NRK Meny
Normal

Hushovd: – Det er heilt overveldande

Etter ei utruleg opning på sykkelsesongen, trur Thor Hushovd at dette kan bli den beste norske sykkelsesongen nokon sinne.

Kristoff, Hushovd og Hagen på pallen

IMPONERT: Thor Hushovd let seg imponere av sine tidlegare lagkameratar Edvald Boasson Hagen og Alexander Kristoff. Her frå NM i Grimstad 2013

Foto: Schrøder, Tor Erik / NTB scanpix

Tidlegare toppsyklist Thor Hushovd er frå seg av begeistring for kva dei norske syklistane har fått til so langt i sesongen, og trur me har mykje meir i vente.

– Sesongopninga til nordmenna har vore overveldande. Det tyder på at det kan bli tidenes sesong for norske syklistar, seier Thor Hushovd.

Norsk dominans

I går vann Alexander Kristoff sin femte siger i 2016 og har i lag med Edvald Boasson Hagen sørga for ein fantastisk start på sykkelsesongen sett med norske augne.

I eit av årets første etapperitt, Tour of Qatar, tok nordmenna fire av fem etappesigrar. Forrige veke følgte dei opp med tre av fem sigrar i Tour of Oman.

CYCLING-OMAN-TOUR

TRUR PÅ MEIR JUBEL: Thor Hushovd trur at Edvald Boasson Hagen og dei andre norske kan få mykje å juble for denne sesongen.

Foto: ERIC FEFERBERG / Afp

Med fleire store namn på startstreken, tykkjer Hushovd det er imponerande å sjå den norske dominansen so langt.

– Det er ikkje noko å sei på nivået, sjølv om toppane kanskje manglar. Det er imponerande når Kristoff spurtar i frå Mark Cavendish, og Boasson Hagen kjempar med Vincenzo Nibali.

Kan bli den beste nokon sinne

Med ei sterk opning på året, og eit breidt norsk sykkelfelt, trur Hushovd at det kan bli ein jubelsesong for norsk sykkel.

– Me har mange norske proffar, og det i seg sjølv ligg til rette for den beste norske sesongen nokon gong. Når dei to spydspissane legg lista slik som dei gjer, trur eg me kan få ein fantastisk gøy sesong, fortel Hushovd.

Trenaren til Boasson Hagen, Fredrik Mohn, meiner at det rett og slett er på grunn av at dei trenar meir enn utlendingane.

Kristoff slår Cavendish på målstreken igjen

NY SIGER: Kristoff sler Cavendish i spurten på andre etappe av Tour of Qatar.

Foto: ERIC FEFERBERG / Afp

– Må våge å kvile litt

Også i fjor leverte norsk sykkelsport ein av tidenes sterkaste sesongar. Alexander Kristoff vann Flandern rundt og tok totalt 20 etappesigrar.

Edvald Boasson Hagen vann Tour of Britain samanlagt.

Men fjoråret handla også om enkelte nedturar.

Eit kragebeinsbrot øydela sesongen til Boasson Hagen, medan det bare blei nesten for Kristoff og Boasson Hagen i Tour de France, som kjempa om triumf på fleire etappar.

I år håpar Hushovd at stjerneduoens form vil holde heile sesongen gjennom.

– Det er lenge til dei største måla, men viss dei gjer ting riktig, og tør å kvile litt, er eg sikker på at dei er i kanonform når dei må.

Thor Hushovd verdensmester

VERDSMEISTER: Thor Hushovd trur at det er mogleg å toppe tidlegare bragder på sykkelsetet. Her syklar han inn til VM gull i 2010

Foto: Junge, Heiko / Scanpix

Og det er i dei store vårklassikarane dei verkeleg skal få måle krefter med verdseliten. Om snaue fire veker går den første av dei, Milan-San Remo, av stabelen. Der vann Kristoff i 2014, og er ein av dei største favorittane.

Hushovd trur at begge to har gode sjansar i samlege av klassiker-ritta.

– Begge kan vinne fleire av dei store klassikarane. Eg håpar at Edvald køyrer Amstel Gold Race, der kan han lett stikke av med sigeren.

Siste nytt

  • Hockeygutta med full kontroll

    De norske ishockeyherrene viste solide takter mot Frankrike i kveld. Franskmennene ble banket 6-0 etter en norsk kanonstart. – Vi var «på» stort sett i hele kampen, og det er jeg fornøyd med, sier landslagssjef Petter Thoresen til NTB.

    patrick
    Foto: LARSEN, HÃ¥KON MOSVOLD / NTB SCANPIX
  • Lunde irritert over arrangørene

    Katrine Lunde var irritert etter VM-seieren over Nederland i kveld. Dopingkontrollen kom ikke i gang. – Dette tar for lang tid. Ikke får vi restituert heller, sa en litt oppgitt Lunde til NTB i pressesonen.

    Katrine Lunde Haraldsen jubler
    Foto: Larsen, Håkon Mosvold / NTB scanpi
  • Christiansen tok også bronse

    Henrik Christiansen tok bronse på 1500 meter fristil under svømme-EM i København i kveld. 21-åringen fra Skjetten svømte inn på 14:25,66, og endte elleve sekunder bak ukrainske Mykhaylo Romanchuk, som vant distansen.

    Henrik Christiansen
    Foto: SVT

Sendeplan

Kl. Program Kanal
V-cup alpint: Super-G kvinner
Vinterstudio
Vinterstudio
V-cup alpint: Super-G kvinner
V-cup alpint: Super-G kvinner
V-cup kombinert, hopp
V-cup langrenn: 10 km fri teknikk, kvinner
V-cup alpint: Super-G kvinner
V-cup langrenn: 10 km fri teknikk kvinner
V-cup skiskyting: Jaktstart kvinner
V-cup alpint: Utfor, menn