NRK Meny
Normal

Høgmo etter tapet for Italia: – God læring

Per-Mathias Høgmo er ikkje rysta over avstanden opp til dei beste landslaga etter å ha blitt utspelt av Italia på heimebane i EM-kvalifiseringa.

Per-Mathias Høgmo

Per-Mathias Høgmo meiner laget hans er alt for urutinert til å tukte stornasjonar som Italia.

Foto: Pedersen, Terje / NTB scanpix

Laster innhold, vennligst vent..

– Ser ein på laget som startar i dag er dette eit svært ungt lag, som manglar rutine. Vi har valgt å matche oss tøft. Kampen i dag gir oss mykje god læring som vi tar med oss vidare, seier landslagssjef Per-Mathias Høgmo etter 2-0-tapet for Italia på Ullevaal stadion.

Skjelbred

– JÆVLIG SKUFFA: Landslagskaptein Per Ciljan Skjelbred.

Foto: Pedersen, Terje / NTB scanpix

Norge hadde ikkje ein einaste avslutning på mål i løpet av kampen.

I staden kom Høgmos menn under 0-1 for 11. gang på 12 landskampar sidan Høgmo starta karrieren som landslagssjef.

Norge var relativt friske framover i første omgang. I andre omgang bleikna spelet totalt.

– Eg tenker at vi møter eit svært godt lag. Ser vi Italia i VM slepp dei nesten ikkje til målsjansar, og det er mot topp internasjonal motstand. Vi kunne ikkje møtt meir utfordrande motstand enn det vi gjorde i dag, seier Høgmo på spørsmål om kva han synst om den offensive innsatsen i andre omgang.

Men sjølv om Høgmo kallar tapet for god læring var laget skuffa over å ha tapt for Italia.

– Eg er skuffa over at vi ikkje klarar å halde nullen. Dei er utruleg bra defensivt. Det manglar bare den siste pasningen. Vi er jævlig skuffa, seier landslagskaptein Per Ciljan Skjelbred til TV Norge.

– Kvaliteten i siste fase er ikkje god nok

Italia kunne like greit ha vunne 4-0. Klasseforskjellen var stor på Ullevaal-matta.

Etter 1-0-tap for England i førre veke og 2-0-tap for Italia i EM-kvalifiseringa er ikkje Høgmo skremd over avstanden til dei største laga i verda.

– Vi veit at det er avstand opp til Italia. Det er eitt av verdas beste lag. I første omgang skaper vi ikkje mange målsjansar, men det er ein del nesten-situasjonar. Det er fordi at kvaliteten i siste fase ikkje er god nok. Der har vi mykje å gå på. Det skremmer meg ikkje, men det er ei utfordring at vi må bli dyktigare når vi møter denne typen lag.

– Det seier noko om at desse spelarane treng å øve seg mykje i klubbane sine for å komme på eit høgare nivå. Så får vi også ta steg på landslaget. I dag såg vi kor lista låg, så får vi la oss motivere av det, seier Høgmo.

Andre kamp i «ny» formasjon

Prosjekt Høgmo starta med 4-4-2 og ein visjon om ein ny, offensiv strategi.

Tysdag starta Høgmo med 4-5-1 i andre kamp på rad.

– Vi har jobba mykje med 4-4-2. Den ligg der til å kunne tas fram når vi skal gjøre det.

– I dag går vi ut høgt for å legge press på Italia i 4-5-1. Vi må gjennom den prosessen. Mot eitt av verdas beste lag er det god læring i det. Vi prøver å opne opp, og blir straffa. Til slutt kjem vi til å få igjen for all den jobbinga vi har lagt ned i formasjonsarbeid, seier Høgmo.

Laster innhold, vennligst vent..

Siste nytt

  • Seier for Sagosen og PSG

    Sander Sagosens klubb Paris-Saint Germain leverte en glimrende 1. omgang og vant den første kvartfinalen i mesterligaen over polske Kielce 34-28. Til pause ledet laget hele 22-10. Sagosen noterte seg med to scoringer.

    HANDBALL-FRA-D1-MONTPELLIER-PARIS
    Foto: SYLVAIN THOMAS / AFP
  • Tap for ishockeylandslaget

    Etter gårsdagens seier for det norske ishockeylandslaget mot Sveits slo i dag sveitserne tilbake og vant 3–0.

    Neste helg vil det norske laget spille to kamper mot Hviterussland som en siste oppkjøring til VM i Danmark i mai.

    Switzerland Hockey
    Foto: Samuel Golay / AP
  • Tredje strake remis for Carlsen

    Magnus Carlsen spilte sin tredje strake remis i Shamkir-turneringen i sjakk i Aserbajdsjan.

    Han møtte hjemmehåpet Rauf Mamedov med svarte brikker lørdag.

    I morgen møter Carlsen Timour Radjabov i turneringen som avsluttes neste helg.

    Magnus Carlsen og Hikaru Nakamura
    Foto: Berit Roald / NTB scanpix

Sendeplan

Kl. Program Kanal
Friidrett: London Marathon
Sportssøndag: London Marathon
Toppserien: Avaldsnes - Vålerenga
Sportssøndag: Toppserien, Avaldsnes - Vålerenga
4-4-2 Radiosporten
4-4-2 Radiosporten
4-4-2 Radiosporten
4-4-2 Radiosporten
4-4-2 Radiosporten
4-4-2 Radiosporten
Sportsrevyen