Storhopparen Ingolf Mork er død

Det norske hoppmiljøet er i sorg etter at legenda Ingolf Mork (64) døydde onsdag kveld.

Video Ingolf Mork har gått bort

VIDEO: Sjå legendariske høgdepunkt frå Ingolf Morks karriere.

– Det var veldig trist å få beskjeden i går kveld. Ingolf var jo sprek gjennom heile livet, og er ein av tidenes beste norske hopparar, seier NRKs hoppkommentator, Arne Scheie.

Avisa rbnett.no melde om dødsfallet torsdag morgon. Mork skal ha døydd etter kort tids sjukdom.

Arne Scheies mentor

I tillegg til store prestasjonar i hoppbakken, hugsar NRK-kommentatoren legenda som ein god hjelpar.

Då Scheie starta med kommentering i NRK, søkte han hjelp hos Mork.

– For meg var han ein mentor. Han lærte meg mykje om hoppsporten, gav meg innspel og var ein fantastisk fin fyr. Eg er veldig takksam for det han gav meg, seier Scheie.

– Men eg fekk aldri æra av å kommentere Ingolf. Det første året eg kommenterte renn var det første året då han ikkje var aktiv hoppar, legg han til.

– Verdas klart beste hoppar

Mork vann den tysk-austerrikske hoppveka i 1972. Dette blei hans største bragd i karrieren.

– I tillegg skulle han ha vunne i 1971, men fall i Innsbruck. Det året var han klart verdas beste hoppar, seier NRK-kommentatoren.

– Han vil stå som ein av dei beste norske hopparane gjennom tidene, legg Scheie til.

VIDEO: Arne Scheie om hopphelten Ingolf Mork

Video Scheie fikk råd av Mork

Scheie fikk råd av Mork

VM-vinnarens store førebilete

Ein som også vil hugse Mork er tidlegare skihoppar Per Bergerud. Han debuterte i hoppveka i 1974, og representerte generasjonen som kom etter hoppveke-vinnaren.

– Han var absolutt eit førebilete for oss. Eg hugsar at eg sat klistra og høyrte på radio eller såg på TV når det var renn, og spesielt under hoppveka, seier Bergerud.

– Eg har faktisk hoppa i same renn som han også. Vi deltok i eit mønstringsrenn i Midtstuebakken ein gong i tida, legg han til.

Bergerud tok seinare VM-gull i 1985. Tre år tidlegare kapra han tredjeplassen samanlagt i hoppveka.

Han meiner at Mork har betydd mykje for utviklinga til norsk hoppsport.

– Mork hadde ein utruleg treningsdisiplin, og utforska ulike treningsmetodar medan han var aktiv. Vi som kom i generasjonen etter følgde ting han gjorde. Han har bidratt mykje til å finne ut korleis ein skal trene riktig. Det er der han har påverka hoppsporten på ein positiv måte, seier Bergerud.

Artikkelen held fram!

Per Bergerud

Per Bergerud beskriv Ingolf Mork som eit stort førebilete på 70-talet.

Foto: Åserud, Lise / Scanpix

Lokalmiljøet i sorg

«Det er med stor sorg vi tok imot melding om at idrettslagets æresmedlem, beste utøver, leiar av hoppgruppa og største eldsjel gjennom alle tider døde i kveld,» skriv Morks idrettslag, Hjelmset-Fram, på heimesida si.

– Ein særs trist og uventa melding å få, seier Hans Jørgen Næss til rbnett.no.

Han var ein av Morks mange gode idrettsvener.

– Det er tragisk og trist for veldig mange. For familien, for bygda, for idrettsmiljøet i Hjelset-Fram, for friluftslivsmiljøet og for heile Idretts-Norge, seier Næss.

Siste nytt

  • Danmark blir Norges motstander

    Danmark tapte overraskende 30-33 for Sverige i OL-håndballen for menn, men møter likevel Norge i kvartfinalen tirsdag.

    Svenskene måtte vinne med fem mål for å kunne ta puljeseieren fra danskene. På det meste ledet Sverige med fem og la et realt press på danskene, men det holdt ikke.

    Dette er de tre andre kvartfinalene tirsdag: Frankrike – Bahrain, Egypt – Tyskland og Spania – Sverige.

    Det blir det første mesterskapsmøtet mellom Norge og Danmark siden 2019-VM. Da vant danskene klart både i gruppespill og finale.

    D
    Foto: Franck Fife / AFP
  • Cupsmell i Finnmarkshallen

    Kaptein Christian Reginiussen scora to mål då andredivisjonslaget Alta slo eliteserielaget Tromsø 3-1 i cupens 2. runde.

    Han gav Alta leiinga etter 16 minutt. Omar Fonstad del Ghaouti dobla 12 minutt seinare. Kent Are Antonsen reduserte like før pause.

    Tromsø pressa for utlikning, men Reginiussen punkterte kampen seks minutt før slutt.

    August Mikkelsen
    Foto: Rune Stoltz Bertinussen / NTB
  • Norge til kvartfinale: - Kjempekamp

    Den norske duoen Christian Sørum og Anders Mol viste det beste spelet så langt i OL då dei slo nederlandske Brouwer og Meeuwsen med 21-17 og 21-19.

    Norge var klart best og aldri trua i første sett. I det andre hang Nederland lenge med, og var lenge på sida av nordmennene eller berre eitt poeng bak. Men Norge heldt unna og vann.

    – Ein kjempekamp av Mol og Sørum, sa NRKs ekspertkommentator Vegard Høidalen.

    Dei er dermed klare for kvartfinale onsdag.

    Der møter dei enten russarane Lesjunov/Semonov eller chilenarane Grimalt/Grimalt. Dei spelar sin åttedelsfinale måndag.

    Det russiske paret er det same som slo Mol/Sørum i den siste gruppekampen.

    – Det blir ei mental utfordring å møte dei på nytt, sa Høidalen.

    Sørum og Mol
    Foto: Heiko Junge / NTB

Sendeplan

Kl. Program Kanal