Idrettshistorikar minnest Eggen: – Han blei den største popstjerna i norsk langrenn

– For å bli folkehelt i Norge så må du være alminneleg, helst vinne eit par femmil på ski, og du må prate dialekt, seier Thor Gotaas.

Video Det mest spennende øyeblikket fra VM i Kollen 1966

SPENNING: Den kanskje mest spennande augneblinken frå VM i Holmenkollen i 1966 var det kjende ventebiletet som skulle gi oss svaret på om Gjermund Eggen kunne ta sitt tredje gull, på femmila. Det greidde han akkurat

Gjermund Eggen, VM-helten frå 1966, døydde i dag. Han blei folkehelt i løpet av ti dagar i Holmenkollen.

Idrettshistorikar Thor Gotaas møtte Eggen fleire gonger, seinast under femmila i Holmekollen i mars i år.

– Han var ein kjernekar og passa perfekt for å bli ein norsk skihelt. Han kom frå ei lita bygd og gjekk seg inn i folkesjela på ski, prata ei fin dialekt. Det knitra på peisen når du høyrde han prate, seier historikeren og ler.

Gjermund Eggen var aktiv og i langrennstoppen i mange år. Men det var under VM i Oslo i 1966 han blei heile Norges skikonge. Eggen blei skikonge med tre gull – 15 kilometer, 50 kilometer og stafett.

– Han blei den største popstjerna i norsk langrenn.

– Kvifor blei akkurat han så populær?

– Han var ein kjernekar, reiste rundt og gjekk mange skirenn på små stader. Og han var på scenen med Dizzie Tunes, minnest Gotaas.

Oslo-VM i 1966 var det første med brei direkte tv-dekning, og det betydde mykje.

– I 1966 hadde mange fått seg tv. Det var slik at alle gutta hadde lyst å bli som han, og kvinnfolka syntest han var pen, for han var ein lun type som det ikke var mogeleg å mislike.

Hans beste minne: Ein tv-augneblink i 1966 der Jarle Høysæter kommenterer for nrk og ropar ut «kvar blir det av Gjermund»?

Då sit hele Norge å venter på at han skal kome. Og så kjem han og vinn gullet på femmila ti sekund framfor Arto Tiainen frå Finland. Dette har jeg sett om og om igjen, minnest Thor Gotaas.

Siste nytt

  • Wolves med komfortabel siger

    Wolverhampton vann 2-0 mot Crystal Palace i kveldens oppgjer i Premier League. I sin første kamp frå start sette Rayan Ait-Nouri inn 1-0 etter 18 minuttar. Knappe ti minuttar seinare fekk Daniel Podence si første skåring for sesongen. Like før slutt fekk Crystal Palace-spelar Luka Milivojevic raudt kort etter ein stygg takling på João Moutinho.

    Britain Soccer Premier League
    Foto: Andrew Boyers / AP
  • Tande og Opseth vann NM

    Silje Opseth og Daniel André Tande vann NM i hopp i normalbakken i Midtstubakken. Sjølv om Maren Lundby ikkje deltok la ikkje det nokon dempar på sigersgleda.

    – Det var ingen garanti for at det skulle gå vegen for meg i dag. Det at eg står på toppen i dag smakar godt, sjølv om Maren ikkje var med, seier Opseth med eit stort glis.

    Tande sikra seg sin første kongepokal med sigeren i kveld.

    – Det er ingen Kongsberg-hoppar i historia som har tatt ein kongepokal, så det er godt å endeleg få plassert den pokalen i skihistoria på Kongsberg, seier Tande til NRK.

    Gleda over å få med seg ein kongepokal får derimot ikkje Opseth. For kvinnene får ikkje nokon kongepokal.

    – Eg synest det er litt kjedeleg, seier Opseth til NRK.

    Det er eit krav om at ein må vere over 15 deltakarar for å dele ut ein kongepokal. I årets renn for kvinnene var det 9 som stilte til start.

    – Eg veit ikkje om det er ny rekord i år, men me er vert fall mange fleire enn me har vore tidlegare, og det er positivt. Me tar med oss det, sjølv om me ikkje er mange nok til å få kongepokal, seier Opseth.

    Halvor Egner Granerud tok sylvet og Marius Lindvik tok bronse. Eirin Kvandal kom på plassen bak Opseth, og Anna Odine Strøm tok bronse.

    Arrangementet skulle eigentleg vore i mars, men blei utsett på grunn av koronapandemien.

    NM-hopp kvinner og menn
    Foto: Heiko Junge / NTB
  • Njåtun med ti strake NM-gull

    Ida Njåtun var nok ein gong sterkast på 1500 meter i skøyte-NM. For ho tok gullet på distansen for tiande gong på rad. Ho klokka inn på 1.58,06 i Vikingskipet i Hamar. Det er meisterskapsrekord, ifølge NM-arrangøren Asker skøyteklubb.

    Tidlegare på dagen vann Håvard Holmefjord Lorentzen gullet på 500 meter. Bergensaren gjorde årsbeste med 35,06.

    Hallgeir Engebråten kunne juble for siger på 5000 meter. Han tok sitt første seniorgull i NM, med tida 6.27,53.

    VM skøyter allround / sprint 2020 Hamar
    Foto: Fredrik Varfjell / NTB

Sendeplan

Kl. Program Kanal