Her forsvinn skia – og Noreg blir utan medalje

ÅRE/OSLO (NRK): Sebastian Foss-Solevåg var uheldig, og Noreg blei slått ut i kvartfinalen i VMs lagkonkurranse.

LOSNA: Skia fyk til sides, og Sebastian Foss-Solevaag har ikkje sjanse til å fullføre

Laster innhold, vennligst vent..

Noreg leia kvartfinalen mot Italia, men tapte til slutt med 3–1.

– Det var litt kjipt, sa ein skuffa landslagstrenar Christian Mitter til NRK.

– Med OL-bronse frå i fjor, forventar ein vel å kome på pallen kvar gong. Men det går ikkje.

Mest uheldig var Sebastian Foss-Solevåg som mista skia og måtte bryte. Dermed utlikna Italia leiinga som Thea Stjernesund hadde skaffa det norske laget.

– Vi fekk iallfall ein god start, trøysta Mitter seg med.

– Det er slikt som ikkje skal skje. Det er bittert, sa Solevaag. Han var bitter fordi skia losna.

– Det slår litt, og plutseleg blir skia borte. Det er ein jobb for nokon andre.

– Nokon du ikkje vil henge ut akkurat no?

– Nei, det er for tidleg.

Verre blei det då Kristin Lysdahl tapte for Lara della Mea med 37 hundredelar.

Og då Leif Kristian Nestvold-Haugen kom to hundredelar for seint i kampen mot Simon Maurberger, var det køyrt. Noreg tapte 3–1 og blei slått ut i kvartfinalen.

– Dette var kjedeleg. Vi har eit godt lag, og Thea gjer ein kjempeinnsats med siger i raud løype, sa Haugen etter at tapet var klart.

Haugen: – Måtte ta sjansar

Sjølv visste han at han hadde ein vanskeleg jobb.

– Maurberger er i form, og eg måtte ta han med nesten fire tidelar. Eg måtte sjanse litt, sa Haugen, som blei slått med to hundredelar av italienaren.

Stjernesund blei dermed einaste norske duellvinnar i kvartfinalen, og det var ho godt nøgd med.

– Eg kunne kanskje vunne litt klarare, men det var godt å få det til i første løpet og bli kvitt nervane, sa meisterskapsdebutanten.

I åttedelsfinalen gjorde Noreg kort prosess med Tsjekkia og vann alle fire duellane. Thea Stjernesund opna med å knuse Gabriela Capova med 1,21 sekund, og Sebastian Foss-Solevaag fekk det endå lettare fordi Jan Zabystran blei diska.

Kristin Lysdahl og Leif Kristian Nestvold-Haugen hadde meir jambyrdige motstandarar, men begge vann og fullførte utklassinga.

Sveitsisk gull - svensk vonbrot

Gullet gjekk til Sveits, som slo naboen Austerrike i finalen. Ramon Zehnhäusern avgjorde med ein knusande siger over Marco Schwarz i siste duell. Dermed 2-2, men Sveits vann på tid.

På det sveitsiske laget vae Wendy Holdener, som dermed blei VMs første dobbelvinnar. Ho vann også kombinasjonen fredag.

Italia tok bronse med 3-1 over Tyskland.

For Sverige var vonbrotet kanskje endå større. På heimebane hadde dei teke mål av seg til gull, men også svenskane måtte seie takk for seg i kvartfinalen. Ramon Zehnhäusern knuste Andre Myhrer i fjerde duell og sende heimhåpet ut.

FINALEN: Her slår Sveits Austerrike og blir verdsmeister

Siste nytt

  • Botheim med ny RBK-kontrakt

    Erik Botheim har signert en ny kontrakt med norsk fotballs flaggskip. Det melder Rosenborg på egne nettsider. Kontrakten strekker seg over to år. – Erik er en spiller vi har stor tro på kan utvikle seg til å bli en topp Rosenborg-spiss, sier trener Eirik Horneland.

    Rosenborg, ERik Botheim, Eirik Horneland
    Foto: RBK.no
  • Haaland ikke kvitt kneskaden

    Erling Braut Haaland har fortsatt knetrøbbel og er usikker foran Salzburgs kamper mot St. Pölten og Genk, skriver Nettavisen. I forrige uke måtte Haaland kaste inn håndkleet like før Norges EM-kvalifiseringskamp mot Færøyene.

    Champions League - Group E - Liverpool v FC Salzburg
    Foto: Jason Cairnduff / Reuters
  • Ødegaard nærmer seg storkampen

    Martin Ødegaard fullførte i dag en ny trening med Real Sociedad, skriver spanske medier. Mye på at 20-åringen spiller kampen mot Real Madrid lørdag. Han har vært ute med skade i tre uker, og sto over de to landskampene mot Færøyene og Malta.

    Ødegaard
    Foto: Ander Gillenea / AFP

Sendeplan

Kl. Program Kanal