Hoppa ned frå tre meter høg bru på skattejakt – no må VM-vinnaren operere

Ein mobilapp kan ha skapt knetrøbbel for Vetle Sjåstad Christiansen, som tar grep for å bli kvitt smerter under konkurranse.

Vetle Sjåstad Christiansen

UHELDIG SKATTEJEGER: Vetle Sjåstad Christiansen slapp seg ned frå ei bru som dette på Lillehammer skistadion. No meiner han at fallet har ført til kneproblem og operasjon.

Foto: NRK/NTB SCANPIX

– Skaden er i kategorien sjukt unødig og absurd, seier Vetle Sjåstad Christiansen lattermildt.

Ankermannen som tok VM-gull i stafett i vinter har lenge slitt med smerter i venstre kne under trening og konkurranse.

Vetle Sjåstad Christiansen meiner han fekk problemet etter å ha brukt appen Geocaching, som handlar om å finne «skattar» folk har lagt ut over heile verda.

– Då vi undersøkte kneet konkluderte legane at skaden måtte komme frå eit fall. Eg kom berre på det fallet eg hadde for fem år sidan. Då slapp eg meg ned frå ei tre meter høg bru på Lillehammer, landa på strake bein og datt rett på rumpa, seier 27-åringen.

Geocaching

POPULÆR AKTIVITET: Geocaching er ein populær aktivitet over heile verda. Her legg ein dykkar ut ein geocaching-post under vatn i Lake Denton, Florida.

Foto: Wilfredo Lee / Ap

– Frykteleg vondt

I 2014 var skiskyttaren plaga av eit virus, som slo han ut i to år. I den perioden måtte Sjåstad Christiansen trene alternativt.

Derfor tok han i bruk appen Geocaching og gjekk lange turar der han leita etter skattar på eit mobilkart.

– På appen stod det at ein trengde klatreutstyr for å finne posten med skatten, men det hadde ikkje eg. Eg klatra under brua, men orka ikkje å klatre tilbake. Eg måtte berre sleppe meg ned på asfalten. Det gjorde frykteleg vondt der og då, seier Sjåstad Christiansen.

– Kva var skatten?

– Ein filmrull. Appen fungerer jo slik at ein må legge ein ting tilbake. For eksempel ein figurmann frå eit kinderegg. Meg eg hadde så vondt at eg ikkje la noko tilbake.

– Det er absolutt ikkje nokon premiar å hige etter, men eg trengde å gjere noko som likna på toppidrett i den perioden.

Kodachromes Last Roll

FILMRULL: Det var ein filmrull som denne Vetle Sjåstad Christiansen jakta og fann på Lillehammer.

Foto: David Duprey / Ap

Smerter under konkurranse: – Som eit gnagsår i kneet

Etter den tunge sjukdomsperioden har Sjåstad Christiansen kjempa seg til toppen i skiskyting, med triumf i både verdscup og stafettgull VM førre sesong.

Men heile vegen har han slitt med smerter i kneet.

– Det er som å ha eit gnagsår under knehasen. Eit innvendig gnagsår som er ganske ubehageleg når ein skal skøyte. Eg har kjent det spesielt på lengre distansar og i tøffe konkurranseperiodar, seier han.

Vetle Sjåstad Christiansen

SKØYTESMERTER: Vetle Sjåstad Christiansen har kjent smerter i venstre kne under skøyting på trening og i konkurranse.

Foto: Berit Roald / NTB scanpix

Ingen garanti

På operasjonsbordet skal han «barbere vekk» hol i korsbandet.

– Eg har små hol i korsbandet som det samlar seg vatn i. Då kjem den gnaginga.

– Blir du kvitt problemet etter operasjonen?

– Det tør dei ikkje å seie, men mest sannsynleg vil det ordne seg.

Christiansen angrar likevel ikkje på den overivrige skattejakta i 2014.

– Eg levde livet der og då, så det var på ein måte verd det. Det var moro å leite etter sånne postar, seier Christiansen.

Geocaching

GEOCACHING: Geocaching er ein slags form for moderne orientering. Her frå eit stemne i Oslo, der skattar blir registrert og lagt ut i naturen.

Foto: Marianne Løvland / NTB scanpix

Siste nytt

  • Fire personer pågrepet i Bulgaria

    Bulgarsk politi har gått til pågripelse av fire personer mistenkt for å stå bak de rasistiske tilropene på tribunen i kampen mellom Bulgaria og England mandag.

    – Det jobbes med å identifisere de øvrige personene som sto bak opptrinnet, opplyser det bulgarske politiet til Sky Sports.

    EM-kvalifiseringskampen ble avbrutt to ganger av kampens dommer i 1. omgang på grunn av publikums rasistiske tilrop mot engelske spillere. I tillegg viser bilder fra kampen at flere bulgarske tilhengere gjorde nazihilsen under kampen.

    Den ubehagelige episoden i kampen fikk allerede tirsdag følger. Den bulgarske fotballpresidenten valgte å gå av som følge av hendelsen i Sofia etter at Bulgarias statsminister anmodet om det. Det europeiske fotballforbundet (UEFA) har dessuten startet sin egen etterforskning mot det bulgarske fotballforbundet. (NTB)

    Euro 2020 Qualifier - Group A - Bulgaria v England
    Foto: Carl Recine / Reuters
  • Skadetrøbbel for Solskjær

    Ole Gunnar Solskjær får hektiske dager med å stable et slagkraftig lag på beina til Manchester Uniteds hjemmemøte mot serieleder Liverpool søndag. Skadelisten er lang. Elleve spillere er enten definitivt ute eller usikre foran stormøtet søndag.

    Paul Pogba, Anthony Martial, Aaron Wan Bissaka, Luke Shaw, Victor Lindelöf, Jesse Lingard, Phil Jones og Eric Bailly er enten ute eller usikre. Alle manglet i troppen mot Newcastle forrige runde, viser opptellingen Manchester Evening News har gjort.

    Diogo Dalot startet i Newcastle, men haltet av banen i annen omgang. 17-åringen Mason Greenwood måtte melde forfall til Englands U21-tropp dagen etter. (NTB)

    Premier League - Newcastle United v Manchester United
    Foto: Scott Heppell / Reuters
  • Uavgjort mellom Sverige og Spania

    Sverige hadde lenge seieren i sin hule hånd etter at veteranen Marcus Berg satte inn 1-0 for svenskene i starten av andreomgang. Robin Olsen hadde en strålende kamp i Sveriges mål, men på overtid utlignet Rodrigo til 1-1 for Spania

    Euro 2020 Qualifier - Group F - Sweden v Spain
    Foto: Tt News Agency / Reuters

Sendeplan

Kl. Program Kanal