NRK Meny
Normal

Her kallar han Graabak «din vesle horeson»

Fabian Riessle var ikkje nådig med språkbruken mot Jørgen Graabak, etter målgang på gårsdagens lagkonkurransen i tyske Schonach. Videoen viser kva tyskaren faktisk sa til Graabak.

Kombinertkrangel

– Han klaga og kjefta, men det prellar berre av. Det var ganske ampert i målområdet, men Riessle har ingenting å klage på, sa Jørgen Graabak om hendinga i går.

VG meldte tidlegare idag at orda Riessle slengte i retning Graabak var «din vesle horeson». Videoen over viser at det faktisk var dei orda tyskaren slengde i retning nordmannen. Den austerriske TV-kanalen ORF plukka det opp med sine mikrofonar.

– Din vesle horeson, sa Riessle til Graabak på tysk.

Laster Twitter-innhold

Grunnen til at Riessle vart rasande skjedde med om lag 50 meter att til mål. Tyskaren var på veg opp og forbi Graabak og hadde høgare fart, men så fekk han nordmannen sin stav inn i skia si og ramla. Begge lag leverte protest, men dei vart avvist. Med det vann Norge gårsdagens lagkonkurranse.

Norge vs Tyskland, del 2

No har kampen mellom Norge og Tyskland blitt reine krigen.

I dagens individuelle konkurranse hamna nok ein gong ein nordmann og ein tyskar i fokus. I den siste bakken før oppløpet rykka Magnus Krog seg forbi verdscupvinnar Eric Frenzel, og skar inn rett framfor tyskaren.

Krog kryssa mållinja først, og trudde han vann rennet. Heilt til ein tysk protest gjorde at han vart diska.

– Eg ville først inn på oppløpet og følte at eg var langt nok forbi han til å gå inn framfor, men det var eg tydelegvis ikkje, seier ein skuffa Krog til NRK.

V-cup kombinert

DAGENS SPURT: Her er situasjonen Krog vart diska for.

Frenzel syns det var fair

Etter målgang overhøyrde Krog eit intervju Frenzel gav til tysk TV.

– Eg kan litt tysk og oppfatta at han sa at det var litt action på slutten, men at han opplevde at eg var sterkast og fortente sigeren, seier Krog.

Men det tyske støtteapparatet ville det annleis. Dei leverte likevel protest og med det vart Krog diska, og Frenzel vann rennet.

– Eg snakka med Frenzel etterpå og han sa at det ikkje var han som leverte inn protesten. Han syns det var leit at det vart slik, seier Krog.

Med unntak av Bernhard Grubers siger i Val di Fiemme førre helg har alle kombinertrenn denne sesongen enda med anten norsk eller tysk siger. I morgon er det klart for årets siste renn for sesongen, som kan ende i endå ein norsk-tysk duell.

Siste nytt

  • West Ham sikret seg franske Diop

    West Ham har signert den franske midtstopperen Issa Diop. 21-åringen hentes fra Toulouse og har signert en femårskontrakt. Premier League-klubben har ikke oppgitt overgangssummen, men ifølge britiske medier er den rundt 22 millioner pund (238 millioner kroner).

     Issa Diop
    Foto: Regis Duvignau / Reuters
  • Salah starter mot Russland

    Ifølge Egypts lagoppstilling er Mohamed Salah i startoppstillingen til Egypts kamp mot Russland i kveld. Liverpool-spilleren har vært ute med en skulderskade, og spilte ikke da Egypt tapte 0-1 for Uruguay.

    Foto: Dmitri Lovetsky / AP
  • Neymar hinket av trening

    Flere melder på Twitter at den brasilianske stjernen Neymar måtte avbryte dagens trening og forlot banen haltende. Neymar rakk akkurat å bli skadefri til VM etter et brudd i foten i mars.

    Neymar
    Foto: Adrian Dennis / AFP

Sendeplan

Kl. Program Kanal
FIFA Fotball-VM 2018: Russland - Egypt
FIFA Fotball-VM 2018: Russland - Egypt
Best i verden: Tidenes fotball-VM