Hopp til innhold

Iranske fans reagerer kraftig etter synging: – Vi er imot det som skjer

Fleire iranske fans er lite nøgde med at landslaget song nasjonalsongen. Mange hadde stilt opp i T-skjorter med «Woman Life Freedom», og viste tydeleg si støtte til protestane i heimlandet.

Norsk-iransk fan utenfor stadion etter kampen mellom Iran og Wales i fotball-VM i Qatar.

VIL IKKJE SYNGE: Ein norsk-iranar som var til stade på Iran sin kamp mot Wales, likte ikkje at landslagsspelarane song nasjonalsongen.

Foto: Roy Kenneth Sydnæs Jacobsen / NRK

Til kontrast frå opningskampen mot England, valte dei iranske landslagsspelarane å synge med på nasjonalsongen i deira andre VM-kamp mot Wales.

Det var det fleire iranske fans som reagerte på.

– Eg likte ikkje at dei song nasjonalsongen. Eg syng ikkje, ingen av oss iranarar liker å synge nasjonalsongen no, seier ein norsk-iranar til NRK, som hadde mala ansiktet i grønt, kvitt og raudt.

– Kvifor syng de ikkje?

– Vi er imot det som skjer i Iran no, seier han vidare.

Ein mann som hadde på seg ei T-skjorte der det stod «Woman Life Freedom», hadde håpa at Iran hadde droppa å synge med, slik som i første kamp.

– Eg håpte at dei ikkje skulle gjere det, men eg forstår kvifor dei gjorde det. Eg har konkludert med at det kanskje er fordi dei er under press frå Iran, seier mannen som er fødd i Iran, men som bur i Vancouver i Canada.

Kanadisk-iranske fans etter Iran mot Wales.

MARKERTE: Mannen frå Canada meiner det er viktig å rette merksemd mot protestane i heimlandet Iran.

Foto: Roy Kenneth Sydnæs Jacobsen / NRK

Fryktar arrestasjon

Drøssevis av tilskodarar hadde kledd seg opp med effektar som markerte mot situasjonen i heimlandet, medan andre viste si støtte til Iran ved å ta i bruk landets fargar på ulike måtar.

Mannen frå Vancouver påpeiker at T-skjorta med «Woman Life Freedom» blei teken i bruk for å markere mot regimet, og ikkje fotballaget.

– Det er viktig å bruke moglegheita vi har for å rette merksemd mot protestane og menneska i Iran, som mistar livet og levebrødet sitt. Det er ikkje ein protest mot laget, men mot regimet, seier han vidare.

Ei anna gruppe menneske som NRK har vore i kontakt med, som var kledd opp i kvite T-skjorter med same utsegn, ville ikkje stille opp på kamera.

– Vi vil gjerne reise tilbake til Iran utan å bli arrestert, sa dei.

T-skjorter utenfor stadion etter kampen mellom Iran og Wales i fotball-VM i Qatar.

ANONYME: Denne gruppa ville ikkje uttale seg om kvifor dei brukte T-skjortene.

Foto: Roy Kenneth Sydnæs Jacobsen / NRK

Under kampen skal ei kvinne på tribunen ha opplevd at protestflagget hennar blei konfiskert av qatarske vektarar. Det skriv Reuters.

På flagget stod det «Woman Life Freedom», og ho hadde også ei T-skjorte som det stod Mahsa Amini på, namnet til den iranske kvinna som døydde i politiets varetekt.

FIFA World Cup Qatar 2022 - Group B - Wales v Iran

Det skal ha vore flagget til venstre som blei konfiskert.

FIFA World Cup Qatar 2022 - Group B - Wales v Iran

Her får kvinna besøk av vektarane.

FIFA World Cup Qatar 2022 - Group B - Wales v Iran

Her blir flagget undersøkt.

Enormt press

Mange var spente på kva markering det iranske landslaget ville gjere etter at fotballspelaren Voria Ghafouri blei arrestert i heimlandet etter å ha tvitra eit bilete med ei kurdisk landslagsdrakt.

I staden valte landslaget å synge med på nasjonalsongen, og det trur ekspertar at dei blei pressa til å gjere.

– Eg trur dei har blitt pressa til å synge. Det var nokon som prøvde å bevege på leppene så vidt, seier Sharam Alghasi til NRK, som er norsk-iranar og mediesosiolog.

Sidsel Wold, som er NRKs tidlegare midtausten-korrespondent, stiller seg bak Alghasi.

– Dei må ha vorte utsette for eit press. Då dei ikkje song var det ei fornærming mot det iranske regimet som har sendt dei dit, seier Wold.

Ho held fram:

– No song dei so vidt det var. Men det var ein stor forskjell på korleis Wales song og iranarane song. Dei song ikkje med noko kraft.

FIFA World Cup Qatar 2022 - Group B - Wales v Iran

SONG: Iransk startellevar.

Foto: CARL RECINE / Reuters

– Trur du at nokon har gitt dei beskjed om å synge?

– Eg ser at det er folk som tvitrar det, at dei må ha blitt trua til å syngje eller late som om dei syng, seier Wold.

Mediesosiolog Alghasi meiner at spelarane er sterkt prega av situasjonen i heimlandet.

– Desse spelarane er under eit ganske vanvitig press. Både frå myndigheitene og frå opposisjonen, folket. Laget er delt med tanke på kva dei skal representere, seier han.

Usikre på gråting

Ekspertane meiner det kan vere fleire grunnar til at publikum gret medan nasjonalsongen blei spelt av.

– Det er veldig mykje kjensler. Folket er eigentleg veldig glade i landet sitt, men nokre meiner at dei er forrædarar og svikarar. Det kom til uttrykk i den første kampen. I dag var det kanskje meir positiv. No er det fleire som heiar dei fram, seier Alhasi.

Wold har ein annan forklaring.

– Dei som gret, gret kanskje fordi landet representerer eit veldig opprørt land. Samstundes er det nokre som buar fordi dei meiner at laget ikkje burde spele når landet er i eit så stort opprør. Mange var jo sinte på det iranske landslaget fordi dei besøkte presidenten før dei reiste til VM, og tok bilete med han, påpeiker Wold.

Ho er spent på kva som vil skje med spelarane etter meisterskapen.

– Stakkars det iranske landslaget. Det vil bli harde reaksjonar når dei kjem heim, dei som bur i Iran. Dei er verkeleg mellom barka og veden i dette VM-et, mellom folket og regimet, seier Wold.

Sjå Sidsel Wold snakke om synginga her.

Les også: Medier: Iransk fotballprofil arrestert for «propaganda» mot regimet

Vouria Ghafouri
Vouria Ghafouri

Sportsnyheter

Her koker det over for Lukaku - Martinez gir seg etter belgisk sjokkexit

De er rangert som nummer to på Fifa-rankingen, men Belgia røk på hodet ut av gruppe F. Da sjokkexiten var et faktum, rant det over for stjernespissen Romelu Lukaku.

Siste nytt

  • VM-kommentator fikk sparken i pausen

    En tyrkisk fotballkommentator fikk sparken i pausen i VM-kampen mellom Canada og Marokko. Kommentatoren, Alper Bakircigil, kommenterte den første omgangen, men ble deretter erstattet etter pause.

    Årsaken var at Bakircigil nevnte navnet til Hakan Sukur. Dne tidligere landslagsspilleren rømte fra Tyrkia etter å ha blitt anklaget for å være involvert i kuppforsøket mot president Tayyip Erdogan i 2016. Han er nå bosatt i USA og er persona non grata – «uønsket person» – i hjemlandet.

    Bakircigil opplyste selv på Twitter etter kampen at han fikk sparken.

    WCup Canada Morocco Soccer
    Foto: Pavel Golovkin / AP
  • Syk Klæbo står over verdenscuprenn

    Johannes Høsflot Klæbo står over verdenscuprennet på Lillehammer fredag. Det opplyser Norges Skiforbund.

    – Johannes Høsflot Klæbo våknet med litt murring i halsen i dag, men med negativ covidtest. Han står derfor over dagens skirenn, og planen er å stille i morgen og søndag. Klæbo erstattes fredag av Henrik Dønnestad, Gulset IF, står det i pressemeldingen fra forbundet.

    Klæbo er ubeseiret så langt denne sesongen, etter å ha vunnet alt i både den nasjonale langrennsåpningen og verdenscupstarten i finske Ruka.

    Verdenscup i nordiske grener i Ruka
    Foto: Terje Pedersen / NTB
  • Pelé sendte takkehilsen fra sykehuset

    Den brasilianske fotballegenden Pelé (82) ble innlagt på sykehus denne uken. Nå takker han alle sine fans rundt om i verden for alle positive meldinger.

    82-åringen ble operert for tykktarmskreft i september i fjor, men har hatt noen tilbakefall og ble innlagt igjen på et sykehus i Sao Paulo tidligere i uken.

    Ifølge svenske Aftonbladet var hans datter Kely Nascimento raskt ute på Instagram og sa at det ikke var noen fare for farens helse, men at han bare var innlagt for å regulere kreftmedisinen.

    Den levende legenden som har tatt tre VM-gull med Brasil (1958, 1962 og 1970) har fått lykkeønskninger fra hele verden og fra blant andre Brasils landslagssjef Tite som befinner seg i Qatar.

    – Det er alltid hyggelig å få positive meldinger som dette her, skriver Pelé på Instagram med et bilde som viser en bygning i Qatar hvor man sender en hilsen til Pelé om raskt å bli frisk.

    «Takk til Qatar for hilsenen og til alle som sender meg lykkeønskninger», het det videre.

    pele
    Foto: Gonzalo Fuentes / Reuters

Sendeplan

Kl. Program Kanal
Sport
Spiller nå
Er Ola Lunde og fotball den perfekte kombinasjonen? 00:51
Neste