NRK Meny
Normal

Derfor får han kapteinsbindet før gullklokka

LONDON (NRK.no): Per Ciljan Skjelbred har bare spelt 23 landskampar, men er likevel Norges nye landslagskaptein.

Per Ciljan Skjelbred

I går blei Per Ciljan Skjelbred henta tilbake til Hertha Berlin. I dag fekk han kapteinsbindet av landslagssjef Per-Mathias Høgmo.

Foto: Pedersen, Terje / NTB scanpix

  • England - Norge på NRK P1 og på NRK Sport på DAB+ onsdag kl 21.00. Klikk her!

– Eg kunne ikkje takke nei, seier Skjelbred til NRK.no.

Landslagssjef Per-Mathias Høgmo avslørte Brede Hangelands arvtakar påpressekonferanse på Wembley tysdag kveld.

Onsdag får midtbanespelaren testa leiarferdigheitene mot Englands stjerner med kaptein Wayne Rooney i spissen.

Rooney er også fersk som kaptein for England, men står med 95 landskampar sidan debuten i 2003.

Til samanlikning har Skjelbred 23 landskampar for Norge.

27-åringen er bare to kampar unna å få gullklokka, men først får han kapteinsbindet.

Skal vise unge spelarar korleis dei kan takle motgang

Wayne Rooney på pressekonferanse med NRK-mikrofon foran seg

ENGLANDS NYE KAPTEIN: Wayne Rooney.

Foto: Pedersen, Terje / NTB scanpix

Skjelbred er førstevalet. Dersom Hertha Berlin-profilen ikkje kan spele vil Tarik Elyounussi eller Tom Høgli vikariere for 27-åringen.

– Eg er veldig fornøgd med Per, seier Høgmo, som trena Skjelbred i Rosenborg i 2005.

– Han har definitivt vokst seg stor som spelar og person, legg landslagssjefen til.

– Du brukte Vegard Forren mot Dei foreinte arabiske emiratar. Kvifor blei ikkje han kaptein?

– Eg har sagt tidlegare at vi har fleire kapteinstypar. No når alle er på plass har vi prioritert Per Ciljan. Vegard gjorde ein god jobb sist, seier Høgmo.

– Kva leiareigenskaper ser du i Per Ciljan?

– Han har gjennom karrieren vist at han kan takle motgang. Han er i stand til å stå støtt i utviklingsløpet. I dette laget med svært låg snittalder, har spelarane ein dei kan sjå opp til, seier Høgmo.

Landslagssjefen siktar til stortalentet Per Ciljan Skjelbred som brakk beinet i meiosterligamøtet med Olympiakos i 2005. Skjelbred kom tilbake og gjekk etter kvart frå Rosenborg til Hamburg. Der fekk han minimalt med speletid, men har no etablert seg som fast inventar på hovudstadslaget Hertha Berlin.

– Måtte bare seie ja

Mats Møller Dæhli

SKJELBRED-FAN: Mats Møller Dæhli.

Foto: Pedersen, Terje / NTB scanpix

Skjelbred kunne ikkje takke nei då tilbodet kom.

– Det er ei ære å bære kapteinsbindet for Norge. Då eg fekk sjansen måtte eg bare takke ja. Det er ikkje noko meir spesielt enn det. Jobben på banen er den viktigaste, seier Skjelbred.

– Når kom beskjeden?

– For to-tre timar sidan.

– Kva leiareigenskapar har du?

– Eg er ein god person på og utanfor banen. Eg er seriøs med det eg gjør. Eg er kanskje ein person som handlar meir enn eg snakkar, seier Skjelbred, som også har hatt kapteinsbindet på aldersbestemte landslag.

Møller Dæhli: – Eg og Per er ganske like

Ein av landslagets yngste, Cardiffs Mats Møller Dæhli, er fornøyd med Høgmos valg.

– Per Ciljan og eg er veldig like som spelarar. Derfor ser eg opp til han. Det var riktig å gje han kapteinsbindet, seier Dæhli til NRK.no.

Siste nytt

  • Solberg leder på Silverstone

    Petter Solberg leder etter første dag i VM-runden i rallycross på legendariske Silverstone lørdag.

    Etter to innledende runder leder østfoldingen foran svenskene Mattias Ekstrom og Timmy Hansen.

    Solberg vant den første runden og kjørte inn til tredjeplass i den neste.

    RALLYCROSS-FRA-MOTOR-RACE
    Foto: LOIC VENANCE / AFP
  • Chris Froome sikret seieren

    Chris Froome sto imot alle angrep på siste fjelletappe i Giro d'Italia og forsvarte den rosa ledertrøya. Søndag sykler han i mål i Roma som sammenlagtvinner.

    Froome vil dermed være regjerende mester i alle de tre Grand Tour-rittene.

    Chris Froome
    Foto: LUK BENIES / AFP
  • Riccardo i pole position

    Red Bull-føraren Daniel Riccardo var best i kvalifiseringa og startar fremst i Monaco Grand Prix søndag. Ferraris Sebastian Vettel startar ved sida av Riccard i løpet. Vettel vann løpet i fjor.

    Monaco Grand Prix er einaste formel 1-løpet som går i bygater, ikkje på spesielle baner.

    Monaco Grand Prix
    Foto: ANDREJ ISAKOVIC / AFP

Sendeplan

Kl. Program Kanal
Toppserien: Superhelg
Toppserien fotball kvinner: Lyn - Grand-Bodø
Toppserien: Lyn - Grand-Bodø
Toppserien: Superhelg
Toppserien: Vålerenga - Trondheims-Ørn
Sportssøndag: Rapporter fra Vålerenga - Trondheims Ørn
VM rallycross
Toppserien: Superhelg
Toppserien: LSK Kvinner - Avaldsnes
Sportssøndag: LSK Kvinner - Avaldsnes
4-4-2 Radiosporten