell.

– Eg skal kose meg med dette. Det er heilt nydeleg, seier Jansrud.

– No har eg også like mange verdscupsigrar som han her, seier Jansrud og henvender seg til alpintlegenda Kjetil André Aamodt.

Jansrud har seks verdscuptriumfar denne sesongen. Det same klarte Aamodt i 1992/93-sesongen.

Då Jansrud opplyste om dette kontra Aamodt med meir interessant fakta:

Jansrud har vunne fire av dei åtte siste Kvitfjell-renna han har deltatt i.

– I alpintsamanheng er det heilt vanvittig, seier Aamodt.

Det var i Kvitfjell 29-åringen tok sin første verdscupsiger. Den kom i 2012.

Kan bli frårøva utfor-kula

No gjenstår det bare å sikre samanlagtsiger i utforcupen. Der leier han med fattige 20 poeng på austerrikske Hannes Reichelt, som køyrte ut i super-G-rennet søndag.

Reichelt vann Kvitfjell-utforen laurdag og viste at han er i storform før det heile skal avgjerast.

Sesongfinalen går i franske Méribel om to veker.

Dei ti siste vinnarane av super-G-cupen:

2015: Kjetil Jansrud, Norge

Hannes Reichelt

UTFOR-UTFORDRAR: Hannes Reichelt.

Foto: Nesvold, Jon Olav / NTB scanpix

2014: Aksel Lund Svindal, Norge

2013: Aksel Lund Svindal, Norge

2012: Aksel Lund Svindal, Norge

2011: Didier Cuche, Sveits

2010: Erik Guay, Canada

2009: Aksel Lund Svindal, Norge

2008: Hannes Reichelt, Østerrike

2007: Bode Miller, USA

2006: Aksel Lund Svindal, Norge

2005: Bode Miller, USA

PS: Laksefiskar Bjørnar Neteland blei nest beste nordmann i Kvitfjell. Alpint-talentet hamna på 28.-plass.

Siste nytt

  • Ruud tok seg enkelt vidare

    Casper Ruud leverte knallsterkt og vann 6–1 og 6–2 mot Carlos Berlocq i første runde i ATP-turneringa i Rio de Janeiro tysdag. 20-åringen hadde få problem med den 16 år eldre argentinaren.

    Casper Ruud
    Foto: Daniel Bockwoldt / AFP
  • 5.-plass til Foss-Solevåg

    Amerikanske Mikaela Shiffrin vinn parallellslalåmen i Stockholm og sikrar seg dermed også krystallkula i verdscupen i slalåm denne sesongen. På herresida vinn Ramon Zenhaeusern føre svenske André Myhrer. Sebastian Foss-Solevåg blir beste norske med ein 5.-plass, etter å ha slått ut Henrik Kristoffersen.

  • Vil ta laggull

    Tyskland har tatt alle de syv siste gullmedaljene i mesterskap i kombinert. Det vil Jan Schmid gjøre noe med. – Hvis jeg får med meg en medalje skal jeg være fornøyd, og så synes jeg vi som lag skal ha et mål om å ta det laggullet, det begynner å bli litt for mange år siden, sier den norske veteranen.

    Jan Schmid og Jørgen Graabak
    Foto: Andrea Solero / AP

Sendeplan

Kl. Program Kanal