No ser det skikkeleg mørkt ut for Brann

Etter 16 kampar står Brann med fattige tolv poeng i eliteserien. Statistikken syner at det betyr nedrykk til 1. divisjon.

Erdin Demir

MOTGANG: Historia syner at Brann nærmar seg nedrykk. Etter innføringa av 16 lag i eliteserien i 2009, har ingen lag overlevd med berre 12 poeng på dei 16 første kampane. I går vart det kun eitt poeng for Erdin Demir (biletet) og Brann borte mot Stabæk.

Foto: Braastad, Audun / NTB scanpix

Rikard Norling

INNSER ALVORET: – Vi kan så mykje betre og vi må byrja å vinne kampane, seier Brann-trenar Rikard Norling.

Foto: Braastad, Audun / NTB scanpix

Ein må tilbake til 1985 sist Brann rykka ned frå den øvste divisjonen. Viss ikkje raudtrøyene snart byrjar å plukke trepoengar, kan historia gjenta seg, nesten 30 år seinare.

Etter berre 1–1 borte mot Stabæk i går kveld ligg bergensarane no på nest siste plass på tabellen, med 12 poeng etter 16 spelte kampar.

Og statistikken er klar i sin tale; etter innføringa av 16 lag i eliteserien i 2009, har ikkje noko lag klart å overleve med berre tolv poeng eller færre etter 16 serierundar, skriv VG i dag.

Vel å vera positiv

Brann sin svenske trenar Rikard Norling, som vart henta inn til jubelrop frå fansen før sesongen, har fullt klar over den alvorlege situasjonen som klubben er i no. Likevel valde han å vera positive etter poengdelinga på Nadderud i går kveld.

– Det er eit poeng, men vi var nær å tapa alle tre. Med tanke på at Stabæk tok leiinga på overtid og vi greier å slå tilbake så tar vi med oss det positive.

– Eitt poeng er betre enn ingenting, men vi må vinna kampar no, slår Norling fast.

– Vi kan så mykje betre

Skaanes jublar

JUBEL: Kasper Skaanes (til høgre) jublar saman med Azar Karadas og Erlend Hanstveit. Ungguten sikra eit livsviktig poeng i siste liten mot Stabæk i går kveld.

Foto: Braastad, Audun / NTB scanpix

Det såg håplaust ut då Stabæk sin Jon Inge Høiland i det 90. minutt slo nyinnkjøpte Azar Karadas i ein hovudduell i feltet. Ballen trilla i mål og Brann såg ut til å gå på nok eit tap.

– Det er klart ein blir irritert. Det kjennest som alt går mot oss og at vi må kjempa mot alt.

Men raudtrøyene viste mot og gjekk rett i angrep i eit heilhjarta forsøk på å få med seg eit livsviktig poeng. Norling skryt av spelarane sine.

– Spelarane viser ei flott innstilling og går rett i angrep. Vi vil mykje og vi kan så mykje betre. Vi går inn i ei ny treningsveke no og skal jobba hardt vidare.

– Men når skal dykk vise at de kan?

– Eg tykkjer vi har vist det. Vi har vunne i cupen og så vann vi over Viking tidlegare denne månaden. I dag meiner eg vi gjer ein god taktisk innsats.

– Livsviktig

Erik Huseklepp stod på sidelinja då Kasper Skaanes heada inn utlikninga og fastsette sluttresultatet til 1-1-

– Sånn som det blir, så er det målet og poenget livsviktig. Målet kjem seint i mot, og plutseleg er Stabæk ti poeng føre oss på tabellen. Så utliknar vi og kappar ned forspranget. Det er stor forskjell på tap og uavgjort akkurat i dag, sa spissen til NRK etter kampslutt i går kveld.

Målmessig har Huseklepp hatt ein særs svak sesong. 29-åringen har ikkje skåra eit einaste mål i ligaen, og skal Brann ha håp om å berga plassen må lysluggen opne skåringskontoen.

I går starta han kampen på vingen.

– Eg ynskjer å skåra mål. På vingen i dag prøvde eg å spela fram dei andre, men eg jobbar hardt for å få dei måla så snart som mogleg.

Meiner Brann treng 35 poeng totalt

Azar Karadas for Brann

– MÅ TA 23 POENG TIL: Azar Karadas er kjøpt inn for å ha meir musklar og duellstyrke i nedrykksstriden.

Foto: Braastad, Audun / NTB scanpix

Denne veka kjøpte Brann Azar Karadas frå Sogndal. Han er henta for å bringe musklar og duellstyrke inn i laget. Til VG seier Karadas at Brann treng 23 poeng på dei 14 siste kampane, skal det vera håp om Eliteseriespel også neste sesong.

– Det er ein tøff jobb framføre oss. Det er vi klar over, men vi kan berre ta ein kamp om gongen og vera nøyaktige i treningsarbeidet, seier 32-åringen til avisa.

Førre sesong var Start dømd nord og ned då dei hadde 15 poeng på same tid i fjor, men laget greidde å snu sesongen på hovudet på hausten og berga plassen. Hønefoss enda på kvalifisering etter 13 poeng på dei første 16 kampane i 2010, men rykka ned etter tap i kvaliken.

Siste nytt

  • Godset vant første treningskamp

    Strømsgodset slo Mjøndelen i den aller første treningskampen i norsk fotball etter koronapausen.

    Siden 12. mars har det ikke blitt spilt fotballkamper på norsk jord. I nabooppgjøret mot Mjøndalen, var det drammenserne som var best. De vant 2-1.

    Lørdag ettermiddag vant så Rosenborg 1-0 mot Bodø/Glimt i en annen treningskamp. Kristoffer Zachariassen scoret etter sju minutter.

    FK Haugesund slo Brann 3-0. Finske Benjamin Källman scoret to mål og Kevin Martin Krygård ett.

    Det spilles en rekke treningskamper i norsk fotball lørdag. Eliteserien starter opp den 16. juni.

    Treningskamp Strømsgodset - Mjøndalen
    Foto: Stian Lysberg Solum / NTB scanpix
  • Blummenfelt vant mestermøte

    Kristian Blummenfelt vant femkilometeren i Perseløpet på Jessheim lørdag formiddag.

    Blummenfelt løp i heat med Casper Stornes, Gustav Iden og friidrettsløperne Marius Vedvik og Eivind Øygard.

    Feltet åpnet forrykende og lå an til en tid under den norske bestenoteringen på øvelsen på 13,28. Den rekorden er det Jakob Ingebrigtsen som har.

    Men det ble tøft på slutten. Blummenfelt vant på en tid rett i underkant av 14 minutter.

    Blummenfelt
    Foto: Graham Hughes / AP
  • La Liga starter 11. juni

    Det spanske idrettsdepartementet bekreftet fredag ettermiddag at La Liga starter opp igjen 11. juni med derbyet mellom Sevilla og Betis. Mellom fredag 12. juni og mandag 15. juni blir de andre kampene i runde 28 spilt, alle foran tomme tribuner. Elleve serierunder gjenstår å avvikle for Martin Ødegaard og de øvrige La Liga-spillerne. Barcelona ligger to poeng foran Real Madrid, mens Real Sociedad er nummer fire.

    _Yg7VIwtYTw
    Foto: Joan Monfort / Joan Monfort

Sendeplan

Kl. Program Kanal