I natt tek titteltørken slutt – etter 68 eller 108 år

Cleveland eller Chicago? Den eine av byane kjem til å gå fullstendig av hengslene. For den andre blir alt nattsvart.

Chicago - Cleveland

LANG VENTETID: Uansett vinnar i natt blir det slutt på den «evige» ventetida

Foto: ELSA / Afp

Baseballkampen i natt blir ei nervepåkjenning fansen aldri har vore med på noko i nærleiken av før:

Bill Murray

INTENST: Skodespelar og Chicago-fan Ben Murray var veldig engasjert i kamp 6 i natt

Foto: Jason Miller / Afp

Det eine finalelaget har ikkje vunne på 68 år, det andre er utan triumf på 108 år.

I natt tek ventetida slutt for eitt av dei. Og for fansen deira.

Cleveland Indians har ikkje vunne World Series i baseball sidan 1948, og ikkje vore i finalen sidan 1997.

Men det er berre barnemat for tilhengarane av Chicago Cubs, som ikkje har vunne baseballens gjævaste tittel sidan 1908, eller vore finalist sidan 1945.

I natt tek ventetida slutt for ein av dei. For det står 3–3 i best av sju-serien, og då blir alt avgjort i Cleveland.

Dette er den ultimate draumen. Når du er ute i din eigen bakgard som gutunge og spelar Little League med kompisane, der dette augneblinken du drøymer om: Kamp 7 i World Series.

Kyle Hendricks, pitcher, Chicago Cubs

– Draup champagne frå taket

– Dette blir det historiebok av. Og dei kjem til å lage film om denne dagen, seier Chicagos catcher David Ross.

På tribunane sit Eddie Robinson. Han er den einaste attlevande frå Cleveland-laget som vann i 1948. 95-åringen sikra den avgjerande «home run» i 6-3-sigeren i den avgjerande bortekampen mot Boston Braves.

Eddie Robinson

VANN I 1948: Eddie Robinson er einaste attlevande frå Cleveland-laget som vann i 1948. Frå tribunen ventar han på ein ny triumf for gamleklubben sin

Foto: Gene J. Puskar / Ap

– Etter kampen gjekk vi rett i garderoben og skifta, så gjekk vi rett på toget, seier Robinson. – Der hadde vi både matvogn og klubbvogn, så det var der feiringa eksploderte. Neste dag draup det champagne frå taket. Det kosta nok Bill (Veeck, klubbeigar) fleire tusen dollar å setje vogna i stand igjen.

– Då vi kom heim, trur eg alle i Cleveland var møtt fram til paraden gjennom byen. Det var ufatteleg stort, minnest 95-åringen.

Frå Chicagos vinnarlag i 1908 er det ingen som kan fortelje om feiringa etter 2–0 over Detroit Tigers. Naturleg nok.

Knusande bortesiger

Laga møttest til kamp seks i natt. Cleveland kunne allereie då avgjere på heimebane. Men det fekk dei ikkje til. Chicago knuste heimelaget 9–3 og tvinga fram ein sjuande og heilt avgjerande kamp.

Som det sømmer seg i ein slik finale.

Aroldis Champan

ACTION: Aroldis Chapman gir alt for Chicago Cubs

Foto: EZRA SHAW / Afp

Dersom Chicago vinn, blir dei også første lag sidan 1985 som snur 1–3 til siger i World Series.

– Kva kan vere betre enn det? Dette er historisk, jubla Chicagos Ben Zubrist.

Også kampen i natt går på Progressive Field i Cleveland.

NB: I juni tok basket-klubben Cleveland Cavaliers NBA-tittelen for første gong sidan 1964. 2016 kan bli eit stort år for Ohios nest største by.

Laster Twitter-innhold
Laster Twitter-innhold

Siste nytt

  • Raufoss klar for 1. divisjon

    Raufoss slo Fram Larvik 3-2 og gav seg sjølv ein plass i neste års 1. divisjon som 100-års-gåve. Fredrikstad makta berre 0-0 mot Grorud og er fire poeng bak Raufoss før siste runde. FFK er garantert kvalik.

    I 2. divisjon avdeling B er Skeid forlengst oppsykksklar. Hødd ligg best an til kvalik, men både Egersund og KFUM Oslo er to poeng bak.

  • Ingen avklaring i botnen

    Både Trondheims-Ørn og Lyn tapte, og to rundar før slutt kan Lyn dermed framleis unngå kvalik-plassen. Lyn tapte 2-3 for Stabæk, medan Trondheims-Ørn tapte 1-3 for Vålerenga. Fem poeng skil Lyn og Ørn.

    Andre resultat: Arna-Bjørnar - Røa 2-0, Avaldsnes - Sandviken 0-0.

    Trondheims-Ørn
  • Nytt sjokktap for Real Madrid

    Levante sørget for nok en skrell for Real Madrid. De vant 2-1 etter scoringer fra Morales og Roger. Marcelo scoret Real Madrids eneste mål.

    Hovedstadslaget er i uvanlig dårlig form for tiden. De står med tre tap på rad og uten seier på de fem siste.

    Spain Soccer La Liga
    Foto: Paul White / AP

Sendeplan

Kl. Program Kanal
4-4-2 med Schau og Aune
4-4-2 Eliteserien: Sandefjord - Strømsgodset