Ighalo-dobbel da United slo ut Rooneys Derby

Wayne Rooney makta ikkje å sende ut gamle lagkompisar ut av FA-cupen. I staden var det ein tidlegare Lyn-spiss som scora to nye mål.

Ighalo og Solskjær

Ole Gunnar Solskjær er tydeleg fornøgd med den innleigde spissen Odion Ighalo som kom til Manchester United i januar.

Foto: ANDREW YATES / Reuters

Laster innhold, vennligst vent..

Ingen har scora fleire mål for Manchester United enn Wayne Rooney med 253 mål. I kveld viste 34-åringen igjen teikn til gamal klasse med fleire utsøkte pasningar og eit farleg frispark like før slutt.

Men det var ikkje nok til å sende ut sitt gamle lag frå FA-cupen.

Wayne Rooney og Odion Ighalo

Wayne Rooney spelte for Manchester United frå 2004 til 2017 og vant blant anna fem Premier League-titlar med klubben.

Foto: Rui Vieira / Rui Vieira

Solskjær: – Ein annleis spiss

I staden var det den tidlegare Lyn-spissen Odion Ighalo som varta opp med to scoringar og sendte Ole Gunnar Solskjærs lag til kvartfinale i FA-cupen.

– Eg er glad for to mål, men det viktigaste i dag var at me vann og gjekk vidare, seier Ighalo i intervju vist på Viasport etter kampen.

Mange var svært skeptiske til at Solskjær henta nigerianaren inn som erstattar for Marcus Rashford, men nå har 30-åringen alt scora tre mål på to kampar for dei raude.

– Det er fantastisk for oss å ha Odeon her. Han har ein annleis spiss, han held på ballen, er sterk og det er ikkje alle spissar som scorar slike mål som han i dag. Eit fantastisk mål, seier Solskjær om 2-0 målet, i intervju vist på Viasport.

Ighalo lærer av Solskjær

Sigeren var Uniteds niande strake kamp utan tap, noko som er den lengste rekka utan tap etter at Solskjær tok over som manager i desember 2018.

Ighalo har vore ein del av framgangen og han takkar den norske manageren for den gode starten.

– Det er på grunn av han eg er her. Han har lært meg mykje. Eg lærer frå ein stor manager og spiss, seier Ighalo og legg til:

– Eg har gjort mitt beste for å kome i form. Det går bra nå og dette har vore veldig stort for meg, fortel spissen som blei henta frå kinesisk fotball.

Frå 2007 til 2008 spelte han i Lyn og scora ni mål på 20 kampar for Oslo-laget.

United var aldri truga

Manchester United hadde eit lite overtak frå start av og tok fortent føringa etter 35 minutt. Derby klarte å blokkere det fyrste skotforsøket, men da landa ballen hos Luke Shaw som klemte til på volley.

Ballen spratt i bakken og i ein perfekt boge over ein sjanselaus Derby-keeper.

Luke Shaw

Luke Shaw scorar ikkje mange mål, men i dag scora backen sitt andre mål i United-trøya og faktisk sitt fyrste mål på bortebane nokosinne.

Foto: OLI SCARFF / AFP

Fire minutt før pause viste Odion Ighalo igjen kvifor Ole Gunnar Solskjær har henta han inn på lån.

Den nigerianske spissen var sterk da han vendte seg mot mål, lurte Derby-forsvaret og sendte ein perfekt avslutning i nærmaste hjørnet.

Rooney har aldri scora mot United

Andre omgang styrte United kampen vidare, med eit par farlege forsøk frå heimelaget.

Men da Ighalo fekk to sjansar etter 70 minutt var kampen avgjort. Fyrst redda Derby-keeper Roos, men returen gjekk rett til Ighalo som da banka ballen i nettaket.

Wayne Rooney kom til Derby i januar, etter at han reiste frå den amerikanske klubben DC United. Han har også ein rolle som spelande trenar i klubben, ved sidan av manager Philip Cocu.

Rooney spelte 13 år i Manchester United fram til han reiste tilbake til barndomsklubben Everton i 2017. Sju kampar har han spelt mot gamleklubben, men aldri har han scora mål. Det skjedde heller ikkje i kveld, og dermed er formlaget frå nivå to ute av FA-cupen.

Manchester United møter nå Norwich i kvartfinalen.

Siste nytt

  • Ba spillerne om å godta lønnskutt

    Premier League ba lørdag spillerne om å godta lønnskutt på 30 prosent under en telefonkonferanse med spillerforeningen (PFA) og managernes fagforening (LMA).

    De fikk beskjed om at ligaen kan tape 8,5 milliarder kroner om sesongen ikke kan fullføres og TV-rettighetshaverne krever refusjonen de da har rett på.

    Nå skal det diskuteres videre mellom spillere og enkelte klubber. Premier League har ikke rett til å beslutte lønnskutt for hele ligaen, og spillerne må gå med på det om det skal gjennomføres.

    I en uttalelse fra PFA står det at spillerne ønsker å ta ansvar og bidra økonomisk i koronaviruskrisen og at fagforeningen er villig til å fortsette diskusjonene med Premier League, men at det er en komplisert situasjon som krever tid. (NTB)

    nX8JRWJeVnE
    Foto: ISABEL INFANTES / AFP
  • Bryant valgt inn i Hall of Fame

    Basketballstjernen Kobe Bryant, som mistet livet i en tragisk helikopterulykke i januar, er valgt inn i sportens Hall of Fame. Bryant vant fem NBA-titler med Los Angeles Lakers og var allstar-uttatt 18 ganger.

    Kobe Bryant
    Foto: Martin Rickett / Pa Photos
  • Ny landslagssjef i fotball i Irland

    Stephen Kenny er Irlands nye landslagssjef i fotball. Han avløser Mick McCarthy før nasjonsligaomspillet om EM-plass. Det melder Irlands fotballforbund lørdag. Kenny rykker opp fra jobben som U21-trener og skulle etterfølge McCarthy etter sommerens EM-sluttspill, men nå er omspillet om EM-plass utsatt til høsten og selve sluttspillet til 2021.

    Stephen Kenny
    Foto: Ole Martin Wold

Sendeplan

Kl. Program Kanal