Jansrud i villreie: – Det er veldig frustrerande

WENGEN/OSLO (NRK): Kjetil Jansrud slit med å finne ut av kva som er gale med forma og er i villreie på korleis han skal få retta det opp til VM.

Kjetil Jansrud

SLIT: Kjetil Jansrud får det ikkje til å klaffe og er frustrert over og ikkje finne ut av problema.

Foto: Gabriele Facciotti / AP

– Det er litt kjedeleg at det ikkje er på plass. Så alt i alt eit skuffande resultat og lang avstand opp til dei beste, seier 33-åringen til NRK.

For det er ingen tvil om at utforsesongen har vore skuffande for OL-meisteren frå Vinstra. Beste plassering så langt i år er ein 13.-plass frå Lake Louis.

Det var i slutten av november.

Sidan har Jansrud berre falle nedover på resultatlistene. Laurdag køyrde han inn til ein skuffande 22.-plass i Wengen.

– Det er ikkje bra nok. Når du blir sliten skal du berre dra med deg farten. No bremsa det, og ironisk nok, så kostar det enda meir krefter. Det er litt kjedeleg at det ikkje er på plass, seier Jansrud.

Slit i nedre del av løypa

For det er nettopp i siste del av løypa nordmannen har tapt dei viktige hundredelane. På dei fysiske testane har resultatet vore betre i år enn tidlegare, då Jansrud ofte var best i den nedre delen av løypa.

– Det er veldig frustrerande. Meg eg klarar ikkje å endre på det og det begynner og bli kort tid til VM.

Ski World Cup Wengen - Men's Alpine Combined - Downhill

FRUSTRERT: Jansrud er i villreie for korleis han skal finne forma fram mot VM som er mindre enn tre veker unna.

Foto: Denis Balibouse / Reuters

– Eg hadde håpa det skulle gå eit renn. No har det gått fire, snart fem, utan at eg har fått endra på det.

Og det som frustrerer Jansrud mest er at han ikkje har fasiten på kva som skal til for å rette opp problema han slit med. Etter første 50 sekund har Jansrud nemleg nest beste tid i Wengen.

– Eg må få det til å stemme mot slutten av løypa når eg byrjar å bli sliten.

Nærmar seg VM

Med mindre enn tre veker til startskotet for VM i Åre er det grunn til bekymring for alpinisten.

– Det er eit eller anna han må prøve å finne ut av, seier NRK sin alpinekspert Marius Arnesen.

Han meiner uansett at det skal vere tid til å finne ut av dette føre VM og at løypa i Åre passar Jansrud betre.

– Alt heng saman med alt. Det kan handle om sjølvtillit og stole på seg sjølv og utstyret. Forhåpentlegvis kan ein del gode mellomtider gi nokon svar.

Neste helg er det nytt utfor i Kitzbühel i Austerrike. Ei løype Jansrud har betre minner ifrå enn i den lange bakken i Wengen.

– No er det eit lukka kapitel for i år. Men det er jo kjedeleg å dra herifrå utan nokon store resultat.

Siste nytt

  • Pedersen vant verdenscupen

    Jesper Saltvik Pedersen ble nummer tre i slalåmrennet i franske Morzine. Det betyr seier i verdenscupen sammenlagt.

    Karmøy-gutten har vært i fyr og flamme den siste tiden. 19-åringen har også vunnet slalåmcupen og super-G-cupen denne sesongen.

    Saltvik Pedersen.
    Foto: Jessica Gow/tt / NTB scanpix
  • Ruud klar for Miami Open

    Casper Ruud tapte første sett på tie break, men snudde kampen mot russiske Jevgenij Donskoj og er klar for hovedturneringen i Miami Open. Dette er første gang Ruud kvalifiserer seg for en ATP Masters-turnering, ifølge nettstedet tennis-Norge.com.

    Ruud.
    Foto: Daniel Bockwoldt / AFP
  • Norge tok telemark-gull

    I den første øvelsen av telemark-VM på Rjukan tok Trym Nygaard Løken gull. Sivert Hole sørget for to nordmenn på pallen med sin bronse.

    Torsdag er det mixed lagsprint, fredag sprint og det hele avsluttes med lagsprint på lørdag.

    VM i Telemark
    Foto: Terje Pedersen / NTB scanpix

Sendeplan

Kl. Program Kanal