NRK Meny
Normal

Hødd med tidleg julegåve til Tromsø

Jula og givargleda har slått innover Ulsteinvik, for måndag kveld valde Hødd å gi Tromsø plassen i Copa del Sol.

Sellin scorar i cupfinalen

Kjell Rune Sellin banka Hødd opp i leiinga i cupfinalen mot Tromsø. Til slutt blei det avgjort på straffespark, der Hødd gjekk sigrande ut.

Foto: Larsen, Håkon Mosvold / NTB scanpix

Då Hødd vann cupfinalen etter straffespark gjekk dei automatisk inn i andre kvalifiseringsrunde til Europaligaen 2013.

I tillegg fekk dei éin av fire norske plassar i vinterturneringa Copa del Sol.

Turneringa startar 21. januar, og dei tre andre laga er Molde, Strømsgodset og Rosenborg.

No har Hødd altså valt å takke nei.

For tidleg

Ifølgje dagleg leiar i Hødd, André Nevstad, kjem Copa del Sol litt vel kjapt.

– Første fellestrening etter nyttår blir måndag 14. januar. Avreise til Copa del Sol-turneringa på La Manga er alt den 21. januar, seier Nevstad i ei pressemelding.

Han presierer at det hadde vore svært interessant å delta, men at Hødd ser det som viktigare sportsleg sett å få gjennomført ein god treningsmånad.

– Så kan ein starte matchinga.

Saka held fram under bildet.

André Nevstad

Her er André Nevstad på Høddvoll dagen etter at Hødd slo Brann i semifinalen. Han fekk rett i at Hødd hadde sjansen mot Tromsø i cupfinalen. No gir Hødd frå seg éin av fordelane med cupsigeren.

Foto: Øyvind Sandnes / NRK

I dialog med NTF

Nei til eliteturneringa er derimot ikkje nei til all god motstand.

– Etter dialog med NTF (Norsk Toppfotball) får vi erstatta Copa del Sol med eit tilpassa opplegg.

– Vi reiser til Tyrkia på treningsleir i slutten av februar der vi får testa oss mot internasjonal motstand, fortel Nevstad.

Konklusjonen er altså at Tromsø tek over Hødd sin plass i Copa del Sol.

– Etter nøye vurderingar vel vi å takke nei til Copa del Sol. Vi skal førebu oss så godt let seg gjere til ein lang og krevjande sesong.

– Med Adeccoliga, NM og Europacup. Europacup blir eit nytt og spennande kapittel i Hødd-historia, meiner Nevstad, som fortel at Hødd sin første treningskamp blir mot nyopprykka Kristiansund den 8. februar.

 Stig Ove Sandnes

Administrerande direktør i Tromsø IL, Stig-Ove Sandnes, tek imot Copa del Sol-plassen med opne armar.

Foto: Aas, Erlend / SCANPIX

Plaster på såret

I Tromsø blir nyheit teken godt imot. Administrerande direktør i Tromsø IL, Stig-Ove Sandnes, fortel at klubben takkar ja.

– Dette vil seie at vi får vere med på ei god internasjonal turnering i januar månadg. Og det er bra.

– Er det kjedeleg at de får Copa del Sol-plassen på denne måten?

– Sånn blei det no, svarer Sandnes.

– Eit lite plaster på såret?

– Ja.

Kva tenkjer du om at Hødd har takka nei til eliteturneringa Copa del Sol? Sei meininga di i kommentarfeltet under!

Siste nytt

  • Canada slått av Tyskland

    Canadas hockeylag nådde ikke finalen i OL etter et sensasjonelt nederlag for Tyskland i semifinalen fredag. Tyskland vant 4-3 og møter OUR i finalen søndag. Bronsekampen mellom Canada og Tsjekkia spilles lørdag.

    Tyskland hockey
    Foto: Jung Yeon-je / AFP
  • Kristoff nummer åtte etter velt

    Alexander Kristoff fikk en tung fredag i Abu Dhabi Tour. Syklisten endte på åttendeplass på den 3. etappen av rittet etter at han endte i asfalten 45 kilometer før målgang. Tyske Phil Bauhaus knep seieren. Kristoffer Halvorsen ble nummer 13, mens Sven Erik Bystrøm trillet inn som nummer 38.

    Alexander Kristoff
    Foto: Giuseppe Cacace / AFP
  • OUR klare for hockeyfinale

    De russiske hockeyherrene er klar for OL-finalen etter 3-0-seier over Tsjekkia i semifinalen. Nikita Gusev, Vladislav Gavrikov og Ilja Kovaltsjuk scoret målene for OUR.

    I finalen venter Canada eller Tyskland.

    Pyeongchang 2018 Winter Olympics
    Foto: Grigory Dukor / Reuters

Sendeplan

Kl. Program Kanal
OL-magasin