NRK Meny
Normal

Her trener ein nervøs Casper Ruud med idolet Rafael Nadal

Ein av tidenes mestvinnande tennisstjerner bruker Casper Ruud (18) som treningsmotstand før neste ATP-turnering.

Casper Ruud og Rafael Nadal

MØTTE IDOLET PÅ TRENING: Casper Ruud (lengst frå kamera) trener denne veka med Rafael Nadal på Mallorca.

Foto: Privat

– Det var sjølvsagt veldig gøy å få spele med Nadal, mitt største idol i alle år og ein eg alltid har sett opp til!, skriv Casper Ruud til NRK etter økta.

Ruud pådro seg skade i ryggen under kamp i Stavanger søndag, men klarte likevel å møte opp på trening mot ein av tidenes mestvinnande tennisspelarar på Mallorca dagen etter.

– Eg var veldig bekymra etter kampen i går, som enda med skade i ryggen, men etter mykje bra behandling blei det heldigvis bra nok til å halde opp trykket på treninga med Nadal, skriv stortalentet.

Også pappa Christian Ruud kunne melde om ei bra trening. Han overvar riktig nok ikkje den to timar lange økta, men fekk positive signal frå trenar Pedro Rico etter sonens møte med tennissportens store gruslegende.

– Tilbakemeldinga var at Casper spelte kjempebra, og at Rafael Nadal virka fornøgd, seier pappa Christian Ruud.

– Eg trur nok Casper var nervøs fordi han ikkje ville skuffe Nadal med ei dårleg trening, legg pappa Ruud til.

Surrealistisk med «kongen av grus» som motstand

Tidlegare har tennistalentet trena med Andy Murray, men dagens møte overgjekk alt stortalentet har opplevd utanfor kamp.

– Eg merka at eg måtte tenke meg om eit par gangar då eg såg at han som var på andre sida av nettet i dag var sjølvaste Nadal, kongen av grus og ein av dei aller beste spelarane gjennom tidene. Det var bare ekstremt moro, og sjølv om eg var veldig spent og litt nervøs så gjekk treninga i dag veldig bra, skriv Casper Ruud.

Rafael Nadal

GRAND SLAM-GROSSIST: Rafael Nadal har 14 Grand Slam-titlar i karriera. Bare Roger Federer har fleire.

Foto: FILIPPO MONTEFORTE / Afp

– Nadal drar ikkje ned nivået for å vere snill

I fire dagar skal Ruud trene med Nadal på tennisstjernas akademi.

– Nadal er interessert i å finne formen før ATP-turneringa i Monte Carlo i april. Det er nok «full guff» på trening. Eg trur ikkje han drar ned nivået sitt for å vere snill med Casper, seier Christian Ruud.

Stor motivasjon

Casper Ruud blei nyleg rangert som nummer 126 i verda etter ein solid klatretur den siste tida. Så seint som i februar i år var nordmannen utanfor topp 200 på verdsrankinga.

Håpet er at stortalentet skal kjempe seg inn på topp 100-lista i løpet av 2017.

Treningsøkter mot mannen som innehar femteplassen på verdsrankinga kan vere til stor hjelp på vegen mot målet.

– Nadal har vore i verdstoppen i rundt ti år. Å matche han på trening over fire dagar er ei kjempegod erfaring, og ikkje minst ein stor motivasjon for å ta nye steg, seier Christian Ruud.

Casper Ruud etter seieren

STORTALENT: Norske Casper Ruud.

Foto: Felipe Dana / AP

Siste nytt

  • Solberg leder på Silverstone

    Petter Solberg leder etter første dag i VM-runden i rallycross på legendariske Silverstone lørdag.

    Etter to innledende runder leder østfoldingen foran svenskene Mattias Ekstrom og Timmy Hansen.

    Solberg vant den første runden og kjørte inn til tredjeplass i den neste.

    RALLYCROSS-FRA-MOTOR-RACE
    Foto: LOIC VENANCE / AFP
  • Chris Froome sikret seieren

    Chris Froome sto imot alle angrep på siste fjelletappe i Giro d'Italia og forsvarte den rosa ledertrøya. Søndag sykler han i mål i Roma som sammenlagtvinner.

    Froome vil dermed være regjerende mester i alle de tre Grand Tour-rittene.

    Chris Froome
    Foto: LUK BENIES / AFP
  • Riccardo i pole position

    Red Bull-føraren Daniel Riccardo var best i kvalifiseringa og startar fremst i Monaco Grand Prix søndag. Ferraris Sebastian Vettel startar ved sida av Riccard i løpet. Vettel vann løpet i fjor.

    Monaco Grand Prix er einaste formel 1-løpet som går i bygater, ikkje på spesielle baner.

    Monaco Grand Prix
    Foto: ANDREJ ISAKOVIC / AFP

Sendeplan

Kl. Program Kanal
Toppserien: Superhelg
Toppserien fotball kvinner: Lyn - Grand-Bodø
Toppserien: Lyn - Grand-Bodø
Toppserien: Superhelg
Toppserien: Vålerenga - Trondheims-Ørn
Sportssøndag: Rapporter fra Vålerenga - Trondheims Ørn
VM rallycross
Toppserien: Superhelg
Toppserien: LSK Kvinner - Avaldsnes
Sportssøndag: LSK Kvinner - Avaldsnes
4-4-2 Radiosporten