NRK Meny
Normal

Hardt ut mot Isinbajeva: – Å velje henne til leiar, sender feil signal

Det internasjonale friidrettsforbundet meiner Russland har gjort små framsteg i arbeidet med kampen mot dopingkulturen.

Jelena Isinbajeva

FEIL SIGNAL: IAAF er sterkt uroa over at Jelena Isinbajeva er vald til leiar for Russlands antidopingbyrå, og meiner hennar haldningar ikkje fremjar det russiske antidopingarbeidet

Foto: Jamie Squire / Getty Images

Valet av Jelena Isinbajeva som leiar for det russiske antidopingbyrået RUSADA blei kritisert i sterke ordelag på IAAFs styremeøte i London i dag, og kan føre til at det vil ta lang tid før Russland igjen får delta i internasjonal friidrett.

Isinbajeva vart vald til RUSADA-leiar i desember.

Ho har ikkje gitt noko slags støtte til varslarar som Andrej Dmitirev, Vitali Stepanov og Julija Stepanova, som alle har varsla om systematisk doping i russisk idrett. Alle tre har blitt nøydde til å reise til utlandet.

– Antirussisk komplott

Isinbajeva har tvertimot kritisert WADA for å drive eit antirussisk komplott, og kravd livtids-utestenging for 800 meter-løparen Stepanova.

– Det er vanskeleg å sjå korleis dette valet skal hjelpe til med å oppnå den nødvendige endring i den russiske friidrettskulturen, eller korleis det skal hjelpe rusisske varslarar, skriv Rune Andersen i rapporten som blei lagt fram på møtet.

Andersen hadde sjølv ikkje høve til å vere til stades på møtet i London.

Han er leiar for arbeidsgruppa som skal sjå til at Russland skal imøtekome krava som IAAF har sett til antidopingarbeidet i landet.

Rune Andersen

UROA: Rune Andersen er leiar for arbeidgruppa som skal sjå til ar Russlands antidopingarbeid blir godt nok. Men han er skuffa over framdrifta

Foto: Eric Gaillard / Reuters

Isinbajeva har fleire gonger kritisert den internasjonale antidopingorganisasjonen WADA, kalla dopinggranskinaga for eit antirussisk komplott, og kravd livstidsutestenging for ein tidlegare utøvar som varsla om systematisk russisk doping i idrett, opplyserIAAF i ei pressemelding.

IAAF utestengde i november 2015 russiske utøvarar frå alle internasjonalre konkurransar etter avsløringar om systematisk doping. Dette førte til at Isinbajeva ikkje fekk delta i OL i Rio i fjor.

– Skuffa over Russland

Men ho har to OL-gull frå før, og er verdsrekordhaldar.

Fleire russiske friidrettsutøvarar får likevel delta internasjonalt, men ikkje under russisk flagg. Russland som nasjon er utetstengd.

IAAF har laga eit «vegkart» med seks punkt for Russlands veg mot eit godt nok antidopingsystem. Det er dette arbeidet IAAF meiner langtfrå er godt nok.

– Vi i styret er svært skuffa og uroa over at Russland er komne så kort i arbeidet, og at det har skjedd så lite sidan vårt førre møte i februar, sa IAAF-president Sebastian Coe.

– Det er ingen grunn til ar arbeidet ikkje skulle ha kome lenger.

Vil ikkje fire på krava

IAAF President Sebastian Coe

SKUFFA: IAAF-president Sebastian Coe likar ikkje at det går så sakte med antidopingarbeidet i Russland

Foto: LEONHARD FOEGER / Reuters

Han var mest av alt uroa over situasjonen for dei som seier frå om doping i Russland.

– Alle med informasjon om eit system som ikkje jobbar for reine utøvarar, må kunne vere trygge, sa Coe.

Han strekar under at IAAF ikkje vil fire på krava til Russland.

– Utøvarane blir testa, men testinga er langtfrå omfattande nok. Russland vil framleis ikkje gi frå seg biologiske pass for internasjonal kontroll, utøvarane oppheld seg framleis altfor ofte i byar som er avstengde og som uavhengige kontrollørar ikkje slepp inn i, og Russland har ein antidopingsjef som ikkje vil skrive under på landets eige lovnad om reine utøvarar, seier Sebastian Coe.

Siste nytt

  • Northug dropper Planica

    Petter Northug er fortsatt syk og står over verdenscupen i Planica, erfarer Adressa.no

    Dermed ryker siste kvalifiseringemulighet til OL for skikongen, som også måtte stå over NM på Gåsbu med forkjølelse etter Skandinavisk Cup-rennet i svenske Piteå.

    Langrenn, Petter Northug.
    Foto: Frilans / NTB scanpix
  • Balotelli tomålsscorer for Nice

    Mario Balotelli og Nice så lenge ut til å gå seirende ut av tirsdagens seriekamp mot Monaco.

    Balotelli scoret to og så lenge ut til å bli matchvinner, men like før slutt satte Radamel Falcao inn 2–2 for Monaco. Dermed endte kampen med poengdeling.

    Mario Balotelli (Nice) scoret to mål mot Monaco i tirsdagens seriekamp.
    Foto: ERIC GAILLARD / Reuters
  • Leicester enkelt videre i FA-cupen

    Leicester gikk enkelt videre fra FA-cupens 3. runde etter å ha slått nivå-to laget Fleetwood 2–0.

    Rett før pause scoret Kelechi Iheanacho 1–0 før samme mann satte inn Leicesters andre scoringen i det 77. minutt.

    Kelechi Iheanacho scorer sitt andre mål for kvelden i FA-cupens tredje runde.
    Foto: CARL RECINE / Reuters

Sendeplan

Kl. Program Kanal