Hull møter Arsenal i FA-cupfinalen
Den andre semifinalen i FA-cupen er nettopp ferdig, og det var Hull som drog det lengste strået mot Sheffield United. Det blei eit målkalas av dei sjeldne med heile åtte scoringar. Sheffield United, på nivå tre i England, tok leiinga ved Jose Baxter etter 19 minutt. Yannick Sagbo utlikna for Hull i det 42. minutt, før Stefan Scougall scora 1-2 minuttet etter. Matty Fryatt utlikna igjen for Hull etter 48 minutt, før Tom Huddlestone sende Premier League-laget i leiinga etter 54 minutt. Stephen Quinn la på til 4-2, Jamie Murphy reduserte til 4-3, før Hull sikra til 5-3 på overtid.