NRK Meny
Normal

Island jubla for VM i heile natt: – Det er surrealistisk

Island stod på hovudet etter at landet i går kvalifiserte seg til fotball-VM i Russland neste år.

Island jubler

JUBEL: Fyrverkeriet eksploderte på og rundt stadion då Island blei VM-klar

Foto: Brynjar Gunnasrson / AP

Laster innhold, vennligst vent..

– Det er ikkje tull. Vi er klar for VM, hylte Islands legendariske tv-kommentator Gudmundur Benediktsson då sluttsignalet gjekk og Island hadde slått Kosovo 2–0.

– VM, Pele, Maradona. Og Aron Einar Gunnarsson, ropa landslagssjef Heimrt Hallgrimsson inn i tv-kamera.

Gunnarsson er kapteinen som har leia Island til VM. Bak trenaren song spelarane av full hals lagsongen «Ferdalok» (Eg er heime).

Fyrverkeriet eksploderte over Laugardalsvöllur ved kampslutt. Seinare på kvelden møtte store folkemengder opp på Ingolfstorg i sentrum av Reykjavík då bussen med laget kom og spelarane helsa fansen i høljeregnet.

Island klarte å kvalifisere seg til fotball-VM, da de vant 2-0 over Kosovo.

VM-RUS: Hør den islandske kommentatoren fra den avgjørende kampen mot Kosovo.

– Vesle Island til VM. det er heilt surrealistisk, seier Gunnar Atli Thorodssen til Reuters. – I morgon skal eg kjøpe billett til Russland.

Emmsje Gauti er ein av Islands mest kjende rapparar. Han sprang fram og tilbake på scena og song «Reykjavík er okkar» (Reykjavík er vårt).

Barane i Reykjavík stengjer vanlegvis klokka 01 på vekedagane. I natt heldt dei ope til langt utpå morgonen.

Det betyr nok laber produktivitet på øya i dag. Men neppe like laber som når Island skal spele i Russland til sommaren.

Minste VM-deltakar nokon gong

Island feirer

MINST: Med 340.000 innbyggjarar er Island det minste landet som nokon gong har kvalifisert seg til VM

Foto: HARALDUR GUDJONSSON / AFP

Kampen var ikkje vakker i det ufyselege vêret i Reykjavík, men sigeren var nok til å sikre gruppesigeren og VM-plassen.

Island makta dermed å forsvare EM-deltakinga i fjor, der dei nådde kvartfinalen etter å ha slått ut England. Der var det 24 lag med. I VM er det berre 13 europeiske plassar til disposisjon.

Island er med sine knapt 350.000 innbyggjarar det minste laget som nokosinne har kvalifisert seg til eit VM-sluttspel. Den tidlegare rekorden hadde Trinidad og Tobago med 1,3 millionar innbyggjarar, og deltok i 2006.

– Vi er nummer 22 i verda, og vi høyrer til i VM, seier Aron Einar Gunnarsson.

I kvaliken til 2014-VM var det sensasjon då Island kom til playoff. Der tapte dei mot Kroatia.

– Heilt sidan det tapet har vi hatt som mål at denne gongen skulle vi kvalifisere oss. Etter mi meining var vi i den vanskelegaste gruppa. Vi bestemte oss for å fullføre dette. Og vi ville ikkje gå via playoff, la landslagskapteinen til.

Laster Twitter-innhold
Laster Twitter-innhold
Laster innhold, vennligst vent..

Siste nytt

  • Klar for USA

    Jørgen Skjelvik er klar for fotballklubben LA Galaxy, Det melder klubben selv på twitter. Skjelvik forlater dermed Rosenborg, som må finne en erstatter før neste sesong.

    Jørgen Skjelvik
    Foto: Rune Kjær Valberg / NRK
  • Bjørnsen til EM-finale på 100 meter

    Susann Bjørnsen er klar for finalen på 100 meter medley under kortbane-EM i svømming i København. Hun satte personlig rekord med 59,65 i semifinalen torsdag. Bjørnsen var langt framme etter butterfly, men falt tilbake til sjetteplass etter ryggsvømmingen.

    SUSANN
    Foto: Jessica Gow/TT / NTB scanpix
  • Haugen foreløpig på 2.-plass

    Kristine Gjelsten Haugen er på 2.-plass etter første omgang i europacuprennet i storslalåm i Andalo. Finaleomgangen ble utsatt til fredag. Det er annen uke på rad at Haugen legger seg torsdag med halvgjort jobb i et europacuprenn.

    US Alpine World Cup Skiing Leona Popovic, Kristine Gjelsten Haugen
    Foto: Charles Krupa / AP

Sendeplan

Kl. Program Kanal